​​​​​​​​Serum/plasma skal som hovudregel separerast frå blodcellene innan to timar etter prøvetakinga. Følg laboratorierettleiinga Analyseoversiken.no​ for korrekt behandling av enkeltanalysar.

Sentrifugering og framstilling av serum/plasma

• Etter koagulering skal prøvetakingsrøyra sentrifugerast i ti minutt ved 2200g. Sjå informasjon om sentrifugefart.
• Unngå å resentrifugere gelrøyr.
• Gelrøyr: Hugs å kontrollere at silikongelen legg seg som ein barriere mellom blodlekamane og serum. Heile prøvetakingsrøyret skal sendast til laboratoriet.
• Røyr utan gel: Serum skal overførast til eit transportrøyr innan to timar. Pass på at blodlekamane ikkje blir overførte til det nye røyret.
• Prøvetakingsrøyr med heparin, EDTA, citrat: Røyret kan sentrifugerast like etter prøvetakinga. Pipetter plasma over i transportrøyr og merk røyret med rett type plasma.

Haldbarheit
Alt prøvemateriale har avgrensa haldbarheit. Sjå Analyseoversiken.no​ / rekvisisjonen.

Vanlegvis er det betre å oppbevare serum i kjøleskap til måndag morgon enn å sende dei i posten fredag ettermiddag. Ver merksam på haldbarheita ved sending over helga.

Merking og sending av prøvar

• Prøvematerialet skal merkjast, emballerast og transporterast forsvarleg​ etter gjeldande retningslinjer.
• Prøvar som ikkje tilfredsstiller krava til pasientidentifikasjon og merking, oppbevaring eller haldbarheit, blir avviste av laboratoriet.

Handbok prøvetaking