Medisinsk klinikk

Medisinsk klinikk tar imot pasientar for utgreiing og behandling av indremedisinske sjukdommar. Det kan for eksempel vere blodsjukdommar, hormonsjukdommar og diabetes, fordøyingssjukdommar, infeksjonssjukdommar og nyresjukdommar. Klinikken har ulike opplæringstilbod for pasient og pårørande. Her er fleire einingar tilpassa dialyse, gastroenterologiske spesialundersøkingar, poliklinisk verksemd og dagbehandlig.

Medisinsk klinikk har fem fagseskjonar:

Klinikken har også

Medisinsk poliklinikk og dageining som er ein felles poliklinikk for ulike pasientgrupper tilhøyrande desse fagseksjonane.
Medisinsk undersøking -fordøyingssjukdommar som utfører undersøkingar både på inneliggande og polikliniske pasientar

Kurs

Medisinsk Klinikk arrangerer gruppebasert pasient- og pårørande opplæringskurs til personar med ulike kroniske diagnosar. Kursa er eit samarbeid mellom dei ulike kliniske avdelingane, brukarorganisasjon og Lærings- og meistringssenteret (LMS). Det må ligge føre ei tilvising frå lege.

Ei oversikt over dei ulike kursa finn du hos Lærings- og meistringssenteret (LMS) i Bergen.

Vi driv og med forsking, utdanning av helsepersonell. Dette krev eit sterkt fagmiljø i kontinuerleg utvikling og samarbeid på tvers. Medisin- og sjukepleiarstudentar får undervisning, og legar får spesialistutdanning innan indremedisin med tilhøyrande greinspesialitetar. Vi har også kliniske spesialutdanningar for sjukepleiarar innan gastro, infeksjon, diabetes, kreft og nyre.

Klinikken har fleirregionalt behandlingsansvar for allogene stamcelletransplantasjonar og har ansvar for nasjonale kompetansesentre for tropiske infeksjonssjukdommar, gastroenterologisk ultrasonografi, og funksjonelle mage- og tarmlidningar. Klinikken har og nasjonale kvalitetsregister for nyrebiopsiar og organspesifikke autoimmune sjukdommar.

Klinikken har eigne einingar for dialyse og gastroenterologiske spesialundersøkingar. Sistnemnde blir delvis driven i samarbeid med Kirurgisk klinikk og Barneklinikken. Medisinsk avdeling samarbeider på fleire felt særleg tett med Hjarte- og Lungeavdelinga, blant anna gjennom vaktsamarbeid og ansvar for felles turnuslegar. Klinikken har lokalsjukehusfunksjon og er også referanseavdeling for spesialfunksjonar innan lokalt og regionalt helseføretak.

Metodebok i akutt indremedisin er et viktig og nyttig verktøy for alle leger som går vakt ved dei indremedisinske avdelingane. Boka er mykje brukt, også av leger utanfor Haukeland universitetssjukehus.

Kontakt

Telefon

55 97 30 00

Open 08.00 - 15.00

Logg inn for å endre time

Logg inn på helsenorge.no

Skal du sende melding til Helse Bergen HF som inneheld personsensitive opplysningar, kan du gjere det på ein trygg og sikker måte med eDialog.

Slik finn du fram

Medisinsk poliklinikk og dageining
I Sentralblokka 2. etasje. Følg skilting frå heisen, eller ta rulletrappa opp i 2.etasje og inn døra til høgre.

Medisinsk undersøking -fordøyingssjukdommar
I Sentralblokka nord i 1. etasje.