Vi tilrår at du alltid nyttar siste versjon av nettlesaren din.
Habilitering – Cerebral parese hos vaksne
Cerebral parese er ei samlenemning for ulike motoriske funksjonshemmingar som er forårsaka av utviklingsforstyrring eller skade i hjernen før fylte 2 år. I tillegg er det ofte følgetilstander som epilepsi, kommunikasjonsutfordringar, kognitive vanskar og problem med å tolke og forstå sanseinntrykk. Habilitering ved cerebral parese inneber at ulike fagpersonar samarbeider for å hjelpe pasienten å fungere best mogleg i dagleglivet.
Sjølv om hjerneskaden ved cerebral parese er stabil, vil funksjonar og symptom kunne endre seg. Pasientar med cerebral parese vil ofte trenge tilrettelegging og rettleiing knytt til bustad, jobb/dagtilbod, bistandsbehov og oppfølging av fysiske og psykiske utfordringar.
Tilvising og vurdering
Det er som regel fastlegen eller anna spesialisthelseteneste som viser til habiliteringstenesta. Du vil bli kalla inn til møte på habiliteringsavdelinga eller vi i habiliteringstenesta kjem heim til deg.
Det er som regel fastlegen eller anna spesialisthelseteneste som viser til Habiliteringsavdelinga for vaksne (HAVO). Med utgangspunkt i tilvisinga og aktuell prioriteringsrettleiar vil vi vurdere om du har krav på behandling i spesialisthelsetenesta.
Tilvising kan sendast elektronisk eller pr. post til
Helse Bergen, Haukeland universitetssjukehus,
Habiliteringsavdelinga for vaksne, Postboks 1400, 5021 Bergen.
Før
Habilitering ved cerebral parese inneber ei tverrfagleg oppfølging av dei samansette behova dine. Saman med deg vil vi finne ut kva for fysiske, psykiske og/eller kognitive område som det bør jobbast vidare med. Det innebærer at ulike fagpersonar samarbeider for å hjelpe deg, for at du skal fungere best mogleg i dagliglivet. Det sentrale målet er god helse og livskvalitet med fokus på aktivitet og deltaking, og dessutan god kjennskap til eigen sjukdom.
Under
Du blir invitert til ein samtale om funksjonen din i kvardagen, for å innhente informasjon om aktuelle problemstillingar. Ta gjerne med deg ein pårørande og/eller tenesteytar.
Med utgangspunkt i innhenta opplysningar, blir det planlagt somatisk undersøkingar, av blant anna funksjon i armar og bein. I tillegg vil vi sjå på summen av belastningar du på ulike livsområde.
Etter tverrfagleg undersøking vil vi utarbeide ein rapport med oppfordringar knytt til:
Medisinsk utgreiing og/eller behandling
Fysisk aktivitet og tilpassa treningsøvingar
Posisjonering
Aktivitetsregulering (balanse mellom aktivitet og kvile)
Ernæring
Hjelpemiddel: Forflyttingshjelpemiddel, ortopediske hjelpemiddel, Alternativ supplerande kommunikasjon (ASK), små hjelpemiddel med meir.
Miljøtilrettelegging i bustad og arbeid.
Etter
Ved behov blir det planlagt vidare oppfølging ved teamet vårt.
Sist faglig oppdatert 06.05.2026
Kontakt
Olav Bjordals veg 29, BreisteinHabiliteringsavdelinga for vaksne (HAVO)
Avkjørsel i lyskryss ved Shell stasjon på Haukås, Fv 567 mot Breistein.
Kjør 550 m og sving til venstre, inn på Olav Bjordals veg.
Kjør 100 m og sving til høyre, inn til Olav Bjordals veg 29.
Buss nr. 37 Breistein går frå Åsane Terminal til Breistein. Den stopper i Breisteinvegen – Busstopp Vestlandsheimen Det er 450 meter å gå til Olav Bjordals veg 29. Sjå kart.
Finn reisetider på Skyss.no, Skyss App på mobil eller ring Skyss på telefon 55 55 90 70.
Praktisk informasjon
Det er gratis parkering hos oss.
Alle pasientar og besøkande kan bruke gratis trådlaust internett på dei fleste områda på sjukehuset.
Gjest.ihelse.net er eit trådlaust nettverk for besøkande, pasientar og tilsette. Slik koblar du deg til gjestenettet vårt:
Koble deg til det trådlause gjestenettet (gjest.ihelse.net)
Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).
Trykk "Godta" når du har lest og forstått vilkåra.
Innlogginga skjer automatisk på einingar etter første pålogging, så lenge kontoen er aktiv. Det skal bare være nødvendig å logge seg på éin gong per eining per 31 dagar.
Trøbbel med å kople til trådlaust internett?
Sjukehuset har dessverre dårleg nettverk nokre stader. Du kan derfor ha problem med å få logga deg på nettverket. Vi beklagar dette, og jobbar med å utbetre dette.
Har du ein nyare mobiltelefon, og problem med å kople det til trådlaust gjestenett på sjukehuset? Det kan skuldast nettverksinnstillingane på telefonen din.
