Nettverk av fysio-og ergoterapeutar i Bergen
Fysio- og ergoterapinettverket består av ca. 50 ressurspersonar frå Habiliterings- og rehabiliteringstjenesten i alle bydeler i Bergen kommune, frå ergo-/fysioterapieiningar i andre kommunar i Helse Bergen føretaksområde og frå sjukehusavdelingar, rehabiliteringseiningar og private verksemder som behandlar kreftpasientar eller andre pasientar som treng lindrande behandling.
Målet for fysio- og ergoterapinettverket er å:
- Auke fysio- og ergoterapeutars kompetanse, interesse og engasjement for palliasjon.
- Skape eit forum for samhandling mellom ergo- og fysioterapeutar på dei ulike nivåa og dermed fremme samarbeid og behandlingsflyt i ergo- og fysioterapitenesta.
- Fremme samarbeid med andre faggrupper.
Nettverket vert leia av ei driftsgruppe med representantar frå Helse Bergen, Haraldsplass Diakonale Sykehus, Bergen kommune, kommunar utanfor Bergen og KLB.
Driftsgruppa har ansvar for å drifte nettverket og arrangere samlingar i samsvar med strategidokument, aktuell årsplan og kompetanseplan.
Fysio- og ergoterapinettverket er ein del av Nettverk i kreftomsorg og lindrande behandling i Helse Bergen føretaksområde. Det er felles strategiplan, det utarbeidast felles årsplan, det er felles introduksjonskurs, og det arrangerast kvar haust felles årleg fagdag for sjukepleiarnettverket og fysio- og ergoterapinettverket.
Pallnet. Register over ressurspersonar i nettverket