Vi tilrår at du alltid nyttar siste versjon av nettlesaren din.

Keratoconus - kollagen kryssbinding

Ved augesjukdommen keratokonus blir hornhinna (cornea), av ukjente grunnar, tynnare og svakare. Dette gjer at ho bular framover, noko som påverkar synet. Dersom forholda ligg til rette for det, kan vi da gjere Corneal cross-linking (CXL). Vi prøver da å stoppe progresjonen, og med dette forhindre at auget treng ein hornhinnetransplantasjon. Synet blir altså ikkje betre ved crosslinking.

For å ha eit godt syn er du avhengig av at lysstrålar blir brotne korrekt når dei passerer hornhinna og augelinsa slik at det blir danna eit skarpt fokus på netthinna. Dette føreset ei hornhinne med ei jamn og regelmessig form.

Keratokonus er ein tilstand der strukturen i hornhinna gradvis blir svekt, og det oppstår ein utposingsprosess der hornhinna bular framover. Denne typen brytningsfeil er ikkje symmetrisk, slik han er ved nærsyntheit, langsyntheit og skeive hornhinner.

Dette gjer at det ikkje i same grad kan rettast opp med briller eller mjuke linser. Harde kontaktlinser kan hjelpe noko betre. Dersom keratokonusen er progredierande (ikkje stabil), vil hornhinna til slutt kunne bli så tynn og ujamn at vi må gjere ein hornhinnetransplantasjon.

Før

Førebuingar heime

Ta 1000 mg C-vitamin per dag. Start med dette 1 veke før behandlinga og fortsett 2 veker etter. Dette er vist å kunne verke positivt på tilhelingen. Ta også Omega-3 tilskot, minst i same periode, fortsett så lenge du vil.

Hugs å hente ut avtalte medisinar frå apoteket før du møter til behandling. Du kan sjekke på helsenorge.no om reseptane er klare. Dersom dei ikkje ligg i oversikta, blir dei skrivne ut på operasjonsdagen og du kan hente dei etter inngrepet.

Ikkje bruk augesminke på behandlingsdagen. Bruk heller ikkje sminke den første veka etter operasjonen.

Ikkje køyr bil, da du vil få augedropar som påverkar synet.

Under

Under behandlinga ligg du flatt på ei seng med ein augelokkhaldar (augelokksperre) påsett, slik at du ikkje greier å blunke. Auget blir drypt med lokalbedøving. Det gjer at sjølve behandlinga er smertefri. For at B-vitamindropane skal kunne trengje inn i hornhinna, må vi polere bort det ytste, lause epitellaget på hornhinna.

Dette laget gror tilbake igjen på 1–3 dagar. Poleringa kan vi enten gjere manuelt med noko som liknar ein elektrisk tannkost, eller med laserbehandling. Vi avgjer på forundersøkinga kva metode som passar best for deg.

Deretter tar vi av augelokksperra og dryper auget med B-vitamindropar i cirka 20 minutt. Vi set på augelokksperra igjen, og belyser auget i 10 minutt med ei Uv-lampe. Riboflavinet i hornhinna vil «fange» lyset, slik at det skjer ein forsterkningsprosess i hornhinna og gjer den stivare.

Vi vil da, i dei fleste tilfelle, kunne klare å stabilisere tilstanden, slik at du ikkje treng ein hornhinnetransplantasjon, eller kan utsette denne lenger fram i tid.

Du får ein augedrope som gjer pupillen din stor i 10–14 dagar. Dette er normalt. Vi legg til slutt på ei kontaktlinse, og behandlinga er ferdig.

Kliniske studiar

1 klinisk studie er open for rekruttering. Saman med legen din kan du vurdere om ein klinisk studie er aktuell for deg.

Sjå fleire kliniske studiar

Etter

 

Kontaktlinsa som blir lagd på under behandlinga skal fjernast cirka 1 veke seinare. Du får time ved augepoliklinikken. Om du har lang reiseveg, kan vi ordne slik at du kan gjere det lokalt.

Deretter vil det vanlegvis vere 1–2 kontrollar første året. Vidare oppfølging blir tilpassa individuelt.

Hugs at du ikkje må bruke mjuke kontaktlinser 1 veke før kontrollane, og harde linser 2 veker før kontrollane dersom det skal bli gjennomført hornhinnekartlegging eller brillemåling. Spør gjerne legen din om dette om du er svært avhengig av bruk av linser.

Effekten av CXL (altså stabilitet) kan gjerne ikkje bekreftast før det har gått seks månader til eitt år.

Dei fleste vil kjenne smerter i auget i 1–2 dagar etter behandlinga. Dette er normalt og oftast verst på behandlingsdagen. For dei fleste er det betre allereie morgonen etter. Dersom du opplever aukande smerter/raudheit eller dramatisk forverring av synet ut over veka, bør du ta kontakt med Augeavdelinga. Synet kan vere uklart i 2–3 dagar etter behandlinga.

I tillegg får du med to ampullar lokalbedøving (merket OXB) og to ampullar Kloramfenikol (antibiotikadropar merka CPL). Lokalbedøvinga kan du ta som kortvarig, rask smertelindring om du for eksempel vaknar om natta og ikkje får sove på grunn av smerter. Ta da éin drope lokalbedøving, fem minutt seinare tar du éin drope Kloramfenikol.

Bruk over tre gonger per døgn kan forseinke tilhelingsprosessen, så ikkje bruk dette om du ikkje treng det!

