HELSENORGE
Velg språk

Muskelklinikken

Muskelklinikken blei etablert i 1998 som ein del av Nevropoliklinikken, Haukeland Universitetssjuehus. Muskelklinikken tilbyr pasientar, hovudsakeleg med nevromuskulære sjukdomar, både diagnostisk utgreiing og oppfølging.

Les meir om Muskelklinikken

Muskelklinikken


Diagnostisk arbeid blir utført av to legar ved avdelinga. Utgreiinga består av klinisk vurdering og supplerande diagnostikk, ofte med muskelbiopsi. Både biopsien og vurderinga av resultatet blir gjort saman med nevropatolog ved Avdeling for Patologi.

Ved arvelege muskelsjukdomar blir prøvar sendte for genetisk testing til norske og utanlandske laboratorium. Legane vil syte for å få ein så presis diagnose som mogleg, og tilvising til andre spesialistar som f.eks. lungelege eller hjartelege. Legane hjelper også pasienten med opplysningar om sjukdom og kva som føregår på forskingsfronten. Samtidig som diagnostisk utgreiing føregår, blir pasientane som har behov for det også tekne vare på av det tverrfaglege teamet.

  

Kontaktinformasjon

Telefon Sjukepleiar
55 97 51 20

Telefontid
Måndag-fredag 
kl. 08.00-15.30

Telefaks
55 97 51 64

Tverrfagleg team

Tverrfagleg vurdering er ein vesentleg og viktig del av oppfølgingsoppgåvene. Pasientar som kjem til tverrfagleg vurdering, har vanlegvis ein fastsett diagnose. Men nokon kjem før prosessen er ferdig, anten p.g.a. behov for tverrfagleg hjelp eller fordi ein ikkje kjem nærmare endeleg diagnose med dagens kunnskap. Dei fleste pasientane som kjem til tverrfagleg vurdering, høyrer til i Vestland og på Vestlandet generelt, men fleire kjem frå andre deler av landet.

Det tverrfaglege teamet fungerer som ei bru mellom spesialist- og primærhelsetenesta. Formidling av opplysning er kanskje den viktigaste oppgåva teamet har. Dei fleste spørsmåla handlar om praktiske problem og økonomi. Teamet, som i dag består av sjukepleiar, fysioterapeut, ergoterapeut og sosionom, fungerer mest poliklinisk. Men teamet kan også sjå på pasientar som er innlagte på dagposten ved Nevrologisk avdeling. Andre faggrupper som ernæringsfysiolog, logoped o.l., blir involvert etter behov. Du kan lese meir om fagpersonane lenger nede på sida.

Det er fint om du har tenkt gjennom kva du ynskjer å ta opp på den tverrfaglege timen.


Sjukepleiar

Sjukepleiaren er ansvarleg for innkalling av pasientar til tverrfagleg vurdering og vil i informasjonsskriv som blir sendt saman med innkallingsbrevet, syte for at pasienten blir informert om kven som skal delta i den tverrfaglege klinikken. Sjukepleiar planlegg den polikliniske timen. Vedkomande kan kontaktast om du har spørsmål som vedkjem timen eller om du har andre spørsmål knytt til sjukdomen din. Tlf: 55975120.  

Fysioterapeut

Fysioterapeuten legg mest vekt på å vurdere fysisk funksjon. Det er viktig å bevare muskelkraft så lenge som mogleg. Samtidig må leddrørsle, muskellengde og god kroppsholdning bevarast. Dette vil vere ei hjelp til å bevare fysisk funksjon, det å kunne flytte på seg, motverke smerter og sikre gode pusteforhold. Lungefysioterapi vil av og til vere nyttig. Fysioterapeuten gir råd og rettleiing om hjelpemiddel og kan formidle kontakt med og gi råd til fysioterapeut på heimstaden.

Ergoterapeut

Ergoterapeuten tilbyr samtale om aktivitetar i kvardagen (heim, arbeid/skule og fritid). Ergoterapeut gir informasjon, råd og rettleiing om bustad, hjelpemiddel samt generell energiøkonomisering. Samarbeid med ergoterapeut i kommunen inngår også.

