Vi tilrår at du alltid nyttar siste versjon av nettlesaren din.

Parkinsons sjukdom

Parkinsons sjukdom kjem av at spesielle område i hjernen blir skadde av ein sjukdomsprosess der nerveceller som produserer signalstoffet dopamin blir øydelagde og forsvinn. Årsaka til desse skadane i hjernen er ukjend. Sjukdommen debuterer oftast etter 50 års alder.

Ved Parkinsons sykdom mister kroppen gradvis evnen til å bevege seg normalt. Dette fører blant annet til trege bevegelser, stive muskler og skjelving. Det finnes ingen kur for sykdommen, men ulike behandlinger for å lindre symptomer.

Les meir på helsenorge.no

Symptom

  • skjelvingar
  • uro
  • stivleik
  • trege rørsler
  • tap av luktesans
  • depresjon

Tilvising og vurdering

Ved mistanke om Parkinsons sjukdom blir du vist frå fastlege til nevrolog.

Utgreiing

Det finst ingen enkel test som kan avdekkje Parkinsons sjukdom. Legane stiller derfor diagnosen etter å ha snakka med deg om symptoma dine og det blir gjennomført ei nevrologisk undersøking. Blodprøvar og bilete av hjernen kan også vere aktuelt. Dette blir vanlegvis gjort for å utelukke andre sjukdommar.

Det er viktig at du registrerer kva symptom du har slik at du kan fortelje legen om endringar frå gong til gong. Ei symptomdagbok kan vere ein god idé. Slik informasjon er nyttig for legen. Dersom symptoma er milde, kan det ta fleire år før du treng legemiddelbehandling.

Ved nokre tilfelle kan legen prøve behandling med dopamin for å sjå om dette har effekt på symptoma. Dersom behandlinga har effekt, kan dette vere med på å stille rett diagnose.

Behandling

Aktiv overvaking

Parkinsons sjukdom er kan ikkje helast, men det finst behandling som dempar dei motoriske symptoma som til dømes skjelvingar, stivleik og trege rørsler. Ved få symptom kan vi velje å overvake sjukdommen utan behandling. Når symptoma forverrar seg, eller livskvaliteten blir vesentleg redusert, startar vi med medikamentell behandling.

Medikamentell behandling

Parkinsons sjukdom blir som regel behandla med medisinar. Dopaminbehandling med til dømes Levodopa og Dopaminagonister blir brukt når dei motoriske symptoma påverkar livskvaliteten.

Somme parkinsonpasientar kan bli deprimerte. Ved depresjon kan medikamentell behandling som antidepressiva og nevroleptika bli nytta.

Kirurgisk behandling

Når medisinsk behandling ikkje er tilfredsstillande kan enkelte pasientar vurderast for kirurgisk behandling.

Den innopererte pulsgeneratoren vil etter ei tid ha behov for batteriskift. Batteriet kan ha ulik levetid avhengig av kor mykje straum som blir brukt. Når batteriet ditt er tomt, må dette skiftast. Har du, og bruker du pasientkontroll, vil denne gi varsel når det er 20 prosent batterikapasitet igjen.

 

Kliniske studiar

2 kliniske studiar er opne for rekruttering. Saman med legen din kan du vurdere om ein klinisk studie er aktuell for deg.

Sjå fleire kliniske studiar

Oppfølging

Når du har fått diagnosen Parkinsons sjukdom vil du få behandling og oppfølging av nevrolog og sjukepleiarar som jobbar ved nevrologisk avdeling. Du skal til regelmessige kontrollar hos oss, men kan også ta kontakt dersom det skulle oppstå noko nytt før neste avtalte kontroll.

Kontakt

Gamle hovedbygg Nevrologisk avdeling
Ventetid: Ikke oppdatert

Ventetid: Ikke oppdatert

Kontakt Nevrologisk avdeling

Oppmøtestad

Vi held til i Gamle hovudbygg.

Gamle hovedbygg

Jonas Lies vei 71

5053 Bergen

Finn fram

Transport

​Fleire rutebussar går forbi Haukeland. I tillegg finst direkte arbeidsruter mellom bydelane og sjukehuset.
 
​​​​​​På nettsidene til Skyss.no finn du bussruter med oversikt over stoppestader og tider
 
  • Line 5 og 6 har avgang frå Festplassen
  • Line 12 har avgang frå Bystasjonen
  • Line 16E har avgang frå Xhibition i Småstrandgaten
​Busstoppa rundt Haukeland:

  • Ulriksdal for besøkande til Ulriksdal helsepark og Glasblokkene (line 5, 6, 16E)
  • Haukeland sjukehus Nord for besøkande til Glasblokkene, Kvinneklinikken, Augebygget og Haukeland hotell (line 5, 6, 12 og 16E)
  • Haukeland sjukehus Sør for besøkande til Sentralblokka og andre bygg på Haukelandsområdet (line 5, 6, 12 og 16E)
  • Ibsensgate - arbeidsruter

​Nærmaste stoppestad til Haukeland er bybanestoppet Haukeland sjukehus. Banen stoppar nord for Sentralblokka, like ved Glasblokkene, på Haukelandsområdet. Det tar om lag 5 minutt å gå frå stoppet til sjukehuset. 

