Vi tilrår at du alltid nyttar siste versjon av nettlesaren din.

Seksuelt overførte infeksjonar (SOI) poliklinikk

Poliklinikken for Seksuelt overførte infeksjonar (SOI) er eit lavterskeltilbod i spesialisthelsetenesten, og har drop-in tilbod. Vi tar også imot tilvising frå fastlege. Her diagnostiserar, behandlar og informerer vi om seksuelt overførte infeksjonar. Vi har både lege og sjukepleiar som tar konsultasjonar, og vi vurderer kven du har behov for å kome til.

Du kan møte på poliklinikk for SOI for å bli testa. Vi har kølappsystem og ingen timebestilling. Vi rår deg til å komme tidleg. Ver merksam på at inntak av pasientar kan bli stoppa tidlegare ved stor pågang. Du kan trekke kølapp frå kl. 08.00. 

Prøvesvar

Alle som har vore på poliklinikken og testa seg vil bli kontakta per telefon dersom sjukdom blir påvist. 

Smittesporing

Dersom klamydia eller gonoré blir påvist, er det lovpålagd med smittesporing (Smittevernloven). For klamydia kan vi ordne både smittesporing og behandling via telefonkonsultasjon. Dersom gonoré blir påvist, må du møte til utvida undersøking og behandling på SOI-poliklinikken.

Kontakt

Telefon

Telefon - generelle spørsmål

55 97 39 62
  • Måndag - Torsdag 08:00 - 14:30
  • Fredag 09:00 - 14:30
  • Laurdag - Søndag STENGT

Telefon - medisinske spørsmål og prøvesvar

55 97 39 60
  • Måndag STENGT
  • Tysdag 09:30 - 11:30
  • Onsdag STENGT
  • Torsdag 09:30 - 11:30
  • Fredag - Søndag STENGT

Besøkstider SOI poliklinikk

55 97 39 62
  • Måndag - Torsdag 08:30 - 14:00
  • Fredag 09:15 - 14:00
  • Laurdag - Søndag STENGT

Endre eller avbestille time

Endre eller avbestille time
Dersom du ikkje kan nytte timen du har blitt tildelt må du gi beskjed om dette snarleg slik at vi unngår unødig ventetid for andre pasientar.

Slik finn du fram

Oppmøtestad

Gå inn hovudinngang i Hudbygget. Ved ekspedisjonen tar du til høgre og du finn SOI-poliklinikken lengst ned i gangen. 

Vi har kølappsystem og ingen timebestilling. Vi råder deg til å komme tidleg, og du kan trekkje kølapp frå kl. 08.00.

En stor murbygning

Hudbygget

Jonas Lies vei 75

Finn fram

​Fleire rutebussar går forbi Haukeland. I tillegg finst direkte arbeidsruter mellom bydelane og sjukehuset.
 
​​​​​​På nettsidene til Skyss.no finn du bussruter med oversikt over stoppestader og tider
 
  • Line 5 og 6 har avgang frå Festplassen
  • Line 12 har avgang frå Bystasjonen
  • Line 16E har avgang frå Xhibition i Småstrandgaten
​Busstoppa rundt Haukeland:

  • Ulriksdal for besøkande til Ulriksdal helsepark og Glasblokkene (line 5, 6, 16E)
  • Haukeland sjukehus Nord for besøkande til Glasblokkene, Kvinneklinikken, Augebygget og Haukeland hotell (line 5, 6, 12 og 16E)
  • Haukeland sjukehus Sør for besøkande til Sentralblokka og andre bygg på Haukelandsområdet (line 5, 6, 12 og 16E)
  • Ibsensgate - arbeidsruter

​Nærmaste stoppestad til Haukeland er bybanestoppet Haukeland sjukehus. Banen stoppar nord for Sentralblokka, like ved Glasblokkene, på Haukelandsområdet. Det tar om lag 5 minutt å gå frå stoppet til sjukehuset. 

Sjå rutetabellar og oversikt over stoppestader på Skyss.no

Sjekk nettsida til Flybussen for meir informasjon om ruter og prisar

 

Parkeringsanlegget på Haukeland er delt inn i ulike område på og i nærleiken av sjukehuset. Vi har dessverre ikkje nok plassar til alle som ønsker å parkere på sjukehuset.