Sosionom

Sosionomen gir tilbod om samtale når det gjeld sosiale, praktiske og økonomiske spørsmål. Dette kan gjelde tilrettelegging av arbeidsforhold, hjelp og assistanse i dagleglivet og informasjon om trygderettigheiter. Mange treng hjelp til å finne fram i samfunnet sine reglar for praktisk hjelp og økonomisk støtte. Sosionomen gir konkret hjelp med søknader, tilvisingar for vidare oppfølging i det kommunale hjelpeapparatet og gir rom for spørsmål og tankar om situasjonen.

Kontaktinformasjon

Buss

​Fleire rutebussar går forbi Haukeland. I tillegg finst direkte arbeidsruter mellom bydelane og sjukehuset.
 
​​​​​​På nettsidene til Skyss.no finn du bussruter med oversikt over stoppestader og tider
 
  • Line 5 og 6 har avgang frå Festplassen
  • Line 12 har avgang frå Bystasjonen
  • Line 16E har avgang frå Xhibition i Småstrandgaten
​Busstoppa rundt Haukeland:

  • Ulriksdal for besøkande til Ulriksdal helsepark og Glasblokkene (line 5, 6, 16E)
  • Haukeland sjukehus Sør for besøkande til Glasblokkene, KK, Augebygget og Haukeland hotell (line 5, 6, 12 og 16E)
  • Haukeland sjukehus Nord for besøkande til Sentralblokka og andre bygg på Haukelandsområdet (line 5, 6, 12 og 16E)
  • Ibsensgate - arbeidsruter

Bybane

​Nærmaste stoppestad til Haukeland er bybanestoppet Haukeland sjukehus. Banen stoppar nord for Sentralblokka, like ved Glasblokkene, på Haukelandsområdet. Det tar om lag 5 minutt å gå frå stoppet til sjukehuset. 

Flybuss

 

Parkering Haukeland

Parkeringsanlegget på Haukeland er delt inn i ulike område på og i nærleiken av sjukehuset. Vi har dessverre ikkje nok plassar til alle som ønsker å parkere på sjukehuset.
​​​​​​​​Av omsyn til dei som må bruke bil, oppmoder vi derfor dei som kan, til å bruke offent​leg transport​. Det er også mogleg å parkere på Bystasjonen og ta buss/bane det siste stykket opp til Haukeland​. 

​For dei som av ulike årsakar må bruke bil, er det parkeringsplassar på ulike områder på og i nærleiken av sjukehuset.

 

Praktisk informasjon

Besøk på sjukehuset

Når du skal på besøk eller følgje ein pasient på sjukehuset, må du gjere deg kjent med gjeldande rutinar.

​Les meir om besøkstider og -reglar på sjukehuset​

Tolk

​Utgreiing og behandling vil vere avhengig av god kommunikasjon og kartlegging av grundig sjukdomshistorikk. Derfor ber vi deg gi beskjed om du har behov for tolk under pasientsamtalane og undersøkingane så tidleg som mogleg. Dette gjeld om du til dømes har hørsels- eller synshemming, eller om du har eit anna morsmål og snakkar lite norsk.

Les meir om tolketenester og dine rettar som pasient

Trådlaust internett

Alle pasientar og besøkande kan bruke gratis trådlaust internett på dei fleste områda på sjukehuset.

Gjest.ihelse.net er eit trådlaust nettverk for besøkande, pasientar og tilsette. Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).​
  3. Trykk "Godta" når du har lest og forstått vilkåra.
Innlogginga skjer automatisk på einingar etter første pålogging, så lenge kontoen er aktiv. Det skal bare være nødvendig å logge seg på éin gong per eining per 31 dagar. 

Trøbbel med å kople til trådlaust internett?
Sjukehuset har dessverre dårleg nettverk nokre stader. Du kan derfor ha problem med å få logga deg på nettverket. Vi beklagar dette, og jobbar med å utbetre dette.

Har du ein nyare mobiltelefon, og problem med å kople det til trådlaust gjestenett på sjukehuset? Det kan skuldast nettverksinnstillingane på telefonen din. Les meir om kva du kan gjere her

Fann du det du leita etter?