Om oss

Haukeland universitetssjukehus har over 14.000 dyktige medarbeidarar som kvar dag jobbar for at pasientane skal få spesialisthelsetenester med god kvalitet når dei treng det. Vi arbeider for pasienttryggleik, vi legg til rette for gode arbeidsmiljø og vi forbetrar tilbodet vår slik at vi bruker ressursane på best mogleg måte. Slik vidareutviklar vi tenestene til det beste for pasientar og samfunnet.

Etiske retningslinjer

Helse Vest er avhengig av tillit og eit positivt omdømme for å kunne yte den gode helsetenesta vi ønskjer å tilby. Etisk kvalitet på tenesteyting og forvalting er ein føresetnad for denne tilliten.

Les meir på Helse Vest sine sider

Gåver og donasjonar

Haukeland universitetssjukehus mottar gåver og donasjoner frå privatpersoner, foreninger og andre. Her finn du informasjon dersom du ønsker å gje ei gåve, og eksempler på kva støtta har bidratt til.

Gåver og donasjonar

Haukelands historie gjennom 100 år

Mange er dei som gjennom åra har hatt sitt daglege arbeid ved Haukeland, har fått behandling på sjukehuset, har fødd her, vore på besøk her - eller som berre veit at sjukehuset er der om dei treng det. Alle desse kan med rette tenkje på sjukehuset som ”sitt Haukeland”.

Haukelands historie

FNs berekraftsmål

I 2015 vedtok verdas leiarar FNs berekraftsmål – verdas felles arbeidsplan for å utrydde fattigdom, bekjempe ulikheit og stoppe klimaendringar innan 2030. Det er til saman 17 mål innanfor kategoriane klima og miljø, økonomiske og sosiale forhold. Målet til Helse Bergen er å levere pasienten sin helseteneste på ein berekraftig måte.

Les meir om sjukehuset og FNs berekraftsmål

Dei nasjonale klima- og miljømåla for spesialisthelsetenesta er ambisiøse og skal vere integrert i Haukeland universitetssjukehus si verksemd. Utviklingsplan 2022-2035 er det overordna strategiske dokumentet for Haukeland universitetssjukehus. Eit av måla i utviklingsplanen er det nasjonale klima- og miljømålet for spesialisthelsetenesta: CO2-utslippa våre er redusert med 40 prosent innan 2030 og vi har tiltak som gjer oss klimanøytrale innan 2045

Dette målet tar for seg fleire av dei 17 berekraftsmåla til FN.

Les meir om måla i sjukehuset sin utviklingsplan

Klima og miljø

Ytre miljø arbeider med påverknaden som sjukehusdrifta har på naturen. Sjukehusdrifta gir i dag utslepp til luft, vatn og jord, samt at store naturressursar går til produksjon av ulike produkt. Oppgåva vår blir å arbeide for å gjere påverknaden på naturen minst mogleg.

Les meir om miljømål og miljøpolitikk i Helse Bergen

Komitear og utval

Brukarutvalet Klinisk etikkomité Pasientsikkerheit Rådgjevande organ for førebyggjande og helsefremjande arbeid Fagråd for lindrande behandling Ungdomsrådet

Kvalitet og kvalitetsindikatorar

Helsemyndigheitene ønsker at pasientar, pårørande og publikum skal få betre kunnskap om kvaliteten på behandlinga i helsetenesta. Derfor kan alle innbyggjarane i Norge gå til kvalitetsindikatorane på www.helsenorge.no for å finne ut meir om kvaliteten på sjukehusa i landet.

Openheit om kvalitetsindikatorane er viktig for både pasientar, helsetenesta og helsemyndigheitene. Det er viktig at pasientane har informasjon om kvaliteten i tenesta og at helsetenesta bruker dette i sitt forbedringsarbeid.

