Tilbod til våre tilsette
På Voss sjukehus er vi i underkant av 400 tilsette. Dei tilsette er den viktigaste ressursen vår.
For oss er det viktig å ta godt vare på dei vi har - og ønske godt i mot dei nye som kjem.
Christer Kvelvane (gastrokirurg)
- Ingen kø. Familievennleg. Fantastisk natur. I tillegg til ein fagleg spennande jobb er det 1000 gode grunnar til å bu og jobbe på Voss.
På kirurgisk avdeling er det no fire fast tilsette overlegar med gastrokirurgisk subspesialitet , 4 LIS-legar og 5 turnuslegar. Kirurgisk avdeling har gruppe II-utdanningsstatus i generell kirurgi.
- Det beste med å være kirurg på Voss er variasjonen i det vi held på med. Vi får operert mykje, har spennande vaktarbeid og korte arbeidslinjer. I tilleg er vi akuttsjukehus med traumefunksjon, seier Christer.
Familievenleg bygd
Christer er blant dei som likar det som er annleis i Vossabygda.
- Her på Voss har du ein fantastisk natur, flotte fjell, ordentleg vinter. Tempoet er lågare, og det er mindre kø. Det er ein flott stad å bu som familiemann.
Å bu på Voss
Voss er ei bygd som inviterer til spektakulære opplevingar. Sjukehuset ligg omtrent i skibakken, og er omkransa av vakre fjell og vatn.
Velkommen til ein stad der natur og kultur står i sentrum.
Sist oppdatert 25.09.2024