Hos oss blir pasientar med plastikkirurgiske problemstillingar behandla. Avdelinga er ei av fem fagavdelingar under Kirurgisk klinikk. Brannskadeavdelinga er ein del av avdelinga. Avdelinga disponerer også senger ved pasienthotellet Haukeland Hotell som ligg like ved sjukehuset.

Barna som blir lagt inn ved avdelinga held til på Barnekirurgen ved Barne- og ungdomsklinikken i Marie Joys' hus.

Om behandling og kirurgi

Her finn du informasjon om generell behandling og kirurgi som blir utført hos oss. Vi utfører:

• Handkirurgi
• Mammakirurgi
• Microkirurgi
• Tumorkirurgi
• Korrigering av urogenitale misdanningar
  
• Leppe-kjeve-ganespalte
• Brannskadar
• Rekonstruktiv kirurgi

I forbindelse med skadekirurgi har avdelinga spesiell kompetanse i bløtvevsdekning av sår og defektar. Plastikkirurgane har hovudansvaret for behandling av pasientar med nekrotiserande bløtvevsinfeksjonar.

Etter større skader eller operasjoner på grunn av malign sykdom kan det være behov for kirurgisk rekonstruksjon og oppbygging av kjevene. Behandlinga går føre seg ved Kjevekirurgisk avdeling i samarbeid med øyre-nase-halsavdelinga og plastikkirurgisk avdeling.

Leppe-kjeve-ganespalte

Avdelinga har fleirregionale funksjonar i forhold til barn med leppe-kjeve-ganespalte. Barna blir behandla i tverrfaglege team og blir følgt frå dei er fødd fram til vaksen alder.

Etter fødselen blir barnet tilvist til eit av dei to sentera for spalte i Norge, enten i Bergen eller Oslo. Spalteteamet behandlar:

• Barn med leppe-kjeve-ganespalte
• Barn med skjult ganespalte
• Barn og vaksne med talevanskar som blir vurdert for kirurgisk behandling

Barn som skal ha leppeoperasjonar blir innlagde på Barneklinikken.

Barn og ungdom som skal ha operasjonar som ganelukking, beintransplantasjon eller andre operasjonar på svelg og nase blir innlagde på Barnekirurgen. Pasientar i alderen 16– 18 år blir i nokre tilfelle innlagde på Kirurgisk klinikk, Post 4 Plastikkirurgi / karkirurgi.

Les meir om behandlingstilbodet for leppe-kjeve-ganespalte

Aktivitet

Her går føre seg både utgreiing, dagkirurgi og kontroll av pasientar med plastikkirurgiske problemstillingar.

Dagkirurgi

Poliklinikk operativ eining, har to operasjonsstuer kor det dagleg blir utført kirurgi som arrkorreksjon, håndkirurgi, fjerning av hudsvulstar og andre operative inngrep. Her blir og utført meir omfattande operasjonar som krev narkose. I fjor blei det utført ca. 3300 dagkirurgiske inngrep.

Kontroll og etterbehandling

Ei rekkje pasientar som har blitt operert for handskadar treng opptrening over lengre tid. Dei blir følgt opp av fysioterapeut og ergoterapeut med spesiell kompetanse i rehabilitering av slike skader. I fjor utgjorde denne gruppa 1252 av konsultasjonane ved poliklinikken.

Refusjon av bandasjemateriell

Brukarar med kroniske/ alvorlige sår kan søkje HELFO om å få dekka utgiftar til bandasje materiell. 

Kva skal til for at du får dekka utgiftene?

Legen må bekrefte at:

• Du har kroniske og alvorlige sår og fistlar – som for eksempel kreftsår, trykksår (liggesår), venøse leggsår, diabetiske sår og arteriosclerotiske sår
• Behovet for materiellet må vare minst tre månader i løpet av eit kalenderår
• Materiellet må være kjøpt på apotek eller hos bandasjist
• Det ikkje er heimesjukepleie som steller såra
• Om såra blir stelt av heimesjukepleie, er det kommunen som skal dekke utgiftene – og du kan ikkje søke HELFO om dekning av disse utgiftene

Brukarar som får godkjent refusjon betaler eigendel (1775,- kr per 17.01.16). På beløp overstigande dette, dekker HELFO 90 % og bruker 10 %. Denne eigendelen inngår ikkje i frikortordninga for helsetenester.

Første gang du søker om slik dekning, er det vanlegvis legen som fyller ut skjemaet «Søknad om bidrag til bandasjemateriell og medisinsk forbruksmateriell» (pdf)

Dersom søknaden blir godkjent, vil du få tilsendt eit vedtak i posten frå HELFO. Dette vedtaket gjeld for eit kalenderår av gongen.

Utgiftene dine blir dekka ved at du fyller ut og sender inn skjema. «Kvitteringsskjema for utgifter som kan dekkes etter folketrygdloven» (pdf)

• Krav om refusjon skal setjas fram innan 6 månader året etter du hadde utgifta. Dvs. innan 30. juni påfølgjande år. Det er krav til original og spesifisert kvittering
• Søknaden sendes det HELFO-kontor brukaren er tilknytt
• Dersom ein ikkje er i stand til å betale eigenandel sjølv, kan det søkjast om dekning til bidrag for dette hos HELFO

For utfyllande informasjon - sjekk dine pasientrettar på helsenorge.no