Som inneliggande pasient vil du få matservering på avdelinga du ligg på. I tillegg kan du kjøpe alt frå dagens middag til smårettar, bakevarer og kioskvarer på sjukehuset. I nærmiljøet finst også fleire daglegvarebutikkar.
På avdelingane blir det servert fire måltid kvar dag til pasientar som er innlagde:
Menyane varierer frå veke til veke. Du vil få meir informasjon om vekas meny på avdelinga. Pårørande og besøkande får ikkje mat på avdelingane, men kan nytte seg av kantine, kiosk eller kafé.
Om du som pasient ønskjer annan mat, tilbyr vi menyar til alle typar diettar og spesialkost. Nokre eksempel er allergitilpassa mat, vegetar og halal. Gi beskjed om dette til personalet ved avdelinga.
Fleire avdelingar tilbyr matservering i eigne spisestover. Her blir maten servert i ein hyggeleg atmosfære. Spisestovene er bemanna med eige kjøkkenpersonell og tilbyr frukost, lunsj, middag og kveldsmat.
Pasienthotellet vårt, Haukeland hotell, har eige kjøkken og spisesal, kafé og døgnopen kiosk for pasientar, pårørande og besøkande.
I Café3 (kantina) i 3. etasje i Sentralblokka på Haukeland tilbyr vi sal av varm mat, bakevarer, salat frå salatbuffet, kaker, pålegg, frukt og drikke. Café3 er open for alle.
Måndag-fredag: Kl. 07.30-18.00
Laurdag-søndag: Kl. 11.00-17.00
Kaféen er stengd på offentlege heilagdagar.
I Café Foajé kan du kjøpe påsmurt mat, kaker, bakevarer og ein enkel varmrett.
Måndag-fredag: Kl. 08.30-15.30
Stengd laurdag, søndag og offentlege heilagdagar.
Vi har to kioskar på sjukehuset, ein i foajeen i Sentralblokka og ein på Kvinneklinikken. Her finn du alt frå salat til påsmøra baguettar. Det er og varme rettar for overtidsmat òg liknande. I utsalet finn du òg eit breitt utval av bøker og magasin, blomar, telefonkort, frimerkar med meir.
Måndag-fredag: 07.00-22.00
Laurdag og søndag: 08.00-21.00
Måndag-fredag: kl. 09.00-16.00
Stengd laurdag, søndag og offentlege heilagdagar.
I enkelte avdelingar finst automatar der du kan kjøpe drikke og enkle matvarar heile døgnet.
