Vi tilrår at du alltid nyttar siste versjon av nettlesaren din.
logo Helse Bergen

Kutan abscess, furunkel og karbunkel

Kutan abscess, furunkel og karbunkel er alle lokaliserte infeksjonar i huda. Furunkel er rundt ei hårrot. Karbunkel er større enn furunkel. Begge kan kallast abscessar. Abscessar er avgrensa betennelsar som dannar eit pussfylt holrom.

Årsaker

Årsaka til abscessutvikling er oftast ein bakteriell infeksjon, men kan også komme frå enkelte soppartar og amøbar. Det startar som ein infeksjon i eit område som etter kvart lukkar seg i eit holrom, med generell infeksjon i vevet rundt. Pusset i holrommet består av vevsrestar, kvite blodlekamar og levande og daude bakteriar.

Sidan sjølve holrommet ikkje har blodforsyning, gjer slike holrom det vanskeleg å komme til, både med forsvaret til kroppen og med medikament. Det blir også danna ein slags kapsel/tjukk vegg rundt holrommet. Slike betennelsar i huda kan oppstå over heile kroppen, men er gjerne meir vanleg i område med sterk behåring, mykje sveitte og mange talgkjertlar.

Tilvising og vurdering

Ved mistanke om abscess er det viktig å oppsøkje fastlegen sin. Ofte vil tilstanden vere ei mildare grad som kan behandlast ferdig hos fastlegen. Primærlege vil vurdere allmenntilstand, måle temperatur, ta blodprøvar og gjere klinisk undersøking av det aktuelle området. Ut frå dette vil legen avgjere om tilstanden treng behandling i sjukehus eller kan takast hand om lokalt.

Ein bør opplyse om:

  • lokalisering
  • korleis symptoma artar seg
  • varigheit
  • start av antibiotika, eventuelt kva tid?
  • tidlegare liknande episodar
  • tilstanden til pasienten (feber, smerter, allmenntilstand)

Det er viktig å avgjere om infeksjonane gir allmenne påverkingar eller om dei berre gir lokale symptom. Gir dei allmenne symptom må ein gå gjennom sepsis-kriterium for å avgjere hastegrad.

Skal pasienten tilvisast til spesialisthelsetenesta er det ofte ulike spesialistgrupper som handterer abscessar på ulike kroppsdelar. Dette vil variere lokalt og bør gjerne kjennast til av primærlege for å ikkje skape forseinkingar i behandlinga vidare. Det kan også vere nyttig å vite om pasienten blir tilvist for intravenøs antibiotika på grunn av dårleg allmenntilstand, og/eller om det er førespurnad om drenasje av abscess.

Utredning

Undersøkinga

Du vil få spørsmål om korleis tilstanden har utvikla seg. Legen vil undersøkje deg og eventuelt ta blodprøver, ultralyd eller CT for å vurdere om det er nødvendig med operasjon.

Ved operasjon

Operasjon for abscess går ofte føre seg i lokalbedøving. Dersom operasjonen er meir omfattande, eller på veldig smertefulle område, kan narkose vere nødvendig. Før operasjon med narkose må du faste.

Faste

Før operasjonen/undersøkinga må du faste. Dersom du ikkje møter fastande, kan det hende vi må avlyse eller utsetje timen.

Dei siste 6 timane før operasjon/undersøking skal du ikkje ete mat eller drikke mjølk/mjølkeprodukt. Barn kan få morsmjølkerstatning inntil 4 timar før operasjon/undersøking, og morsmjølk inntil 3 timar før. Dei siste 2 timane skal du unngå tyggegummi, drops, snus og røyk, fordi dette kan auke mageinnhald og magesyre.

Fram til 2 timar før operasjon/undersøking kan vaksne drikke klare væsker. Barn kan drikke klare væsker fram til 1 time før. Klare væsker er: Vatn, saft, juice utan fruktkjøt, brus, te og kaffi utan mjølk. Alle kan svelge medisinar med eit lite glas vatn inntil 1 time før. Du kan pusse tenner og skylje munnen når som helst.