Når det gjeld kvalitetsindikatorane så blir kvalitet på tenestene definert som tenester som er:

Virkningsfulle
Trygge og sikre
Involverer brukar
Samordna og prega av kontinuitet
Utnyttar ressursar
Tilgjengelege og rettferdig fordelt

Kor finn eg kvalitetsidikatorane?

Du finn oversikta over alle kvalitetsindikatorane for Haukeland universitetssjukehus og alle andre sjukehus på Helsedirektoratet.no og på helsenorge.no. Her kan du samanlikne sjukehus mot sjukehus og regionar mot regionar. Du kan finne konkrete tal og lage tabellar og diagram som gjer tale lettare å forstå. Resultata blir oppdaterte jamnleg.

Kva er ein kvalitetsindikator?

Ein kvalitetsindikator er eit indirekte mål, ein peikepinn, som seier noko om kvaliteten på det som blir målt. Kvalitetsindikatorane kan for eksempel måle helsetenesta sine tilgjengelege ressursar, pasientforløpet og resultatet av helsetenestene for pasientane. Kvalitetsindikatorane bør sjåast i sammanheng og kan samla gi eit bilde av kvaliteten i tenestena.

Tolk med varsomheit

Tolkinga av kvalitetsindikatorane kan vere komplisert. For eksempel kan det sjå ut som om ein behandlingsstad med høg dødelighet blant pasientane har dårleg behandlingskvalitet, mens det faktisk kan være heilt motsett. Ein årsak kan vere at denne behandlingsstadent kan ha den beste kompetansen, slik at dei andre behandlingsstadene dirfor henviser dei sjukaste pasientane dit.

Når ein tolkar tala er det difor viktig å hugse at behandlingsstadene har ulik kompetanse på forskjellige områder, og at dette ofte avgjer kvar pasientane blir behandla.

Logo og profilfargar

Sjå våre logoar og fargar

Nøkkeltal

2022

Om lag 984 000 pasientmøte. Dette omfattar innleggingar og polikliniske konsultasjonar i somatikk, psykisk helsevern og rus. Radiologiske undersøkingar er ikkje inkludert.
4723 fødslar
39 300 operasjonar utført
78 500 døgnopphald
30 000 dagopphald
12,5 millionar laboratorieanalysar

2023

Driftsbudsjett på om lag 15 milliardar kroner
Driftskost per time 1,7 millionar kroner
Investeringsbudsjett på kr 1 550 millionar kroner til nytt medisinsk utstyr og nye bygg
230 ulike yrkesgrupper
Om lag 503 millionar kr til forsking

Offentleg postjournal

Sjå dei siste postjournalane våre

Om helseføretaket

Noreg er delt i fire helseregionar. I kvar av dei har eit regionalt helseføretak ansvar for at befolkninga blir tilbydd spesialiserte helsetenester. Staten eig dei regionale helseføretaka. Helse Bergen HF er eitt av fem lokale helseføretak på Vestlandet som er eigd av det regionale føretaket Helse Vest RHF.

Helse Bergen HF er den juridiske overbygninga. All aktivitet i dei ulike einingane ligg i Haukeland universitetssjukehus. Vi har fire primære ansvarsområde: Pasientbehandling, forsking, utdanning av helsepersonell og opplæring av pasientar og pårørande.

Kontaktinformasjon og adressar

Opptaksområde, kommunar og innbyggjartal

Sjå kart over opptaksområdet til Helse Bergen (jpg)

18 kommunar høyrer til i Helse Bergen sitt føretaksområde.
Kommune, tal på innbyggjarar per 01.01.2021

Alver 29 337
Askøy 29 553
Austevoll 5276
Austrheim 2860
Bergen 285 601
Bjørnafjorden 25 049
Eidfjord 903
Fedje 525
Gulen 2272
Kvam 8461
Masfjorden 1660
Modalen 376
Osterøy 8080
Samnanger 2504
Ulvik 1061
Vaksdal 3918
Voss 15 787
Øygarden 38 664