Pasientidentifikasjon og merking av prøvar
Ta prøve av rett pasient og merk prøven korrekt.
Korrekt identifisering av pasient
Feilidentifikasjon av pasientar og feilmerking av prøvetakingsrøyr kan få alvorlege konsekvensar for dei involverte pasientane.
Pasienten skal sjølv seie det fulle namnet sitt og fødselsnummeret (fødselsdato og personnummer).
Dersom pasienten ikkje kan gjere greie for seg, må ansvarleg personale eller pårørande stadfeste identiteten til pasienten.
Identifikasjonen må samsvare med opplysningane på rekvisisjonsskjemaet eller prøvetakingsetikettar ved elektronisk rekvirering.
Merkinga av prøverøyr
Prøvetakingsrøyra skal vere merkte med namn, fødselsnummer, prøvetakingstidspunkt.
Opplysningane på prøvetakingsrøyret må stemme med rekvisisjonsskjemaet. Sjå Krav til utfylling av rekvisisjon.
Røyra skal merkjast i forkant av eller like etter prøvetakinga.
Dersom pasienten har kjend eller mistenkt blodsmitte, skal prøvetakingsrøyra merkjast med gult.
Prøvetakaren må forvisse seg om at prøven blir teken av rett pasient, og at prøvane er korrekt merkte. Prøvemateriale der prøverøyret ikkje er godt nok merkt, kan av tryggleiksgrunnar ikkje analyserast. Sjå Prøvar som blir avviste.
Handbok prøvetaking