  • Mat og mjølk/mjølkeprodukt: Skal stoppast 6 timar før
  • Klare væsker, tyggegummi, drops, snus og røyk: Skal stoppast 2 timar før
  • Klare væsker, barn: Skal stoppast 1 time før

Dersom du likevel har ete eller drukke utanom de tidene som står her må personalet få vite det. Før enkelte inngrep skal du drikke ein bestemt mengde næringsdrikk. 

Strengare reglar kan vere naudsynt for nokon. Det får du i så fall beskjed om.

Medisinar

Ta med alle dei faste medisinane dine på operasjonsdagen. Du får beskjed av legen om kva du kan ta, og kva du ikkje bør ta. Bruker du Marevan eller annan blodfortynnande medisin må du kontakte fastlegen to veker før operasjonen for å avtale eventuell nedtrapping. Dersom du blir innlagd på sjukehuset, vil du få det du eventuelt bruker av faste medisinar frå avdelinga. Det kan vere lurt å ha ei liste over dei medisinane (namn, dose, tidspunkt osb.) du bruker, anten på ein lapp i lommeboka eller på mobiltelefonen.

Hygiene

For å redusere infeksjonsfaren er det viktig at du dusjar same morgon som du møter til planlagd kirurgi. Unngå å bruke bodylotion og ikkje ha på deg naglelakk. Du bør heller ikkje ha på deg smykke/piercing eller klokke.

Dersom du er forkjøla eller har vorte sjuk av andre grunnar når avtalen nærmar seg, må du gi beskjed. Dette gjeld særleg dersom operasjonen skal skjer i narkose.

Behandling

Behandlinga består i å drenere holrom for å få ut bakteriar og puss.

Ofte blir også infeksjonen nedkjempa med antibiotika. Dette får du via tablettar eller intravenøst. Ofte vil ein infeksjon som gir allmenne symptom kunne krevje antibiotika intravenøst ein periode til infeksjonen har snudd.

Ved Haukeland er inndelingen slik:

  • Hode, hårfestet området: nevrokirurgi
  • Hode, ikke hårfestet området, og hals: Øre, nese, hals/Plastikkirurgi
  • Underarm og hånd: Plastikkirurgi
  • Overarm: Ortopedi
  • Overkroppen: Generell kirurgi
  • Armhulen: Endokrinkirurgi/karkirurgi
  • Genitalia, mann: Urologi, kvinner: Gynekologi
  • Underekstremiteter: Ortopedi

Oppfølging

Ofte vil du vere innlagd til holrommet er drenert og vi ser at infeksjonsprøver snur og tilstanden er på tilbakegang.

Etter du har drege heim, kan det vere behov for antibiotikakur i form av tablettar og vidare oppfølging hos fastlege.

Det kan framleis vere behov for å skylje holrommet som var fylt av bakteriar etter du komme heim, for å hindre tilbakefall.

Ver merksam

Dersom opninga til holrommet lukkar seg medan det framleis produserer litt puss derifrå, kan tilstanden blusse opp igjen. Det er viktig at opningar til slike holrom blir haldne opne inntil dei ikkje lenger produserer puss og helst endå litt til.

Kontakt

Sentralblokka Plastikkirurgi

Kontakt Plastikkirurgi

Oppmøtestad

Kirurgisk ekspedisjon i 2. etasje i Sentralblokka.
Flyfoto av Sentralblokka

Sentralblokka

Haukelandsveien 22

5021 Bergen

Finn fram

Transport

​Fleire rutebussar går forbi Haukeland. I tillegg finst direkte arbeidsruter mellom bydelane og sjukehuset.
 
​​​​​​På nettsidene til Skyss.no finn du bussruter med oversikt over stoppestader og tider
 
  • Line 5 og 6 har avgang frå Festplassen
  • Line 12 har avgang frå Bystasjonen
  • Line 16E har avgang frå Xhibition i Småstrandgaten
​Busstoppa rundt Haukeland:

  • Ulriksdal for besøkande til Ulriksdal helsepark og Glasblokkene (line 5, 6, 16E)
  • Haukeland sjukehus Nord for besøkande til Glasblokkene, Kvinneklinikken, Augebygget og Haukeland hotell (line 5, 6, 12 og 16E)
  • Haukeland sjukehus Sør for besøkande til Sentralblokka og andre bygg på Haukelandsområdet (line 5, 6, 12 og 16E)
  • Ibsensgate - arbeidsruter

​Nærmaste stoppestad til Haukeland er bybanestoppet Haukeland sjukehus. Banen stoppar nord for Sentralblokka, like ved Glasblokkene, på Haukelandsområdet. Det tar om lag 5 minutt å gå frå stoppet til sjukehuset. 

