Oppdatert 18. november: To pasientar og to tilsette smitta

Smittesporing og testing har avdekka at to pasientar og to tilsette har testa positivt etter covid 19-utbrotet på Haukeland universitetssjukehus.

Publisert 18.11.2021 / Sist oppdatert 06.07.2023

Torsdag 18.11 kl. 11.45

Utbrotet i helga var ved kirurgisk klinikk. Dei positive tilfella frå i dag og fem av dei som blei meldt om i går er oppdaga på Kreftavdelinga ved sjukehuset.

Dei to sengepostane der det har blitt oppdaga smitte er stengt for inntak av nye pasientar, men desse blir innlagde på andre postar.

- Vi følger situasjonen tett og utbrotet har vore godt handtert på avdelingane, seier smittevernoverlege Dorthea Oma. - Vi ønsker sjølvsagt ikkje utbrot i sjukehuset, samtidig er det ikkje overraskande at det kan skje når smitten aukar ute i samfunnet.

I forbindelse med utbrotet på Haukeland er no det totale talet på smitta slik:

Ni pasientar er smitta.

Elleve tilsette er smitta.