Vi tilrår at du alltid nyttar siste versjon av nettlesaren din.
logo Helse Bergen

Tapping av væske og kortisonbehandling i ledd

Leddpunksjon

Ledd kan hovne opp på grunn av betennelse i leddet, vanlegvis fordi betennelsen gir auka mengd leddvæske. Leddbetennelsar kan oppstå på grunn av overaktivt immunforsvar ved revmatologisk sjukdom, eller på grunn av bakterieinfeksjonar. Ledd kan òg hovne opp på grunn av artrose, men då sest det lite betennelsesceller i leddvæska.

Årsak

Leddtapping vil vanlegvis bli gjord for å redusere smerte og stivleik i leddet. Dersom årsaka til leddhevelsen er ukjend, kan undersøking av leddvæske hjelpe til å finne årsaka. Dersom det ikkje er mistanke om bakteriell årsak vil ein vanlegvis samtidig få sett inn kortison i leddet for å dempe betennelsen og hinder at hevelsen kjem tilbake.

Pasienter med kjent revmatologisk sykdom som går i et behandlingsforløp hos spesialist, kan ta direkte kontakt med spesialistpoliklinikken når det oppstår hevelse i ett eller flere ledd med behov for leddtapping. De vil som oftest få time til behandling innen en uke. 

Nye pasienter må henvises av fastlege. Dersom det ikke foreligger en kjent revmatologisk sykdom er det aktuelt med revmatologisk utredning  der leddtapping og injeksjon kan være en del av utredning og behandling. 

Før

Det er ingen førebuingar til leddpunksjon.

Under

Lege undersøkjer deg før leddpunksjonen, oftast ved hjelp av ultralyd.

Før leddpunksjon vaskar vi huda godt.

Ei nål blir ført inn i leddet og væska blir tappa ut. Av og til får vi ikkje ut noko væske.

Dersom det ikkje er mistanke om bakterieinfeksjon, set legen vanlegvis kortison inn i leddet gjennom den same nåla. Dette blir gjort for å dempe betennelsen.

Dersom det kjem ut leddvæske, vil legen ofte vurdere leddvæska i mikroskop og nokre gonger sende ho til andre analysar.

Etter

Etter behandlinga kan du reise heim. Avhengig av kva ledd som blir punktert, kan du bli beden om å avlaste leddet i etterkant. Nokre opplever smerter etter behandlinga, og andre ikkje.

Ver merksam

Ein svært sjeldan komplikasjon til leddtappingar er bakteriell infeksjon. Dersom leddet etter tapping blir meir hovent, smertefullt, raudt eller varmt eller du får feber, må du kontakte poliklinikken eller annan lege.

Kontakt

Gamle hovedbygg Revmatologisk avdeling

Kontakt Revmatologisk avdeling

Oppmøtestad

Haukeland Universitetssykehus, Revmatologisk poliklinikk, Gamle Hovedbygning 3. etasje. Du melder deg i ekspedisjonen når du kommer til poliklinikken.

Gamle hovedbygg

Jonas Lies vei 71

5053 Bergen

Finn fram

Transport

​Fleire rutebussar går forbi Haukeland. I tillegg finst direkte arbeidsruter mellom bydelane og sjukehuset.
 
​​​​​​På nettsidene til Skyss.no finn du bussruter med oversikt over stoppestader og tider
 
  • Line 5 og 6 har avgang frå Festplassen
  • Line 12 har avgang frå Bystasjonen
  • Line 16E har avgang frå Xhibition i Småstrandgaten
​Busstoppa rundt Haukeland:

  • Ulriksdal for besøkande til Ulriksdal helsepark og Glasblokkene (line 5, 6, 16E)
  • Haukeland sjukehus Nord for besøkande til Glasblokkene, Kvinneklinikken, Augebygget og Haukeland hotell (line 5, 6, 12 og 16E)
  • Haukeland sjukehus Sør for besøkande til Sentralblokka og andre bygg på Haukelandsområdet (line 5, 6, 12 og 16E)
  • Ibsensgate - arbeidsruter

​Nærmaste stoppestad til Haukeland er bybanestoppet Haukeland sjukehus. Banen stoppar nord for Sentralblokka, like ved Glasblokkene, på Haukelandsområdet. Det tar om lag 5 minutt å gå frå stoppet til sjukehuset. 

