Vi tilrår at du alltid nyttar siste versjon av nettlesaren din.
logo Helse Bergen
En gruppe mennesker i et rom

Medisinsk undersøking - fordøyings­sjukdommar

Vi er spesialisert i utgreiing og behandling av pasientar med gastroenterologiske sjukdommar og plager.

Vårt fagområde er endoskopisk- og ultralydbasert utgreiing og behandling av gastroenterologiske sjukdommar og plager. Dagleg utfører vi opp mot 40-50 undersøkingar.

Vi tilbyr eit bredt spekter av tenester, inkludert gastroskopi, koloskopi, endoskopisk ultralyd, gallegangsundersøking samt avanserte endoskopiske behandlingsformer. I samarbeid med medisinske og kirurgiske legar, samt barnelegar og anestesipersonell sikrar vi heilheitleg omsorg til våre pasientar.

Utanfor ordinær opningstid har vi eit vaktteam for akutte tilstandar som blødningar i mage- og tarmkanalen, fjerning av fremmedlegeme og andre hastesaker.

Avdelinga vår har eit observasjonsrom og ni undersøkingsrom, der vi følgjer eit strukturert dagsprogram for både inneliggande og polikliniske pasientar.

Kontakt

Telefon

  • Måndag 07:30 - 15:00
  • Tysdag 07:30 - 15:00
  • Onsdag 07:30 - 15:00
  • Torsdag 07:30 - 15:00
  • Fredag 07:30 - 15:00
  • Laurdag STENGT
  • Søndag STENGT
Telefonen er stengd mellom kl. 11.30-12.30

Slik finn du fram

Oppmøtestad

1. etasje, nord i Sentralblokka.
Opningstider måndag-torsdag kl. 07.30-17.00, og fredag kl. 07.30 - 16.00

Logg inn for å endre time

Flyfoto av Sentralblokka

Sentralblokka

Haukelandsveien 22

5021 Bergen

Finn fram

Parkeringsanlegget på Haukeland er delt inn i ulike område på og i nærleiken av sjukehuset. Vi har dessverre ikkje nok plassar til alle som ønsker å parkere på sjukehuset.
​​​​​​​​Av omsyn til dei som må bruke bil, oppmoder vi derfor dei som kan, til å bruke offent​leg transport​. Det er også mogleg å parkere på Bystasjonen og ta buss/bane det siste stykket opp til Haukeland​. 

​For dei som av ulike årsakar må bruke bil, er det parkeringsplassar på ulike områder på og i nærleiken av sjukehuset.

 

Reiseutgifter
Som regel gjennomfører du reisa di på eiga hand og søker om å få dekt reiseutgiftene i etterkant.
Les meir om å få dekt ei pasientreise

Planlegging
I utgangspunktet vel du sjølv kva transportmiddel du reiser med til behandling.
Les meir om planlegging av pasientreisa di

Rettar/Rettane dine
Hovedregelen er at pasientreiser bli dekt med ein standardsats per kilometer. Ved behov kan også nødvendige tilleggsutgifter bli dekt.
Les meir om rettane dine ved pasientreiser

Tilrettelagt transport
Helseekspressen
Avdeling for pasientreiser i Helse Bergen ​

Praktisk informasjon

Fleire og fleire avdelingar på sjukehuset får nå ny digital løysing for korleis du som pasient registrerer deg og betalar. Denne avdelinga har nå tatt i bruk denne nye løysinga. 

Du registrerer at du er komen til sjukehuset enten via tekstmeldinga du får frå oss eller på ein sjølvbeteningsautomat. Om du skal ta blodprøve kan du også registrere dette sjølv i dei avdelingane kor det er utplassert automater. Du kan framleis få hjelp i resepsjonen om du ønskjer det.


Skal du betale etter timen vil du få ei tekstmelding med betalingsinformasjon. Du kan velje å betale med Vipps eller få tilsendt faktura, gebyrfritt/utan ekstra kostnader for deg. Du kan òg betale med kort på ein sjølvbeteningsautomat eller i resepsjonen.

Les meir om innsjekk og betaling​

​Utgreiing og behandling vil vere avhengig av god kommunikasjon og kartlegging av grundig sjukdomshistorikk. Derfor ber vi deg gi beskjed om du har behov for tolk under pasientsamtalane og undersøkingane så tidleg som mogleg. Dette gjeld om du til dømes har hørsels- eller synshemming, eller om du har eit anna morsmål og snakkar lite norsk.

Les meir om tolketenester og dine rettar som pasient

I foajeen i Sentralblokka på Haukeland finn du eit apotekutsal for publikum. Dei gjer klar resepten din medan du ventar der.

Apotekutsalet har eit variert varetilbod, og fører dei legemidla sjukehuset nyttar i behandlinga. Dei skaffar også legemiddel som ikkje er marknadsførte i Noreg eller som må produserast spesielt. I tillegg har dei hudpleie- og hygieneartiklar og ernæringsprodukt, samt andre apotekvarer og sjukepleieartiklar.

Dei ansatte ved apoteket gir deg informasjon, råd og rettleiing om legemiddel og legemiddelbruk og kan tilby samtale/rettleiing mellom personale og pasient på eit uforstyrra samtalerom. Dei tilbyr og opplæring i blodsukkermåling og bruk av inhalasjonspreparat.

Apoteket tar også i mot gamle legemiddel til destruksjon.​

Du kan betale med Vipps på apoteket. Du kan derfor mellom anna betale på førehand når du skal hente bestilte medisinar.

Opningstider
Måndag-fredag kl. 08.30-18.00, laurdag kl. 09.00-13.00

Telefon 55 97 53 44
Telefaks 55 29 07 40
bergen@apotekene-vest.no

For meir informasjon - sjå nettsida til Sjukehusapoteka Vest

Når du skal til undersøking hos Medisinsk undersøking, der vi krev tarmtømming i forkant, kan du få dette vederlagsfritt. Du må då kjøpe tømmingsmiddela på sjukehusapoteket ved Haukeland Universitetssjukehus i sentralblokka 0. etasje. Hugs å ta med innkallinga di til apoteket.

Ordninga gjeld kun hos dette apoteket. Benyttar du anna apotek, vil du måtte legge ut for tømmingsmiddela sjølv. Du kan då få igjen pengane i etterkant. Fyll ut vedlagt skjema, legg ved originalkvittering og ta det med til timen din. Du kan også sende inn ferdigutfylt skjema med kvittering til avdelinga.

Refusjonsskjema.pdf

Jobb hos oss

I 1. etasje heilt nord i sentralblokka finn du Medisinsk undersøking. Ei avdeling som i hovudsak driv med endoskopi. Vi undersøker og behandlar både medisinske og kirurgiske pasientar, som er både inneliggande og polikliniske.
Jobb hos oss
En lang gang med glassvegger