Undersøking
Røntgen skoliose Radiologisk avdeling, Seksjon for barn og ungdom
Røntgen skoliose, er ei undersøking som viser heile ryggen, frå nakken til bekkenledda. Røntgenundersøkinga kan vise om du har ei skeivheit i ryggen, og evt gje eit objektivt mål på grad av skeivheit.Det er ingen spesielle forberedelser til denne undersøkinga, men det er viktig at du les denne informasjonen nøye slik at du veit kva som skal skje.
Før
Når vi skal ta røntgenbildene, kan du ikkje ha på deg tøy med kraftig strikk, knappar, glidelås, trykk eller pynt. Det beste resultatet får vi gjerne når du har på kun undertøy. Det kan difor vere lurt å tenke på kva du har på deg. Velg gjerne boksershorts og ein tynn singlet.
Bruker du korsett?
Korsettet skal tas av kvelden før du har time til røntgen. Det skal vere av til du er ferdig på røntgen. Er du avhengig av å ha korsett på for å komme til sjukehuset, kan du beholde det på.
Under
Når undersøkinga er ferdig kan du kle på deg og forlate avdelinga.
Har du kjent skoliose, og har fått time til operasjon?
- Vi tar bilde der du skal bøye ryggen sidevegs til høgre og venstre. Desse tar vi helst medan du står.
- I tillegg skal vi ta bilde medan du ligg på ein undersøkelsesbenk. For å få eit bilde av kor bevegelig ryggen er, kjem vi til å trekke i skuldre og bein før bildet tas.
Etter
Resultatet av undersøkinga vert sendt til den legen som har henvist til undersøking.
Dersom det er noko du lurer på i samband med undersøkinga, ta kontakt på telefon
55 97 52 20
kvardagar mellom kl. 09.00-11.00 og 12.00-13.30.
Kontakt
Glasblokkene
Radiologisk avdeling, Barn og unge
Oppmøtestad
Radiologisk avdeling, Barn og ungdom er lokalisert i Glasblokkene, Blokk 7, etasje U1.
Du finn meir informasjon om Glasblokkene her:
Barn og unge flytter til Glasblokkene - Helse Bergen (helse-bergen.no)
Kart over Glasblokkene og korleis du finn fram:
Finn fram til Glasblokkene - Helse Bergen (helse-bergen.no)
Glasblokkene
Haukelandsbakken 1
5021 Bergen