Sjå rutetabellar og oversikt over stoppestader på Skyss.no

Sjekk nettsida til Flybussen for meir informasjon om ruter og prisar

 

Parkeringsanlegget på Haukeland er delt inn i ulike område på og i nærleiken av sjukehuset. Vi har dessverre ikkje nok plassar til alle som ønsker å parkere på sjukehuset.

​​​​​​​​Av omsyn til dei som må bruke bil, oppmoder vi derfor dei som kan, til å bruke offent​leg transport​. Det er også mogleg å parkere på Bystasjonen og ta buss/bane det siste stykket opp til Haukeland​. 

​For dei som av ulike årsakar må bruke bil, er det parkeringsplassar på ulike områder på og i nærleiken av sjukehuset.
 

Praktisk informasjon

I foajeen i Sentralblokka på Haukeland finn du eit apotekutsal for publikum. Dei gjer klar resepten din medan du ventar der.

Apotekutsalet har eit variert varetilbod, og fører dei legemidla sjukehuset nyttar i behandlinga. Dei skaffar også legemiddel som ikkje er marknadsførte i Noreg eller som må produserast spesielt. I tillegg har dei hudpleie- og hygieneartiklar og ernæringsprodukt, samt andre apotekvarer og sjukepleieartiklar.

Dei ansatte ved apoteket gir deg informasjon, råd og rettleiing om legemiddel og legemiddelbruk og kan tilby samtale/rettleiing mellom personale og pasient på eit uforstyrra samtalerom. Dei tilbyr og opplæring i blodsukkermåling og bruk av inhalasjonspreparat.

Apoteket tar også i mot gamle legemiddel til destruksjon.​

Du kan betale med Vipps på apoteket. Du kan derfor mellom anna betale på førehand når du skal hente bestilte medisinar.

Opningstider
Måndag-fredag kl. 08.30-18.00, laurdag kl. 09.00-13.00

Telefon 55 97 53 44
Telefaks 55 29 07 40
bergen@apotekene-vest.no

For meir informasjon - sjå nettsida til Sjukehusapoteka Vest

Når du skal på besøk eller følgje ein pasient på sjukehuset, må du gjere deg kjent med gjeldande rutinar.

​Les meir om besøkstider og -reglar på sjukehuset​

Som inneliggande pasient vil du få matservering på avdelinga du ligg på. I tillegg kan du og besøkande kjøpe alt frå dagens middag til smårettar, bakevarer og kioskvarer på sjukehuset. I nærmiljøet finst også fleire daglegvarebutikkar.

Les meir om mattilbodet ved sjukehuset

Pasientbiblioteket på Haukeland er til for pasientar og pårørande. Her er utlån av bøker, både tekst- og lydbøker, filmar, musikk og tidsskrift. Biblioteket har også mange aviser til utlån, mellom anna alle lokalavisene i distriktet.
For dei som ikkje kan komme seg til biblioteket, har vi et tilbod med boktraller med eit utval frå biblioteket som blir trilla rundt til avdelingane.

Pasientbiblioteket finn du i foajeen i Sentralblokka på Haukeland. Kom innom for ein prat, lån ei bok eller slå deg ned i salongen med ei avis.

Alle pasientar og besøkande kan bruke gratis trådlaust internett på dei fleste områda på sjukehuset.

Gjest.ihelse.net er eit trådlaust nettverk for besøkande, pasientar og tilsette. Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).​
  3. Trykk "Godta" når du har lest og forstått vilkåra.

Innlogginga skjer automatisk på einingar etter første pålogging, så lenge kontoen er aktiv. Det skal bare være nødvendig å logge seg på éin gong per eining per 31 dagar. 

 
Trøbbel med å kople til trådlaust internett?
Sjukehuset har dessverre dårleg nettverk nokre stader. Du kan derfor ha problem med å få logga deg på nettverket. Vi beklagar dette, og jobbar med å utbetre dette.
 
Har du ein nyare mobiltelefon, og problem med å kople det til trådlaust gjestenett på sjukehuset? Det kan skuldast nettverksinnstillingane på telefonen din.