Brot i handleddet er ein av dei vanlegaste brottypane. Dei fleste brota vert behandla med gips, men nokre gonger må det meir til. Bli med inn på operasjonssalen.
Dei fleste handleddsbrot kan og bør bli behandla med gips. Det er likevel ein del brot som er så feilstilte eller kompliserte at operasjon blir vurdert som den beste behandlinga.
LES MEIR: Slik vert handleddsbrot behandla
Du svever inn i søvnen: På anestesisida passer anestesisjukepleiaren deg kontinuerleg, gjev sovemedisin og smertestillande, overvaker puls og blodtrykk. Over operasjonsbenken er det avtrekk for rein luft.
Det første snittet: Handleddet ditt er merka. Operatøren opnar huda di forsiktig ved hjelp av skalpell og pinsett.
Tett samarbeid: Assisterande operatør brukar diatermi for å stoppe blødningar, operasjonssjukepleiaren er årvaken og er klar med skalpell.
Snart ved brotet: No dissekerer operatøren vidare ned mot brotet ditt. Fascien vert spalta med saks, sårhaker opnar og gjev oversikt.
Standard utstyr: Sterile pjangar, tenger, hakar, sakser, skålar, klyper og hammar er klar til bruk.
Pasienten i sentrum: Rundt deg er operatør, assistent, operasjonssjukepleiar, anestesisjukepleiar. og C-bue til venstre for røntgengjennomlysning.
Operasjonssjukepleiaren er klar med plata som skal brukast på handleddsbrotet.
Handleddet ditt får all oppmerksomhet på operatørsida.
Anestesisjukepleiaren ser det sovande ansiktet ditt, pulsen og blodtrykket er stabilt og snart skal du få vakne.
