Vi tilrår at du alltid nyttar siste versjon av nettlesaren din.
logo Helse Bergen

Narkolepsi

Narkolepsi er en sjelden kronisk hjernesykdom som gir ekstrem søvnighet (hypersomni) på dagtid i en eller annen form. Det finnes behandling som kan hjelpe.

Les meir på helsenorge.no

Narkolepsi er ei alvorleg nevrologisk liding. Lidinga kan vere arveleg, det vil seie at det er opphoping av narkolepsi i visse familiar. Førekomsten av sjukdommen varierer frå undersøking til undersøking. Nokre studiar peikar på at meir enn éin av 1000 personar har narkolepsi. Det vil bety at det finst nokre tusen personar i Noreg med denne sjukdommen. Mange er ikkje diagnostiserte. Symptoma startar vanlegvis i ung alder, men det er ikkje uvanleg at det går 10–20 år frå det første symptomet opptrer til diagnosen blir stilt.

Utgreiing

Korleis stiller vi diagnosen narkolepsi?

Søvnigheit blir mellom anna utgreidd ved hjelp av spørjeskjemaet Epworth søvnigheitsskala. Ein verdi på 11 eller høgare blir rekna som eit teikn på auka søvnigheit (hypersomni). Pasientar med narkolepsi skårar ofte svært høgt på denne søvnigheitsskalaen, ofte 16 eller høgare. Ved høge verdiar på Epworth søvnigheitsskala bør ein mistenkje narkolepsi.

Ved å spørje ut om dei spesifikke symptoma på narkolepsi, vil mistanken styrkjast eller svekkjast. Dersom pasienten har ekstrem søvnigheit og katapleksi, blir diagnosen rekna som sikker. Dersom pasienten ikkje har katapleksi, trengst spesifikke funn ved ei søvnregistrering. Alle pasientar med mistanke om narkolepsi bør tilvisast til vidare utgreiing ved eit søvnsenter eller ei nevrologisk avdeling.

Det er nødvendig med full søvnregistrering for å utelukke andre årsaker til søvnigheit på dagtid, som til dømes søvnapne. Det blir også gjort ei søvnregistrering på dagtid som heiter multippel søvnlatenstest (MSLT).

Ved narkolepsi med katapleksi kan ein ofte påvise vevstypen HLA DQB1* 0602 i ei blodprøve og lågt nivå av hypokretin i spinalvæska. Ved narkolepsi utan katapleksi har slike prøver liten diagnostisk verdi.

Behandling

Symptoma varierer frå pasient til pasient. Behandlinga bør derfor også variere etter alvorsgrada til symptoma. Det er viktig å passe på å få nok nattesøvn.

Dei fleste pasientar med narkolepsi treng medikamentell behandling. Det er vanleg å nytte sentralstimulerande medikament (til dømes modiodal, ritalin, dexamin) mot den ekstreme søvnigheita på dagtid, og medikament som hemmar REM søvn mot dei andre symptoma ved narkolepsi. Slik behandling er ei spesialistoppgåve.

Oppfølging

Narkolepsi er ein alvorleg sjukdom som varer livet ut. Sjukdommen har svært plagsame symptom, og det er viktig at diagnosen blir stilt tidleg. Ved rett behandling fungerer pasienten mykje betre. Symptoma fører likevel til at visse yrke er lite aktuelle. Arbeid der det er høge krav til vaktsemd, som til dømes betening av farlege maskinar, kan vere risikabelt for pasientar med narkolepsi. Køyring av bil er tillate dersom pasienten er velregulert på medikamentell behandling.

Kontakt

Gamle hovedbygg Søvnpoliklinikken

Kontakt Søvnpoliklinikken

Oppmøtestad

Ekspedisjonen vår finn du i 2. etasje i Gamle Hovudbygg på Haukeland universitetssjukehus. 

Logg inn for å endre time

Gamle hovedbygg

Jonas Lies vei 71

5053 Bergen

Finn fram

Transport

​Fleire rutebussar går forbi Haukeland. I tillegg finst direkte arbeidsruter mellom bydelane og sjukehuset.
 
​​​​​​På nettsidene til Skyss.no finn du bussruter med oversikt over stoppestader og tider
 
  • Line 5 og 6 har avgang frå Festplassen
  • Line 12 har avgang frå Bystasjonen
  • Line 16E har avgang frå Xhibition i Småstrandgaten
​Busstoppa rundt Haukeland:

  • Ulriksdal for besøkande til Ulriksdal helsepark og Glasblokkene (line 5, 6, 16E)
  • Haukeland sjukehus Nord for besøkande til Glasblokkene, Kvinneklinikken, Augebygget og Haukeland hotell (line 5, 6, 12 og 16E)
  • Haukeland sjukehus Sør for besøkande til Sentralblokka og andre bygg på Haukelandsområdet (line 5, 6, 12 og 16E)
  • Ibsensgate - arbeidsruter

​Nærmaste stoppestad til Haukeland er bybanestoppet Haukeland sjukehus. Banen stoppar nord for Sentralblokka, like ved Glasblokkene, på Haukelandsområdet. Det tar om lag 5 minutt å gå frå stoppet til sjukehuset. 

