Vi tilrår at du alltid nyttar siste versjon av nettlesaren din.

Nyrekreft

I Noreg blir nyrekreft diagnostisert hos mellom 800 og 900 pasientar årleg. Mellom 50 og 70 prosent blir oppdaga tilfeldig ved undersøkingar for andre plager eller i oppfølging for annan sjukdom. Symptom ved nyresvulst kan vere blod i urinen eller smerter i nyreregionen. Ved nyrekreft med spreiing er trøyttleik og svekt allmenntilstand vanlege symptom i begynninga.

Ofte påvises nyrekreft (Cancer renis) som ledd i utredning av blod i urinen og urinveisinfeksjon.

Les meir på helsenorge.no

Prognose

Ved lokalisert nyrekreft utan spreiing vil vi vurdere om heile nyra bør fjernast eller om det er mogleg å bevare delar av nyra.

For nyrekreft med spreiing er det foreløpig inga kjent heilande behandling. Behandlinga skal stabilisere sjukdommen og lindre symptoma ved hjelp av medisinar, eventuelt kombinert med kirurgi eller stråling.

Overlevinga ved nyrekreft er avhengig av størrelsen på svulsten, vekstmønster og utbreiing (stadium), og kor hissige kreftcellene er. Helsetilstanden din, andre sjukdommar, og alder, er med på å bestemme kva behandling du kan tolerere og dermed blir tilboden.  

Det er viktig å vere klar over at ikkje alle som får påvist ein svulst i nyra har kreft. Hos 20–30 prosent er det godarta forandringar.

Tilvising og vurdering

Når fastlegen har grunngitt mistanke om kreft i nyra skal du bli tilvist i pakkeforløp for kreft til relevant urologisk avdeling for vidare utgreiing og eventuell behandling i pakkeforløp. Eit pakkeforløp er eit standardisert pasientforløp som beskriv organiseringa av utgreiing og behandling, kommunikasjon/dialog med deg og dine pårørande.

Pasientinformasjon om pakkeforløp (helsedirektoratet.no)

Utgreiing

Alle pasientar skal gå gjennom ei standard utgreiing med undersøkingar og blodprøver. I løpet av utgreiinga tar vi bilde for å avklare om mistanken om kreft i nyra er rett. Vanlegvis er CT (Computer Tomografi) med kontrast den mest brukte undersøkinga for dette. Det kan vere nødvendig med ekstra CT av nyrer eller lunger hos nokon.

Det kan vere nødvendig å ta ei vevsprøve for å sikre rett diagnose. Ei vevsprøve kan vise om det er ei godarta forandring eller ein kreftsvulst. Vevsprøva blir oftast gjord ultralydrettleidd og du får lokalbedøving. Ei slik vevsprøve er aktuell når pasienten for eksempel er eldre, har mange sjukdommar (mykje komorbiditet), annan kreftsjukdom, nyresvikt, eller risikerer å få nyresvikt etter behandling.

Dersom du har spesifikke symptom som kan settast i samanheng med nyrekreftsjukdommen kan det vere du at skal gjennom fleire undersøkingar. Av og til ønsker vi fleire undersøkingar for å avklare om det er tumor, eller for å kartlegge utbreiinga av sjukdommen. Legen vil i så fall informere deg undervegs i utgreiinga.

Avdelinga har ein eigen forløpkoordinator som sørger for å sette opp timane du skal ha gjennom utgreiinga. Du kan kontakte forløpkoordinatoren din spørje om det du måtte lure på.

Pasientinformasjon – Utgreiing ved mistanke om nyrekreft (helsedirektoratet.no)

Standard klinisk undersøking og blodprøver

Blodprøve

Les om

Les om

Når resultata frå undersøkingane og prøvene er klare, vil vi som oftast kunne avklare om du har kreft eller ikkje, og vi tar avgjerd om diagnose. Om du ikkje har kreft, avsluttar vi pakkeforløpet.

​​​Pakkeforløp heim​

Alle pasientar som får ein kreftdiagnose, blir inkludert i pakkeforløp heim for pasientar med kreft. Gjennom pakkeforløpet går vi gjennom dei individuelle behova dine for tenester og oppfølging utover sjølve kreftbehandlinga.

Pakkeforløp heim for kreft (helsenorge.no)​

Behandling

Om du har kreft, planlegg vi nå kva behandling som er best for deg. Avgjerd om behandling tar vi i samråd med deg, etter at tilgjengelege kliniske opplysningar, blodprøver og røntgen/CT bilde er vurderte i tverrfagleg møte.

Det finst fleire moglege behandlingar. Kva som er best for deg kan du og helsepersonell komme fram til saman. Dette blir kalla samval. Å vere med og bestemme er ein rett du har.

