Anestesimiljøet i Noreg, med anestesilege og professor Anne Berit Guttormsen i spissen, har i ein årrekke systematisk forska på og arbeidd med anafylaksi under anestesi. Nettverk for alvorlige allergiske reaksjonar under anestesi (NARA) har heva merksemda rundt anafylaktiske reaksjonar på operasjonsstover omkring i landet. Etter anbefaling frå NARA har mange anestesiavdelingar ein «anafylaksipakke» liggjande klar på operasjonsstova, som gjer det enklare å sikre laboratorieutgreiing og dermed korrekt oppfylging vidare.

Ved mistanke om anafylaktisk reaksjon under anestesi kan blodprøvar sendast for laboratorieutgreiing til Anafylaksiregisteret ved Haukeland universitetssjukehus. Det skal takast ein akuttprøve 1-4 timar etter symptomdebut, og vidare ein basalprøve ≥12 timar etter symptoma inntrefte (eventuelt kan man bruke en prøve tatt før reaksjonen). Reaksjonen blir då registrert i Anafylaksiregisteret.

Eksterne rekvirentar fyller ut rekvisisjonsskjema, inkludert kliniske opplysingar. Rekvirentar internt på Haukeland universitetssjukehus nyttar sjukehusets elektroniske journalsystem. Vi ynskjer at kopi av anestesijournal blir sendt inn i begge tilhøve.

I analysepakken inngår s-tryptase, s-total IgE og s-IgE mot Suxamethonium, Folkodin, Klorhexidin, lateks og alfa-gal​ (galactose-alpha-1,3-galactose). Laboratoriet kan i tillegg analysere antistoff mot andre mistenkte medikament eller gjere manuelle allergianalysar på førespurnad. Kontakt oss i så fall på tlf 55970857 eller 55973140. Svar på laboratorieutgreiing kjem i form av skriftleg kommentar til rekvirenten.

Rekvisisjonsskjema for anafylaktisk reaksjon under anestesi

For meir informasjon om perioperativ anafylaksi, sjå professor Anne Berit Guttormsens artikkel fra Allergi i Praksis