Sjå rutetabellar og oversikt over stoppestader på Skyss.no

Sjekk nettsida til Flybussen for meir informasjon om ruter og prisar

 

Parkeringsanlegget på Haukeland er delt inn i ulike område på og i nærleiken av sjukehuset. Vi har dessverre ikkje nok plassar til alle som ønsker å parkere på sjukehuset.

​​​​​​​​Av omsyn til dei som må bruke bil, oppmoder vi derfor dei som kan, til å bruke offent​leg transport​. Det er også mogleg å parkere på Bystasjonen og ta buss/bane det siste stykket opp til Haukeland​. 

​For dei som av ulike årsakar må bruke bil, er det parkeringsplassar på ulike områder på og i nærleiken av sjukehuset.
 

​I Sentralblokka på Haukeland finn du ein taxihaldeplass der det som regel står ledige bilar. Ved behov er våre tilsette i resepsjonen tilgjengelege 24 timar i døgnet og kan bestille taxi til deg.

Reiseutgifter
Som regel gjennomfører du reisa di på eiga hand og søker om å få dekt reiseutgiftene i etterkant.
Les meir om å få dekt ei pasientreise

Planlegging
I utgangspunktet vel du sjølv kva transportmiddel du reiser med til behandling.
Les meir om planlegging av pasientreisa di

Rettar/Rettane dine
Hovedregelen er at pasientreiser bli dekt med ein standardsats per kilometer. Ved behov kan også nødvendige tilleggsutgifter bli dekt.
Les meir om rettane dine ved pasientreiser

Tilrettelagt transport
Helseekspressen
Avdeling for pasientreiser i Helse Bergen ​

Praktisk informasjon

Telefon resepsjon: 55 97 50 00

I tillegg til resepsjonen i foajeen i Sentralblokka, har alle poliklinikkane på sjukehuset eigen resepsjon. Her kan du få hjelp med alt frå betaling til bestilling av transport.

​​​​​​​​Besøke pasientar
Skal du besøke ein pasient? Vi kan gi deg informasjon om kvar du finn dei ulike avdelingane og sengepostane på sjukehusområdet.

Betale eigendel
Du kan betale eigendel for polikliniske konsultasjonar i resepsjonen mellom klokka 07.00 og 21.00. Ver merksam på at poliklinikkane berre tar imot betaling med kort.

Bestille drosje
Om du ønskjer det, hjelper vi deg gjerne med å bestille drosje. Berre ta kontakt i resepsjonen.

Leitar du etter ei avdeling?
​Sjå avdelingsoversikta

Resepsjonen i foajeen i Sentralblokka er døgnbemanna og hjelper deg i tillegg med:

Lån av rullestol
Resepsjonen låner ut rullestolar til bruk på sjukehuset. For lån av rullestol er det 200 kroner i depositum. ​

Følgeteneste
Vi tilbyr følgeteneste, der ein tilsett kan følge deg til og frå poliklinikkane, til røntgen og til Laboratorium for klinisk biokjemi. Vi har også rullestol om du treng det.

Følgeteneste har vi frå klokka 07.00 til 15.00. Direkte telefonnummer til følgetenesta er 55 97 20 06.

Oppbevaringsboksar
Vi har oppbevaringsboksar, om du treng dette. Avhengig av storleik på boksen, kostar dette 20 eller 30 kr. per døgn.

Hittegods
Vi tar imot hittegods, og leverer ut hittegods dersom dette er levert same dag eller same helg. Etter dette blir hittegodset levert til Drift/teknisk kundesenter.​​

I foajeen i Sentralblokka på Haukeland finn du eit apotekutsal for publikum. Dei gjer klar resepten din medan du ventar der.