Samval inneber at du mottek informasjon om fordelar og ulemper ved dei ulike alternativa. Så kan du saman med helsepersonell sjå desse opp mot kvarandre, ut ifrå kva som er viktig for deg.

Her er tre spørsmål du kan stille din behandlar:

  1. ​Kva alternativ har eg?
  2. Kva fordelar og ulemper er moglege ved desse alternativa?
  3. Kor sannsynleg er det at eg vil oppleve nokre av desse?

​Les meir om samval på helsenorge.no​​

Behandling ved nyrekreft utan spreiing

Behandling ved små nyresvulstar kan vere kirurgi, ablasjon (svulstøydeleggande behandling) og aktiv overvaking. Ved større svulstar er behandlinga kirurgisk. For nokre pasientar som er skrøpelege eller med alvorleg tilleggssjukdom er operativ behandling ein større helserisiko enn det å leve med svulsten. Da tilbyr vi behandling etter kva symptom du har.

Kirurgi

Ved kirurgisk behandling fjernar vi enten heile (nefrektomi) eller delar av nyra (nyresparande). Operasjonen blir gjord mens du er i narkose. Dersom det er mogleg å gjennomføre nyresparande kirurgi føretrekker vi dette. Da fjernar vi berre svulsten. Begge inngrep kan bli gjorde med open operasjon eller med kikhòlsmetodar (laparoskopisk eller robotassisterte). Kva metode vi vel er avhengig av allmentilstanden din, størrelsen på svulsten og kor i nyra ho ligg.

Svulst-øydeleggande behandling (termisk ablasjon)

Det finst ulike metodar for svulst-øydeleggande behandling, som cryo- og microbølgebehandling, og fryse- og varmebehandling. Det varierer kva metode dei ulike sjukehusa tilbyr.

Desse metodane kan brukast ved små svulstar, hos pasientar med fleire svulstar og/eller mange tilleggssjukdommar, og hos dei som ikkje ønsker eller blir frårådde kirurgi. Behandlinga blir gjennomført bilderettleidd ved røntgenavdelinga. Du får lokalbedøving eller narkose. Behandlinga er eit samarbeid mellom røntgenlege og urolog. Vi tar alltid vevsprøve før denne typen behandling.

Aktiv overvaking

Aktiv overvaking kan også vere eit alternativ for pasientar med små svulstar og for pasientar med mange andre tilleggssjukdommar. Da blir du følgd regelmessig med klinisk undersøking og bildediagnostikk. Ut frå veksten til svulsten vil legen avgjere om kirurgi eller termisk ablasjon bør bli vurdert.

Behandling ved nyrekreft med spreiing

For pasientar som har nyrekreft med spreiing er behandlinga individuell. Behandlinga blir vurderert i samarbeid mellom kreftlege og urolog. Medikamentell behandling får du enten i form av tablettar som du tar heime eller som regelmessige infusjonar på sjukehus. Kreftlegane vil vurdere kva behandling som passar best til deg og krefttypen din.

Det finst ulike behandlingar:

  • målretta terapi
  • immunterapi

I nokre tilfelle blir desse kombinerte.

Behandlinga kan skrumpe svulsten og lindre symptoma. Den kan og gi noko forlengd levetid. I tillegg kan ulike kombinasjonar av kirurgi og strålebehandling bli aktuelt.

Kliniske studiar

2 kliniske studiar er opne for rekruttering. Saman med legen din kan du vurdere om ein klinisk studie er aktuell for deg.

Sjå fleire kliniske studiar

Oppfølging

Oppfølging ved sjukdom utan spreiiing

Etter kirurgi skal du komme til poliklinisk kontroll etter 6–8 veker. På denne kontrollen vil du få eit oppfølgingsprogram tilpassa deg og risikoen din for tilbakefall av sjukdommen. Vanlegvis blir opererte pasientar følgde i 5 år.

Dersom det oppstår tilbakefall av kreftsjukdom i desse åra, vil du bli grundig utgreidd. Tilbakefallet blir diskutert med kreftlegar på tverrfagleg møte, slik at du kan få best mogleg behandling.

Oppfølging ved nyrekreft med spreiing

Alle pasientar med spreiing vil bli følgt individuelt Oppfølgingen er avhengig av kva type behandling du får, og kva respons og toleranse du har for denne. Målet er å gi deg best eigna behandling.

Rehabilitering og meistring ved kreftsjukdom

Det finst ei rekke tilbod som kan vere ei hjelp til å komme tilbake til kvardagen under og etter kreftsjukdom. Derfor er det viktig å tenke rehabilitering og meistring av sjukdommen heilt frå sjukdomsstart og begynninga av behandlinga. Målet er å leve med så god livskvalitet som mogleg med eller etter kreftsjukdom.

