Pårørandesamarbeid

Viss du ikkje ønskjer involvering frå pårørande, vil me be om å få orientera dei om ulike pårørandetilbod både i avdeling for rusmedisin (AFR) og i kommunen.

Dette er fordi me veit at både pasientar og pårørande, som hovudregel får det betre om begge partar får oppfølging og støtte.

Alle pasientar innlagde i AFR, blir kartlagde i forhold til om dei bur saman med eller har samvær med barn som pårørande. Dette for å sikra at dei er varetekne på ein god måte.

Pårørande til personar med rusmiddelproblem

Pårørande til personar med rusmiddelavhengnad, som utviklar psykisk liding som følgje av å vera pårørande, skal bli tilvist til psykisk helsevern/ TSB. Her skal dei tilbydast utgreiing og/ eller behandling. I individuell pasientbehandling (med samtykke frå pasient) legg me også til rette for dialog og oppfølging av pårørande etter behov.