Habiliterings­avdelinga for vaksne (HAVO)

Tilbodet rettar seg mot personar over 18 år med medfødde eller tidleg erverva funksjonsnedsetjingar. Dette omfattar tilstandar som har oppstått før fylte 18 år, og kan inkludere utviklingsforstyrringar, hjerneskadar, syndrom med kognitiv svikt, utviklingshemming, autisme og nevrologiske eller nevromuskulære sjukdomar som ryggmargsbrokk, ataksi og muskeldystrofi. Dei fleste som blir tilvist til habiliteringstenesta for vaksne har kognitiv svikt og/eller gjennomgripande utviklingsforstyrringar.

Habiliteringstenesta for vaksne i spesialisthelsetenesta tilbyr utgreiing, observasjon, kartlegging, diagnostikk og behandling. Tenesta inkluderer funksjonsutgreiing, miljøbaserte tiltak og oppfølging, samt råd og rettleiing til pasientar, pårørande og fagpersonar. Behandling kan skje både poliklinisk og ambulant, og nokre tiltak rettar seg mot støtteapparatet rundt pasienten, som til dømes opplæring av personalgrupper.

Rettleiing er ei tidsavgrensa fagleg støtte knytt til ein konkret pasient, basert på tverrfagleg kartlegging. Målet er å bidra til tilrettelegging og utvikling, og rettleiinga inneheld både kompetanseoverføring og praktisk bistand til pasient og pårørande.

Spesialisthelsetenesta har ei plikt til å medverke når det gjeld tiltak etter kapittel 9 i helse- og omsorgstenestelova. Dette omfattar både å bidra ved utforming av tiltak (§ 9-7) og å støtte gjennomføringa (§ 9-8). Regelverket skal sikre rettstryggleik for personar med utviklingshemming, og bidra til å førebyggje og avgrense bruk av tvang og makt.

Kommunen har hovudansvar for habilitering av innbyggarane sine, og kan tilvise til spesialistheilsetenesta ved problemstillingar som krev kompetanse ut over det ein kan forvente frå kommunen.

Tilvising til oss må kome frå lege eller spesialisthelsetenesta.

Hvis tilvisinga gjeld bruk av tvang og makt kan den overordna fagleg ansvarlege for vedtak i kommunen sende direkte tilvising til Habiliteringstenesta. I mange høve er det likevel formålstenleg at fastlegen er involvert, for å sikre at moglege helseproblem vert utgreia. Ved tilvisingar som gjeld Helse- og omsorgstenestelova kapittel 9, krev vi ikkje samtykke.

Vi ønskjer primært at vårt eige tilvisingskjema blir brukt.

Henvisning per post

Tilvisningsskjema kan sendast per post til: 

Helse Bergen
Haukeland universitetssjukehus
Habiliteringsavdelinga for vaksne
Postboks 1400
5021 Bergen

Elekstronisk henvisning

Dersom ein i staden brukar elektronisk tilvising eller vanleg brev, må det opplysast om følgjande:

1. Buform
2. Arbeid /skule / dagtilbod
3. Har pasienten ansvarsgruppe/individuell plan?
4. Kjente diagnosar
5. Opplysningar om relevante utgreiingar / spesialistvurderingar. Legg ved kopiar dersom du har desse tilgjengeleg.
6. Aktuell problemstilling. Spesifiser kva du ønskjer at Habiliteringstenesta skal bidra med. Dersom tilvisinga gjeld diagnostisering av ein sjukdom eller ei liding, treng vi opplysningar om bakgrunnen for denne mistanken.
   NB! Legg gjerne med utdjupande problemstillingar frå dei som har dagleg kontakt med pasienten.
7. Namn, adresse og tlf.nr. til tenesteytar som Habiliteringstenesta skal samarbeide med i forhold til denne tilvisinga.
8. Kven som samtykker til tilvisinga – pasient/andre.
9. Behov for tolk.
10. Namn på fastlege, dersom denne ikkje er tilvisar.

Svarbrev

Svarbrev på tilvising vert sendt til pasienten, tilvisande lege og ev. andre samarbeidspartar som det er opplyst om og gitt samtykke til i tilvisinga. Svarbrev vert sendt innan 10 arbeidsdagar etter mottatt tilvising. ​

Dersom pasienten får rett til helsehjelp, står det i brevet kva type helsehjelp som vil bli gitt, tid for første time og namn på ansvarleg fagperson. Dersom vi vurderer at pasienten ikkje er i vår målgruppe, vil tilvisinga bli avvist eller sendt vidare til annan avdeling i spesialisthelsetenesta. Ved avvising vil vi gi råd om rett instans i svarbrevet.

• Ambulant oppfølging i pasienten sin heimkommune
• Poliklinisk oppfølging

• Pasientopplæring
• Kurs og undervisning til samarbeidande personell
• Team for motorikk og habilitering
  
  

I habiliteringsprosessar er det mange aktørar som samarbeidar. Aktuelle samarbeidspartar kan være fastlege, pårørande, pleie- og omsorgstenester, PP-teneste, dagsenter, arbeidsplass, NAV og andre deler av spesialisthelsetenesta.

Habiliteringsavdelinga si kursverksemd rettar seg mot fagpersonell, pårørande og pasientar.

Sjå kva kurs vi tilbyr

Spørsmål om kurs/undervisning kan sendast på e-post postmottak.habilitering@helse-bergen.no