Sjukehuset er tilknytt eit Lærings- og meistringssenter (LMS) der det er tilbod om kurs for pasientar med ulike sjukdommar og deira pårørande. Behandlarane dine kan gi informasjon om LMS-kurs og pasientforeiningar som kan vere aktuelle for deg.

Kontakt

Sentralblokka Urologi

Kontakt Urologi

Oppmøtestad

Poliklinikk: Sentralblokka, 2. etasje
Sengepost: Post 2, Sentralblokka, 4. etasje

Flyfoto av Sentralblokka

Sentralblokka

Haukelandsveien 22

5021 Bergen

Finn fram

Transport

​Fleire rutebussar går forbi Haukeland. I tillegg finst direkte arbeidsruter mellom bydelane og sjukehuset.
 
​​​​​​På nettsidene til Skyss.no finn du bussruter med oversikt over stoppestader og tider
 
  • Line 5 og 6 har avgang frå Festplassen
  • Line 12 har avgang frå Bystasjonen
  • Line 16E har avgang frå Xhibition i Småstrandgaten
​Busstoppa rundt Haukeland:

  • Ulriksdal for besøkande til Ulriksdal helsepark og Glasblokkene (line 5, 6, 16E)
  • Haukeland sjukehus Nord for besøkande til Glasblokkene, Kvinneklinikken, Augebygget og Haukeland hotell (line 5, 6, 12 og 16E)
  • Haukeland sjukehus Sør for besøkande til Sentralblokka og andre bygg på Haukelandsområdet (line 5, 6, 12 og 16E)
  • Ibsensgate - arbeidsruter

​Nærmaste stoppestad til Haukeland er bybanestoppet Haukeland sjukehus. Banen stoppar nord for Sentralblokka, like ved Glasblokkene, på Haukelandsområdet. Det tar om lag 5 minutt å gå frå stoppet til sjukehuset. 

Sjå rutetabellar og oversikt over stoppestader på Skyss.no

Sjekk nettsida til Flybussen for meir informasjon om ruter og prisar

 

Parkeringsanlegget på Haukeland er delt inn i ulike område på og i nærleiken av sjukehuset. Vi har dessverre ikkje nok plassar til alle som ønsker å parkere på sjukehuset.

​​​​​​​​Av omsyn til dei som må bruke bil, oppmoder vi derfor dei som kan, til å bruke offent​leg transport​. Det er også mogleg å parkere på Bystasjonen og ta buss/bane det siste stykket opp til Haukeland​. 

​For dei som av ulike årsakar må bruke bil, er det parkeringsplassar på ulike områder på og i nærleiken av sjukehuset.
 

Reiseutgifter
Som regel gjennomfører du reisa di på eiga hand og søker om å få dekt reiseutgiftene i etterkant.
Les meir om å få dekt ei pasientreise

Planlegging
I utgangspunktet vel du sjølv kva transportmiddel du reiser med til behandling.
Les meir om planlegging av pasientreisa di

Rettar/Rettane dine
Hovedregelen er at pasientreiser bli dekt med ein standardsats per kilometer. Ved behov kan også nødvendige tilleggsutgifter bli dekt.
Les meir om rettane dine ved pasientreiser

Tilrettelagt transport
Helseekspressen
Avdeling for pasientreiser i Helse Bergen ​

​I Sentralblokka på Haukeland finn du ein taxihaldeplass der det som regel står ledige bilar. Ved behov er våre tilsette i resepsjonen tilgjengelege 24 timar i døgnet og kan bestille taxi til deg.

Praktisk informasjon

I foajeen i Sentralblokka på Haukeland finn du eit apotekutsal for publikum. Dei gjer klar resepten din medan du ventar der.

Apotekutsalet har eit variert varetilbod, og fører dei legemidla sjukehuset nyttar i behandlinga. Dei skaffar også legemiddel som ikkje er marknadsførte i Noreg eller som må produserast spesielt. I tillegg har dei hudpleie- og hygieneartiklar og ernæringsprodukt, samt andre apotekvarer og sjukepleieartiklar.

Dei ansatte ved apoteket gir deg informasjon, råd og rettleiing om legemiddel og legemiddelbruk og kan tilby samtale/rettleiing mellom personale og pasient på eit uforstyrra samtalerom. Dei tilbyr og opplæring i blodsukkermåling og bruk av inhalasjonspreparat.

Apoteket tar også i mot gamle legemiddel til destruksjon.​

Du kan betale med Vipps på apoteket. Du kan derfor mellom anna betale på førehand når du skal hente bestilte medisinar.

