Familieambulatoriet tilbyr langsiktig oppfølging av familiar med barn som har vore eksponert for rusmiddel eller avhengigheitsskapande legemiddel under graviditeten. I tillegg er det ein sengepost for frivillig behandling av rusmiddelavhengige gravide og mødrer/fedre med barn.
Kvinneposten tilbyr frivillig behandling til rusmiddelavhengige kvinner.
Familieambulatoriet og Kvinneposten er samlokaliserte, noko som gjer at ein samlar den faglege spisskompetansen på kvinner og familiar i same seksjon.
Seksjon Tertnes er ein tverrfagleg arbeidsplass der miljøpersonell med ulik helse- og sosialfagleg bakgrunn samhandlar tett med behandlargruppa.
Historia vår
I 2013 flytta Seksjon Tertnes frå Dr. Martens bygget ved Sandviken sykehus til Tertnesvegen 37. Fram til 2014 bestod Seksjon Tertnes av Forsterka ruspost, ein post som tok imot pasientar som blei innlagt utan eige samtykke (tvang) etter §§ 10-2 og 10-3 i helse- og omsorgstjenesteloven (HOL).
I 2014 blei Familieambulatoriet etablert . Familieambulatoriet har langsiktig oppfølging av familiar med barn som har vore eksponert for rusmiddel eller avhengigheitsskapande legemiddel under graviditeten. Ambulatoriet har også ein sengepost for frivillig behandling av rusmiddelavhengige gravide og mødre/fedre med barn, i tillegg til ei brukarstyrt seng. Eit ambulerande familieteam er også knytt til posten.
Hausten 2017 overtok Seksjon Tertnes Kvinneposten, som tidlegare var underlagt Seksjon Askøy. Kvinneposten tilbyr frivillig behandling til rusmiddelavhengige kvinner. Kvinneposten er samlokalisert med Familieambulatoriet.
Seksjon Tertnes er i dag ein tverrfagleg arbeidsplass der miljøpersonell med ulik helse- og sosialfagleg bakgrunn samhandlar tett med behandlargruppa. Med Familieambulatoriet og Kvinneposten på same stad samlar ein den faglege spisskompetansen på kvinner og familiar i same seksjon.
Behandling og aktivitet
- Pasientane får undervisning frå tverrfagleg team kvar veke. Vi tar opp emne som individuell plan, rusens funksjon, motivasjon, sjølvtillit, nettverk, ernæring og fysisk trening relatert til mental helse.
- Vi underviser i hjarte-lunge-redning og gir informasjon om overdosefare.
- Vi gir undervisning i Nalokson nasespray
- Fysisk trening i gymsal og treningsrom. Symjehall i nærleiken.
- Vi har verkstad for maling, handarbeid, strikking, toving og keramikk.
- Kortspel, matlaging og andre aktivitetar relatert til vanleg daglegliv.
- Turar i nærområdet med følgje.