Rettleiing for val av r​ett transport i Helse Bergen

​Koronarelaterte pasientreiser

Rekvirerte reiser til / frå testing og koronavaksinasjon blir ikkje dekka av Pasientreiseforskrifta då dette er kommunen sitt ansvar i koronavaksinasjonsprogrammet.

Dokumentasjonkravet er gjeninnført for reiser med privat bil av helsemessige årsaker frå 1. juni 2022

Generell rutine utanom opningstid

Elektronisk rekvirering av pasientreiser er tilgjengeleg heile døgnet alle dagar. Bestillinga blir då sendt til riktig transportør som utfører oppdraget.

Ved behov for endring, avbestilling eller ved spørsmål knytt til bestillinga, må du rette desse til Avdeling for pasientreiser på tlf. 05515 i opningstida vår​. 

Sjå våre opningstider

Utanom opningstida vår må transportør med avtale i aktuelt henteområde kontaktast direkte av rekvirerande behandlar. 

Kontaktinf​o til tr​ansport​ør med avtale

Ved reise frå eit område med særskild transportøravtale i eit tidsrom der avtale ikkje gjeld må pasient sjølv kontakte transportør ved endringar. 

Oversikt over områder med særskilde avtalar

Dersom behandlar ikkje får eRekvirert​

Dersom ein av ulike grunnar ikkje får eRekvirert i systemet utanom opningstida vår, kan papirrekvisisjonen nyttast. 

Følg Rutine for driftsbrot​​

Rutine ved driftsbrot og bruk av papirrekvisisjon

Dersom elektronisk rekvirering ikkje er tilgjengeleg (ved nedetid/ driftsbrot) eller dersom ein ikkje får eRekvirert av andre årsaker - 
skal behandlar kontakte Avdeling for pasientreiser på telefon 05515 for å  bestille pasientreiser.

Sjå våre opningstider

Dersom behandlar ikkje får rekvirert elektronisk utanom opningstida vår - 
kan papirrekvisisjon nyttast. Papirrekvisisjonar bør vere tilgjengeleg på alle behandlingsstader og kan bestillast gratis her:

https://pasientreiser.no/helsepersonell/bestill-m​ateriell

Behandlar fyller ut ein papirrekvisisjon og tar direkte kontakt med transportør som har avtale i aktuelt henteområde for bestilling. 

Kontaktinformasjon til transportør med avtale

Transportør vil då merke bestillinga og på den måten godkjenne bruk av papirrekvisisjonen. Pasient kan ikkje nytte papirrekvisisjon utan at behandlar har vore i kontakt med transportør i forkant.​

Ved driftsbrot når transportøravtale ikkje gjeld i området (særskilde avtalar)
Dersom elektronisk rekvirering ikkje er mogleg - kontakt Avdeling for pasientreiser på telefon 05515 i opningstida vår for hjelp til å rekvirere. 

Utanom opningstid må pasient få annan dokumentasjon frå behandlar på transportbehovet for å vedlegge søknaden sin om dekning av reiseutgifter i etterkant:

https://pasientreiser.no/helsepersonell/dokumentasjonskrav-ved-pasientreiser

Pasient må ordne transport sjølv og legge ut for reisa i tidsrom der avtale ikkje gjeld i området. 

Oversikt over område med særskilde avtalar

​​Særskilde transportøravtalar i Helse Bergen

​​Helse Bergen har avtalar om køyring av pasientreiser med rekvisisjon i alle område. I dei fleste områda gjeld avtalane heile døgnet, men i nokre område er avtalar inngått for gitte tidsrom.

Følgande område har særskilde avtalar om køyring av pasientreiser med rekvisisjon:​

Osterøy: avtale gjeld køyring med start i tidsrommet kl.06.00 – 18.00 alle dagar

Ølve og Hatlestrand (Kvinnherad): avtale gjeld køyring med start i tidsrommet kl.06.00 – 18.00 alle dagar

Ulvik: For lokale reiser i Ulvik gjeld avtalen køyring med start i tidsrommet kl.0600 – 18.00 måndag-fredag. For reiser ut av Ulvik kommune gjeld avtalen heile døgnet alle dagar.

Helse Bergen har ikkje avtale om køyring utanom desse tidene. Det vil seie at dersom pasient skal hentast i området på eit tidspunkt der transportøravtale ikkje gjeld, må pasient sjølv bestille/ordne transport og legge ut for reisa.

Behandlarar/rekvirentar skal fortsatt vurdere det medisinske behovet og rekvirere reise i forkant. Rekvisisjonen vil automatisk følgje pasienten sin søknad om dekning av reiseutgifter i etterkant og fungere som dokumentasjon på transportbehovet.​

Les meir om kva dette betyr for pasient og deg som behandlar/rekvirent

Oversikt og kontaktinfo til transportør med avtale i Helse Bergen​​

Support - eRekvirering

Avdeling for pasientreiser handterer support knytt til RekvirentID og passord i NISSY (eRekvirering av pasientreiser), og registrering av offentleg godkjente behandlingsstader/ behandlarar i Helse Bergen i forbindelse med pasientreiser.