Opningstider
Måndag-fredag kl. 08.30-18.00, laurdag kl. 09.00-13.00

Telefon 55 97 53 44
Telefaks 55 29 07 40
bergen@apotekene-vest.no

For meir informasjon - sjå nettsida til Sjukehusapoteka Vest

Når du skal på besøk eller følgje ein pasient på sjukehuset, må du gjere deg kjent med gjeldande rutinar.

​Les meir om besøkstider og -reglar på sjukehuset​

Frivillige på Haukeland er her for å gjere pasientar og pårørande sitt møte med sjukehuset betre. Alle i frivilligheitstenesta er kledd i raude vestar og har fått kursing om rolla. 


Dei frivillige kan vise veg, vente saman med pasientar, bli med på luftetur i parken eller nærområde - og mykje meir. 

Meir informasjon på helse-bergen.no/frivillig

Kontaktinformasjon: 

Som inneliggande pasient vil du få matservering på avdelinga du ligg på. I tillegg kan du og besøkande kjøpe alt frå dagens middag til smårettar, bakevarer og kioskvarer på sjukehuset. I nærmiljøet finst også fleire daglegvarebutikkar.

Les meir om mattilbodet ved sjukehuset

Pasientbiblioteket på Haukeland er til for pasientar og pårørande. Her er utlån av bøker, både tekst- og lydbøker, filmar, musikk og tidsskrift. Biblioteket har også mange aviser til utlån, mellom anna alle lokalavisene i distriktet.
For dei som ikkje kan komme seg til biblioteket, har vi et tilbod med boktraller med eit utval frå biblioteket som blir trilla rundt til avdelingane.

Pasientbiblioteket finn du i foajeen i Sentralblokka på Haukeland. Kom innom for ein prat, lån ei bok eller slå deg ned i salongen med ei avis.

Telefon resepsjon: 55 97 50 00

I tillegg til resepsjonen i foajeen i Sentralblokka, har alle poliklinikkane på sjukehuset eigen resepsjon. Her kan du få hjelp med alt frå betaling til bestilling av transport.

​​​​​​​​Besøke pasientar
Skal du besøke ein pasient? Vi kan gi deg informasjon om kvar du finn dei ulike avdelingane og sengepostane på sjukehusområdet.

Betale eigendel
Du kan betale eigendel for polikliniske konsultasjonar i resepsjonen mellom klokka 07.00 og 21.00. Ver merksam på at poliklinikkane berre tar imot betaling med kort.

Bestille drosje
Om du ønskjer det, hjelper vi deg gjerne med å bestille drosje. Berre ta kontakt i resepsjonen.

Leitar du etter ei avdeling?
​Sjå avdelingsoversikta

Resepsjonen i foajeen i Sentralblokka er døgnbemanna og hjelper deg i tillegg med:

Lån av rullestol
Resepsjonen låner ut rullestolar til bruk på sjukehuset. For lån av rullestol er det 200 kroner i depositum. ​

Følgeteneste
Vi tilbyr følgeteneste, der ein tilsett kan følge deg til og frå poliklinikkane, til røntgen og til Laboratorium for klinisk biokjemi. Vi har også rullestol om du treng det.

Følgeteneste har vi frå klokka 07.00 til 15.00. Direkte telefonnummer til følgetenesta er 55 97 20 06.

Oppbevaringsboksar
Vi har oppbevaringsboksar, om du treng dette. Avhengig av storleik på boksen, kostar dette 20 eller 30 kr. per døgn.

Hittegods
Vi tar imot hittegods, og leverer ut hittegods dersom dette er levert same dag eller same helg. Etter dette blir hittegodset levert til Drift/teknisk kundesenter.​​

Alle pasientar og besøkande kan bruke gratis trådlaust internett på dei fleste områda på sjukehuset.

Gjest.ihelse.net er eit trådlaust nettverk for besøkande, pasientar og tilsette. Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).​
  3. Trykk "Godta" når du har lest og forstått vilkåra.

Innlogginga skjer automatisk på einingar etter første pålogging, så lenge kontoen er aktiv. Det skal bare være nødvendig å logge seg på éin gong per eining per 31 dagar. 

 
Trøbbel med å kople til trådlaust internett?
Sjukehuset har dessverre dårleg nettverk nokre stader. Du kan derfor ha problem med å få logga deg på nettverket. Vi beklagar dette, og jobbar med å utbetre dette.
 
Har du ein nyare mobiltelefon, og problem med å kople det til trådlaust gjestenett på sjukehuset? Det kan skuldast nettverksinnstillingane på telefonen din.