Mål 11
Dei nasjonale klima- og miljømåla for spesialisthelsetenesta er ambisiøse og skal vere integrert i Haukeland universitetssjukehus si verksemd.
*CO2e står for karbondioksidekvivalentar og er ei samlenemning for alle drivhusgassar.
(3)
Verdas Helseorganisasjon har definert klimakrisa som den største helsetrusselen for menneska. Haukeland universitetssjukehus tar samfunnsansvar på alvor og vil auke merksemda på menneskerettar, sosiale forhold, klima og miljø i den daglege verksemda. Ei berekraftig helseteneste som driv førebygging, sikrar tenester til rett tid, hindrar overbehandling og bruker ressursane godt, bidrar til å nå FN sine berekraftsmål.
Ei berekraftig helseteneste inneber også at vi vil redusere infeksjonar og andre komplikasjonar som oppstår som følge av tenestene og at vi vil digitalisere deler av pasientforløpa. Innføring av IKT-løysingar og utvikling av ny teknologi skal bidra til effektiv sjukehusdrift og ressursforvaltning.
Mål 11 er eit nasjonalt klima- og miljømål for spesialisthelsetenesta. Det er ambisiøst og tar opp i seg fleire av FN sine 17 berekraftsmål, blant anna ansvarleg forbruk og produksjon, god helse og livskvalitet, i tillegg til rein energi og reint vatn. Vi har tatt i bruk verktøy som klimaregnskap, klimabudsjett og sirkulærøkonomi-tenking for å nå måla. Vi jobbar også for anstendige arbeidsforhold, både i kjerneverksemda og i dei små og store byggeprosjekta våre.
Rammeverk for miljø og bærekraft i spesialisthelsetjenesten 2022 (PDF)
