Elektroencephalografi (EEG)

Elektroencephalografi (EEG) er ei undersøking som gir opplysningar om ulike funksjonstilstandar i hjernen. Hjernen sin spontane elektriske aktivitet blir registrert ved hjelp av elektrodar som blir plassert på hovudet si overflate. I tillegg blir det gjort videoopptak.

Før

Et og ta dei vanlige medisinane du pleier også den dagen du skal på undersøking, dersom ikkje andre beskjeder er gitt.
Skriv ned kva medisinar du bruker.
For at prøven skal bli teknisk god bør håret være nyvaska og tørt (Ikkje bruk andre hårprodukt enn nøytral shampo).
Ha med eigen kam, børste, evt. hårpleiemidlar
Barn kan ha med seg leikar, smokk, tåteflaske etc
Barn / personer som treng ekstra førebuing (f.eks ved autisme, eller psykisk utviklingshemming), kan avtala å koma til avdelinga før undersøkinga for å sjå avdelinga og rommet der undersøkinga skal gå føre seg, sjå / kjenna på utstyr, evt. låna med seg heim noko av utstyr for å øva seg til undersøkinga – ta kontakt med oss dersom dette er aktuelt.

Under

Undersøkinga er smertefri.
Små elektrodar blir plassert på hovudet si overflate for å registrera den elektriske aktiviteten i hjernen.
Det brukes elekrodepasta og elektrodekrem i hodebunnen.
Nokre gonger festar ein elektrodane i ei hette.
I tillegg blir det plassert to elektrodar på brystet eller hender for å registrera hjerterytmen.
Det er viktig å slappa godt av under testen. Uro eller rørsler gir forstyrring i registreringa og bør reduserast til eit minimum.
Personen ligg helst og som oftast på ein benk, men kan også sitja i ein stol. Barn kan sitja på fanget til ein av foreldra eller liggje i vogna.
Samtidig med registreringa av hjerneaktiviteten blir det gjort videoopptak.
Ofte blir det gjort lysblinkstimulering, og / eller hyperventilasjon under EEG
Sjølve EEG-registreringa varer ca. 20 minutt. Til saman tek undersøkinga ca. 1 time.

Sjå video av korleis undersøkinga går føre seg:

Etter

Grunna korona og smitteverntiltak blir håret ikkje vaska etter undersøkinga. Dette kan endra seg.

Før

Under

Etter

Kontaktinformasjon