Du bør unngå slag/støyt mot auget. I tillegg bør du unngå støv/smitte/bading så lenge du har kontaktlinsa på (1 veke). Du bør også unngå bading i svømmehall/boblebad/sjøen den første veka. Dusj frå halsen og ned fram til kontaktlinsa er fjerna på 1-vekekontrollen.

Bruk reint tørkepapir når du skal tørke deg rundt auget. Kast papiret etter kvar bruk. Unngå bomull eller liknande, som kan loe.

Du må betale eigendel og forbruksmateriell. Du får valet mellom rekning eller å betale med kort.

Ver merksam

Komplikasjonsrisikoen ved CXL er relativt liten, men til stades. Du kan få ein infeksjon i såret etter «poleringa» av hornhinna. Auget kan også hos nokon svært få reagere med ein kraftig immunreaksjon, slik at du får arrdanning i hornhinna. Det er derfor viktig å avklare at du faktisk har behov for å gjere denne behandlinga.

Kontakt

Augebygget Augeavdelinga

Kontakt Augeavdelinga

Oppmøtestad

Ekspedisjonen i Augebygget i 1. etasje  måndag - fredag kl. 08.00-15.30

Øyeblikkeleg hjelp: 

Vekedagar kl. 07.30-19.00:    Augebygget i 3. etasje.
Kveld etter kl. 19.00 og helg:  Akuttmottak i Sentralblokka. 

Augebygget

Jonas Lies vei 72

5053 Bergen

Finn fram

Transport

​Fleire rutebussar går forbi Haukeland. I tillegg finst direkte arbeidsruter mellom bydelane og sjukehuset.
 
​​​​​​På nettsidene til Skyss.no finn du bussruter med oversikt over stoppestader og tider
 
  • Line 5 og 6 har avgang frå Festplassen
  • Line 12 har avgang frå Bystasjonen
  • Line 16E har avgang frå Xhibition i Småstrandgaten
​Busstoppa rundt Haukeland:

  • Ulriksdal for besøkande til Ulriksdal helsepark og Glasblokkene (line 5, 6, 16E)
  • Haukeland sjukehus Nord for besøkande til Glasblokkene, Kvinneklinikken, Augebygget og Haukeland hotell (line 5, 6, 12 og 16E)
  • Haukeland sjukehus Sør for besøkande til Sentralblokka og andre bygg på Haukelandsområdet (line 5, 6, 12 og 16E)
  • Ibsensgate - arbeidsruter

​Nærmaste stoppestad til Haukeland er bybanestoppet Haukeland sjukehus. Banen stoppar nord for Sentralblokka, like ved Glasblokkene, på Haukelandsområdet. Det tar om lag 5 minutt å gå frå stoppet til sjukehuset. 

Sjå rutetabellar og oversikt over stoppestader på Skyss.no

Sjekk nettsida til Flybussen for meir informasjon om ruter og prisar

 

​Beklageleg er det avgrensa parkering utanfor avdelinga, men det finnast handicap-parkering der og det er mogeleg å sleppe nokon av. Parkeringsplassar finnast på Haukeland universitetssjukehus sitt hovudområde.  Det er viktig at du bereknar god tid, slik at du kan finne ein parkeringsplass før timen hos oss.

Parkeringsanlegget på Haukeland er delt inn i ulike område på og i nærleiken av sjukehuset. Vi har dessverre ikkje nok plassar til alle som ønsker å parkere på sjukehuset.

​​​​​​​​Av omsyn til dei som må bruke bil, oppmoder vi derfor dei som kan, til å bruke offent​leg transport​. Det er også mogleg å parkere på Bystasjonen og ta buss/bane det siste stykket opp til Haukeland​. 

​For dei som av ulike årsakar må bruke bil, er det parkeringsplassar på ulike områder på og i nærleiken av sjukehuset.
 

Praktisk informasjon

Som inneliggande pasient vil du få matservering på avdelinga du ligg på. I tillegg kan du og besøkande kjøpe alt frå dagens middag til smårettar, bakevarer og kioskvarer på sjukehuset. I nærmiljøet finst også fleire daglegvarebutikkar.

Les meir om mattilbodet ved sjukehuset

Pasientbiblioteket på Haukeland er til for pasientar og pårørande. Her er utlån av bøker, både tekst- og lydbøker, filmar, musikk og tidsskrift. Biblioteket har også mange aviser til utlån, mellom anna alle lokalavisene i distriktet.
For dei som ikkje kan komme seg til biblioteket, har vi et tilbod med boktraller med eit utval frå biblioteket som blir trilla rundt til avdelingane.

Pasientbiblioteket finn du i foajeen i Sentralblokka på Haukeland. Kom innom for ein prat, lån ei bok eller slå deg ned i salongen med ei avis.

Alle pasientar og besøkande kan bruke gratis trådlaust internett på dei fleste områda på sjukehuset.

Gjest.ihelse.net er eit trådlaust nettverk for besøkande, pasientar og tilsette. Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).​
  3. Trykk "Godta" når du har lest og forstått vilkåra.

Innlogginga skjer automatisk på einingar etter første pålogging, så lenge kontoen er aktiv. Det skal bare være nødvendig å logge seg på éin gong per eining per 31 dagar. 

 
Trøbbel med å kople til trådlaust internett?
Sjukehuset har dessverre dårleg nettverk nokre stader. Du kan derfor ha problem med å få logga deg på nettverket. Vi beklagar dette, og jobbar med å utbetre dette.
 
Har du ein nyare mobiltelefon, og problem med å kople det til trådlaust gjestenett på sjukehuset? Det kan skuldast nettverksinnstillingane på telefonen din.