Apotekutsalet har eit variert varetilbod, og fører dei legemidla sjukehuset nyttar i behandlinga. Dei skaffar også legemiddel som ikkje er marknadsførte i Noreg eller som må produserast spesielt. I tillegg har dei hudpleie- og hygieneartiklar og ernæringsprodukt, samt andre apotekvarer og sjukepleieartiklar.

Dei ansatte ved apoteket gir deg informasjon, råd og rettleiing om legemiddel og legemiddelbruk og kan tilby samtale/rettleiing mellom personale og pasient på eit uforstyrra samtalerom. Dei tilbyr og opplæring i blodsukkermåling og bruk av inhalasjonspreparat.

Apoteket tar også i mot gamle legemiddel til destruksjon.​

Du kan betale med Vipps på apoteket. Du kan derfor mellom anna betale på førehand når du skal hente bestilte medisinar.

Opningstider
Måndag-fredag kl. 08.30-18.00, laurdag kl. 09.00-13.00

Telefon 55 97 53 44
Telefaks 55 29 07 40
bergen@apotekene-vest.no

For meir informasjon - sjå nettsida til Sjukehusapoteka Vest

Når du skal på besøk eller følgje ein pasient på sjukehuset, må du gjere deg kjent med gjeldande rutinar.

​Les meir om besøkstider og -reglar på sjukehuset​

​Utgreiing og behandling vil vere avhengig av god kommunikasjon og kartlegging av grundig sjukdomshistorikk. Derfor ber vi deg gi beskjed om du har behov for tolk under pasientsamtalane og undersøkingane så tidleg som mogleg. Dette gjeld om du til dømes har hørsels- eller synshemming, eller om du har eit anna morsmål og snakkar lite norsk.

Les meir om tolketenester og dine rettar som pasient

Alle pasientar og besøkande kan bruke gratis trådlaust internett på dei fleste områda på sjukehuset.

Gjest.ihelse.net er eit trådlaust nettverk for besøkande, pasientar og tilsette. Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).​
  3. Trykk "Godta" når du har lest og forstått vilkåra.

Innlogginga skjer automatisk på einingar etter første pålogging, så lenge kontoen er aktiv. Det skal bare være nødvendig å logge seg på éin gong per eining per 31 dagar. 

 
Trøbbel med å kople til trådlaust internett?
Sjukehuset har dessverre dårleg nettverk nokre stader. Du kan derfor ha problem med å få logga deg på nettverket. Vi beklagar dette, og jobbar med å utbetre dette.
 
Har du ein nyare mobiltelefon, og problem med å kople det til trådlaust gjestenett på sjukehuset? Det kan skuldast nettverksinnstillingane på telefonen din. 

Frivillige på Haukeland er her for å gjere pasientar og pårørande sitt møte med sjukehuset betre. Alle i frivilligheitstenesta er kledd i raude vestar og har fått kursing om rolla. 


Dei frivillige kan vise veg, vente saman med pasientar, bli med på luftetur i parken eller nærområde - og mykje meir. 

Meir informasjon på helse-bergen.no/frivillig

Kontaktinformasjon: 

Som inneliggande pasient vil du få matservering på avdelinga du ligg på. I tillegg kan du og besøkande kjøpe alt frå dagens middag til smårettar, bakevarer og kioskvarer på sjukehuset. I nærmiljøet finst også fleire daglegvarebutikkar.

Les meir om mattilbodet ved sjukehuset

Pasientbiblioteket på Haukeland er til for pasientar og pårørande. Her er utlån av bøker, både tekst- og lydbøker, filmar, musikk og tidsskrift. Biblioteket har også mange aviser til utlån, mellom anna alle lokalavisene i distriktet.
For dei som ikkje kan komme seg til biblioteket, har vi et tilbod med boktraller med eit utval frå biblioteket som blir trilla rundt til avdelingane.

Pasientbiblioteket finn du i foajeen i Sentralblokka på Haukeland. Kom innom for ein prat, lån ei bok eller slå deg ned i salongen med ei avis.