Sjå rutetabellar og oversikt over stoppestader på Skyss.no

Sjekk nettsida til Flybussen for meir informasjon om ruter og prisar

 

Parkeringsanlegget på Haukeland er delt inn i ulike område på og i nærleiken av sjukehuset. Vi har dessverre ikkje nok plassar til alle som ønsker å parkere på sjukehuset.

​​​​​​​​Av omsyn til dei som må bruke bil, oppmoder vi derfor dei som kan, til å bruke offent​leg transport​. Det er også mogleg å parkere på Bystasjonen og ta buss/bane det siste stykket opp til Haukeland​. 

​For dei som av ulike årsakar må bruke bil, er det parkeringsplassar på ulike områder på og i nærleiken av sjukehuset.
 

Ventetid

Ikke oppdatert ventetid for utredning

Velg behandlingssted (helsenorge.no)

Praktisk informasjon

I foajeen i Sentralblokka på Haukeland finn du eit apotekutsal for publikum. Dei gjer klar resepten din medan du ventar der.

Apotekutsalet har eit variert varetilbod, og fører dei legemidla sjukehuset nyttar i behandlinga. Dei skaffar også legemiddel som ikkje er marknadsførte i Noreg eller som må produserast spesielt. I tillegg har dei hudpleie- og hygieneartiklar og ernæringsprodukt, samt andre apotekvarer og sjukepleieartiklar.

Dei ansatte ved apoteket gir deg informasjon, råd og rettleiing om legemiddel og legemiddelbruk og kan tilby samtale/rettleiing mellom personale og pasient på eit uforstyrra samtalerom. Dei tilbyr og opplæring i blodsukkermåling og bruk av inhalasjonspreparat.

Apoteket tar også i mot gamle legemiddel til destruksjon.​

Du kan betale med Vipps på apoteket. Du kan derfor mellom anna betale på førehand når du skal hente bestilte medisinar.

Opningstider
Måndag-fredag kl. 08.30-18.00, laurdag kl. 09.00-13.00

Telefon 55 97 53 44
Telefaks 55 29 07 40
bergen@apotekene-vest.no

For meir informasjon - sjå nettsida til Sjukehusapoteka Vest

Når du skal på besøk eller følgje ein pasient på sjukehuset, må du gjere deg kjent med gjeldande rutinar.

​Les meir om besøkstider og -reglar på sjukehuset

Som inneliggande pasient vil du få matservering på avdelinga du ligg på. I tillegg kan du og besøkande kjøpe alt frå dagens middag til smårettar, bakevarer og kioskvarer på sjukehuset. I nærmiljøet finst også fleire daglegvarebutikkar.

Les meir om mattilbodet ved sjukehuset

Pasientbiblioteket på Haukeland er til for pasientar og pårørande. Her er utlån av bøker, både tekst- og lydbøker, filmar, musikk og tidsskrift. Biblioteket har også mange aviser til utlån, mellom anna alle lokalavisene i distriktet.
For dei som ikkje kan komme seg til biblioteket, har vi et tilbod med boktraller med eit utval frå biblioteket som blir trilla rundt til avdelingane.

Pasientbiblioteket finn du i foajeen i Sentralblokka på Haukeland. Kom innom for ein prat, lån ei bok eller slå deg ned i salongen med ei avis.

Alle pasientar og besøkande kan bruke gratis trådlaust internett på dei fleste områda på sjukehuset.

Gjest.ihelse.net er eit trådlaust nettverk for besøkande, pasientar og tilsette. Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).​
  3. Trykk "Godta" når du har lest og forstått vilkåra.

Innlogginga skjer automatisk på einingar etter første pålogging, så lenge kontoen er aktiv. Det skal bare være nødvendig å logge seg på éin gong per eining per 31 dagar. 

 
Trøbbel med å kople til trådlaust internett?
Sjukehuset har dessverre dårleg nettverk nokre stader. Du kan derfor ha problem med å få logga deg på nettverket. Vi beklagar dette, og jobbar med å utbetre dette.
 
Har du ein nyare mobiltelefon, og problem med å kople det til trådlaust gjestenett på sjukehuset? Det kan skuldast nettverksinnstillingane på telefonen din.