Pakkeforløp psykisk helse og rus

Kva behandling du treng og kor lenge ho vil vare, veit vi først når vi har blitt betre kjent med deg. Det blir vi gjennom ei basisutgreiing. Ei slik basisutgreiing skal som hovudregel gjerast ferdig i løpet av seks veker frå din første samtale på sjukehuset. For mange vil denne utgreiinga vere nok.

Om vi treng lenger tid, skal vi saman med deg lage ein plan for vidare utgreiing som består av fleire samtalar og undersøkingar.

Brukarmedverknad er heilt sentralt i pakkeforløpa. Helsepersonell skal involvere deg i alle avgjersler som gjeld deg. Når du ber om hjelp, skal du få god informasjon om dei ulike behandlingsalternativa og tilboda som finst, og som er nyttige for din tilstand, slik at du kan ta eit informert val om behandling og oppfølging.

Du skal og involverast i å lage din eigen behandlingsplan. Undervegs skal du kunne gi tilbakemelding,  slik at behandlinga di kan justerast om nødvendig.

Viss du opplever å ikkje bli høyrt eller tatt med i avgjersler som gjeld deg, bør du ta dette opp med ansvarlege fagpersonar eller nokon du har tillit til, som kan hjelpe deg å formidle dette vidare.

Mange har bruk for fleire tenester over lang tid. Viss du har behov for det, har du rett til ein individuell plan der du i samarbeid med dei som gir deg tenestene, set opp mål for deg, kva tiltak som skal til for å nå måla og kven som har ansvaret.

Når du er i eit pakkeforløp, får du ein forløpskoordinator. 

Forløpskoordinatoren vil vere ein kontaktperson for deg og eventuelt for dine pårørande, og kan svare på spørsmål og gi informasjon om kva som skal skje undervegs i forløpet ditt. Koordinatoren skal sørgje for at du unngår unødig venting og at det blir kontinuitet i behandlinga di.
Sjå oversikt over forløpskoordinatorar - pakkeforløp psykisk helse

Kva betyr pakkeforløpa for deg som pasient eller pårørande - informasjon på helsenorge.no

Overordnet målsetning, pakkeforløp, brukermedvirkning og måling, Helsedirektoratet

Barn og ungdom i pakkeforløp, Linda Flygel Knudsen, seksjonsleder, PBU

Det helhetlige forløpet, om overganger koordinering og samhandling, Bergen kommune

Pakkeforløp for psykisk helse og rus, Eivind hansen, Adm dir, haukeland universitetssjukehus

Kva er viktig for oss brukarar, Ove Vestheim leder i Erfaringspanelet psykisk helse og rus, Helse Bergen

Registrering av Pakkeforløpene i praksis, Rose Mari Eikås, rådgiver, seksjon for e-helse, Helse Bergen

Somatisk helse og levevaner, Rune A. Kroken Avdelingssjef ASP førsteamanuensis II UiB

Pakkeforløp psykisk helse og rus – sett fra kommunen, Tord Moltumyr, Helsesjef i Meland / kommuneoverlege i Meland og Radøy

Pakkeforløp - vegen vidare

1. Kvifor innfører vi pakkeforløp?

Innføringa av pakkeforløp skal styrke det heilskaplege behandlingsforløpet. Formålet med pakkeforløp er:

• Større forutsigbarheit og tryggheit for pasienten  
• Likeverdig behandling uavhengig av kor ein bur
• Unngå unødvendig ventetid
• Større brukarmedverknad og brukartilfredsheit
• Betre ivaretaking av somatisk helse og levevanar

• Betre samhandling og overgangar
• Meir systematiske evalueringar

2. Omfattar pakkeforløp alle pasientar i psykisk helsevern og rus?

Alle som blir tilviste spesialisthelsetenesta innan Tverrfagleg spesialisert rusbehandling og psykisk helse og får rett til nødvendig helsehjelp, blir omfatta av pakkeforløp.

3. Kva oppgåver ligg til rolla som forløpskoordinator?

Forløpskoordinator skal vere tilgjengeleg for pasient og pårørande og involverte instansar, til pasienten har fått eigen behandlar.
Forløpskoordinator har overordna ansvar for at

• forløpstider blir følgde
• forløpet blir koordinert
• målepunkt blir koda

4. Blir det tildelt ekstra midlar for å innføre pakkeforløp?

Nei.

5. Blir vi målt på pakkeforløp?

Ja. Dei første rapportar er planlagde å komme 30.05. 2019.

6. Kva for dato skal ein starte pakkeforløpet?

Første pasient blir tilvist til dei tre generelle pakkeforløpa 01.01. 2019
Første pasient blir tilvist til dei tilstandsspesifikke pakkeforløpa 15.02. 2019.

7. Dersom pakkeforløpet starta i anna helseforetak, kva for dato skal ein starte pakkeforløpet?

Pakkeforløpet startar i eige føretak den dato tilvisinga blir mottatt. Ein skal også registrere inn dato for "Start pakkeforløp første helseføretak" og namn på dette.