Sjå rutetabellar og oversikt over stoppestader på Skyss.no

Sjekk nettsida til Flybussen for meir informasjon om ruter og prisar

 

Parkeringsanlegget på Haukeland er delt inn i ulike område på og i nærleiken av sjukehuset. Vi har dessverre ikkje nok plassar til alle som ønsker å parkere på sjukehuset.

​​​​​​​​Av omsyn til dei som må bruke bil, oppmoder vi derfor dei som kan, til å bruke offent​leg transport​. Det er også mogleg å parkere på Bystasjonen og ta buss/bane det siste stykket opp til Haukeland​. 

​For dei som av ulike årsakar må bruke bil, er det parkeringsplassar på ulike områder på og i nærleiken av sjukehuset.
 

Praktisk informasjon

Fleire og fleire avdelingar på sjukehuset får nå ny digital løysing for korleis du som pasient registrerer deg og betalar. Denne avdelinga har nå tatt i bruk denne nye løysinga. 

Du registrerer at du er komen til sjukehuset enten via tekstmeldinga du får frå oss eller på ein sjølvbeteningsautomat. Om du skal ta blodprøve kan du også registrere dette sjølv i dei avdelingane kor det er utplassert automater. Du kan framleis få hjelp i resepsjonen om du ønskjer det.


Skal du betale etter timen vil du få ei tekstmelding med betalingsinformasjon. Du kan velje å betale med Vipps eller få tilsendt faktura, gebyrfritt/utan ekstra kostnader for deg. Du kan òg betale med kort på ein sjølvbeteningsautomat eller i resepsjonen.

Les meir om innsjekk og betaling​

I foajeen i Sentralblokka på Haukeland finn du eit apotekutsal for publikum. Dei gjer klar resepten din medan du ventar der.

Apotekutsalet har eit variert varetilbod, og fører dei legemidla sjukehuset nyttar i behandlinga. Dei skaffar også legemiddel som ikkje er marknadsførte i Noreg eller som må produserast spesielt. I tillegg har dei hudpleie- og hygieneartiklar og ernæringsprodukt, samt andre apotekvarer og sjukepleieartiklar.

Dei ansatte ved apoteket gir deg informasjon, råd og rettleiing om legemiddel og legemiddelbruk og kan tilby samtale/rettleiing mellom personale og pasient på eit uforstyrra samtalerom. Dei tilbyr og opplæring i blodsukkermåling og bruk av inhalasjonspreparat.

Apoteket tar også i mot gamle legemiddel til destruksjon.​

Du kan betale med Vipps på apoteket. Du kan derfor mellom anna betale på førehand når du skal hente bestilte medisinar.

Opningstider
Måndag-fredag kl. 08.30-18.00, laurdag kl. 09.00-13.00

Telefon 55 97 53 44
Telefaks 55 29 07 40
bergen@apotekene-vest.no

For meir informasjon - sjå nettsida til Sjukehusapoteka Vest

Når du skal på besøk eller følgje ein pasient på sjukehuset, må du gjere deg kjent med gjeldande rutinar.

​Les meir om besøkstider og -reglar på sjukehuset​

Som inneliggande pasient vil du få matservering på avdelinga du ligg på. I tillegg kan du og besøkande kjøpe alt frå dagens middag til smårettar, bakevarer og kioskvarer på sjukehuset. I nærmiljøet finst også fleire daglegvarebutikkar.

Les meir om mattilbodet ved sjukehuset

Pasientbiblioteket på Haukeland er til for pasientar og pårørande. Her er utlån av bøker, både tekst- og lydbøker, filmar, musikk og tidsskrift. Biblioteket har også mange aviser til utlån, mellom anna alle lokalavisene i distriktet.
For dei som ikkje kan komme seg til biblioteket, har vi et tilbod med boktraller med eit utval frå biblioteket som blir trilla rundt til avdelingane.

Pasientbiblioteket finn du i foajeen i Sentralblokka på Haukeland. Kom innom for ein prat, lån ei bok eller slå deg ned i salongen med ei avis.

Alle pasientar og besøkande kan bruke gratis trådlaust internett på dei fleste områda på sjukehuset.

Gjest.ihelse.net er eit trådlaust nettverk for besøkande, pasientar og tilsette. Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).​
  3. Trykk "Godta" når du har lest og forstått vilkåra.

Innlogginga skjer automatisk på einingar etter første pålogging, så lenge kontoen er aktiv. Det skal bare være nødvendig å logge seg på éin gong per eining per 31 dagar. 

 
Trøbbel med å kople til trådlaust internett?
Sjukehuset har dessverre dårleg nettverk nokre stader. Du kan derfor ha problem med å få logga deg på nettverket. Vi beklagar dette, og jobbar med å utbetre dette.
 
Har du ein nyare mobiltelefon, og problem med å kople det til trådlaust gjestenett på sjukehuset? Det kan skuldast nettverksinnstillingane på telefonen din. 

Artiklar