Les meir om tilgangsstyring, brukernamn og passord​

Deaktivert brukar / gløymt passord
Dersom du allereie nyttar e-rekvirering, men treng hjelp med passord i NISSY, kan du henvende deg via skjema for Gløymt passord eller deaktivert brukar i NISSY​.
Når førespurnaden din er behandla, vil du få ein e-post/ SMS frå systemet med nytt passord. Vi prøver å svara ut alle innan 1-2 vyrkedagar.

Sjå rettleiin​g for korleis du sjølv kan endra din profil og få tilsendt nytt passord direkte frå systemet ved behov

Support over telefon og e-post
Ring 05515 - tast 2 (for behandlar), deretter tast 6 (for support)
Telefon 05515  er betjent man-fre kl. 07.00 - 19.00, lør kl. 09.00 - 15.00​
E​-post support: eRekvirering@helse-bergen.no

For passord-support utanom vår opningstid kan Norsk helsenett kontaktast på 
tlf. 24 20 00 00 (føresett at din brukar har ein e-post adresse eller mobil-nr knytt til seg)

Ny RekvirentID eller ny behandlingsstad/ behandlar
Behov for ein ny brukar ved behandlingsstaden, eller registrere ny behandlingsstad/ ny behandlar? 
Bestille ny bruker eller legge inn ein behandlingsstad i NISSY

Henvendelse om tilgang for å eRekvirere
For å eRekvirere må godkjent behandlingsstad og eventuelt behandlarar vere registrert/oppdatert i NISSY og vere tilknytt Helsenett. 

Behandlarar kan rekvirere direkte i vårt system NISSY, eller via eige journalsystem (mange av dei største journalsystema har oppsett for pasientreiser)

Avdeling for pasientreiser set opp behandlingsstad med tilhøyrande rekvirentar i NISSY og gir nødvendig informasjon for oppsett av behandlingsstaden i journalsystemet, med RekvirentID og passord. 

Ring oss på 05515  eller send ein henvendelse til eRekvirering@helse-bergen.no, så tar vi kontakt.

Sjå meir informasjon om eRekvirering på pasientreiser.no

Sjuketransport

Sjuketransportbilane køyrer pasientar som ikkje har behov for medisinsk tilsyn eller overvaking, men som må ligge under transporten. Tenesta er eit samarbeid mellom Akuttmedisinsk kommunikasjonssentral (AMK) og Avdeling for pasientreiser.

Avdeling for pasientreiser bemannar bilen og har blå uniformering. Medarbeidarane er ikkje medisinsk personell, men har opplæring i å handtere pasientar med smitte og pasientar med behov for oksygen under transporten. 

Sjuketransportbilen har plass til éin bårepasient og eventuelt éin følgeperson. Det er ikkje plass til rullestol eller utstyr utover klede/bagasje.

Sjuketransporten avlastar bruken av ambulanse og sikrar bedre utnytting av ressursar og personell for akuttberedskap.

Det er to sjuketransportbilar i drift kvardagar i tidsrommet kl. 09.30-19.00 og desse utfører primært oppdrag med start i Bergen og nærliggande kommunar. Så langt det er mogleg vil sjuketransportbilane utføre desse oppdraga, resterande vil bli utført av ambulanse som båretransport.

Det er viktig at val av transport er kvalitetssikra som eigna for sjuketransport - sjå veiledning for val a​v rett transport​​.

Bestilling med ønsk hentetid kvardagar (man-fre) fra kl. 09.00-16.00 skal rekvirerast i NISSY eller ring 05515  - se veiledning for eRekvirering av syketransport

Ved behov for båretransport i andre tidsrom må desse rekvirerast via AMK​​

Nyheitsbrev frå Avdeling for pasientreiser

​Avdeling for pasientreiser sender ut nyheitsbrev til behandlarar og rekvirentar i området Helse Bergen HF ved behov.
Dersom du ikkje allereie mottek desse kan du registere deg her​

Utsende nyheitsbrev:

• Nyhetsbrev 14.des 2022​
  
• Nyhetsbrev 28.oktober 2022​
  
• Nyhetsbrev 21.juni 2022​
  
• Nyhetsbrev 3.mars 2022​​
  
• Nyhetsbrev 18.februar 2022​
  
• Nyhetbrev 31.januar 2022
  
• Nyhetsbrev 30.september 2021
  
• Nyhetsbrev 7.juli 2021
  

​​
​