Opplæring

Lærlingar

Akuttmedisinsk avdeling har omlag 10-20 lærlingar i ambulansefaget til ei kvar tid. Lærlingane går to år i lære etter to år på yrkesskulen. Læretida er todelt, der første året er som tredjemann på ambulanse og siste året er​​​​​ som andremann på ambulanse. Det er jamn fordeling mellom kjønna.

Køyreopplæring

Akuttmedisinsk avdeling er tilknytta Helse Vest Køyreskule, der det er instruktørar som tar seg av opplæring innan utrykkingskøyring og vedlikehaldstrening.

Vikarkurs for helsepersonell

På grunnlag av gjeldande regelverk har Akuttmedisinsk avdeling utarbeida ei tilpassa tilleggsopplæring (vikarkurs) som kvalifiserer sjukepleiarstudentar, sjukepleiarar og medisinstudentar til å fungere som ambulansepersonell nr. 2.

I tillegg til krav om førarkort kl. C1 (pågåande opplæring må vere ferdig før eksamen på vikarkurset) og plettfri vandel, må kursdeltakarane tilfredsstilla minimum eitt av punkta:

• Autorisert helsearbeidar (sjukepleiar eller tilsvarande)
• 3. års medisinstudent (må vere påbegynt det året vikarkurset startar)
• 2. års sjukepleiarstudent (påbegynt det året vikarkurset startar)

Søkjarar som ikkje tilfredsstiller desse krava vert ikkje vurdert. Det vert gjennomført intervju og fysiske testar for dei kandidatar som vert kalla inn.

Vikarkurs vert annonsert i WebCruiter, og vi bed om at interesserte kandidatar følgjer med der. 

Hospitering i ambulansetenesta 

I periodar har avdelinga moglegheit for å ta i mot hospitantar.

Ta kontakt pr. e-post for å melde interesse.​