​​​​​​​​Av omsyn til dei som må bruke bil, oppmoder vi derfor dei som kan, til å bruke offent​leg transport​. Det er også mogleg å parkere på Bystasjonen og ta buss/bane det siste stykket opp til Haukeland​. 

​For dei som av ulike årsakar må bruke bil, er det parkeringsplassar på ulike områder på og i nærleiken av sjukehuset.
 

​Det er parkering utanfor Hudbygget på sjukehusområdet, innkøyring ved Haukeland hotell. Det er begrensa parkeringsplassar, og vi tilrår at du brukar offentleg transport til og frå undersøkinga/behandlinga om mogleg. Dersom du av helsemessige årsaker ikkje kan bruke offentleg transportmidlar, må du få godkjenning av behandlar på at du skal få drosje (samkøyring). Sjå nettsida Forside - Pasientreiser HF  for meir informasjon eller ring 05515.

Om du ønskar å kjøyre sjølv og vil parkere på sjukehusområdet, gjer vi merksam på at det er nokre få parkeringsplassar mot parkeringsavgift utanfor Hudavdelinga. Pasientar som er innlagt i minimum 7 dagar kan få tilbod om å kjøpe parkeringskort for kr 350,- pr veke. Snakk med postsekretær i sengeposten om dette.

Praktisk informasjon

I foajeen i Sentralblokka på Haukeland finn du eit apotekutsal for publikum. Dei gjer klar resepten din medan du ventar der.

Meir informasjon om sjukehusapoteket i Sentralblokka

Opningstider
Måndag-fredag kl. 08.30-17.00

Telefon 55 97 53 44
Telefaks 55 29 07 40
bergen@apotekene-vest.no

Apotekutsalet har eit variert varetilbod, og fører dei legemidla sjukehuset nyttar i behandlinga. Dei skaffar også legemiddel som ikkje er marknadsførte i Noreg eller som må produserast spesielt. I tillegg har dei hudpleie- og hygieneartiklar og ernæringsprodukt, samt andre apotekvarer og sjukepleieartiklar.

Dei ansatte ved apoteket gir deg informasjon, råd og rettleiing om legemiddel og legemiddelbruk og kan tilby samtale/rettleiing mellom personale og pasient på eit uforstyrra samtalerom. Dei tilbyr og opplæring i blodsukkermåling og bruk av inhalasjonspreparat.

Apoteket tar også i mot gamle legemiddel til destruksjon.​

Du kan betale med Vipps på apoteket. Du kan derfor mellom anna betale på førehand når du skal hente bestilte medisinar.

 

Når du skal på besøk eller følgje ein pasient på sjukehuset, må du gjere deg kjent med gjeldande rutinar.

​Les meir om besøkstider og -reglar på sjukehuset

​Konsultasjon ved SOI-poliklinikk er vanlegvis gratis, men det er visse unntak.

Konsultasjonen er gratis dersom:
Du mistenkjer at du har ein seksuelt overførbar sjukdom. I praksis gjeld dette alle som kjem hit første gang.
Du har fått påvist det som blir definert som allmennfarleg smittsom sjukdom. Dette er: Klamydia, Gonoré, HIV, Hepatitt B og Syfilis.

Betaling ved kontroll

Dersom du kjem til kontroll ved SOI-poliklinikk av annan årsak, må du betale. Dette gjeld ved:

  • Kondylom
  • Herpes
  • Sopp
  • Bakteriell vaginose
  • Hudsjukdommar
  • Mykoplasma

Dersom det gjeld prøvar i samband med visumsøknad, må du ta kontakt med fastlegen din.

Som inneliggande pasient vil du få matservering på avdelinga du ligg på. I tillegg kan du og besøkande kjøpe alt frå dagens middag til smårettar, bakevarer og kioskvarer på sjukehuset. I nærmiljøet finst også fleire daglegvarebutikkar.

Les meir om mattilbodet ved sjukehuset

Vi har kølappsystem og ingen timebestilling. Vi råder deg til å komme tidleg, og du kan trekkje kølapp frå kl. 08.00. 

Opningstider

Måndag-torsdag kl. 08.30-14.00
Fredag kl. 09.15-14.00

OBS! Inntak av pasientar blir stoppa tidlegare ved stor pågang. 

  • Du kan trekke kølapp frå kl. 8.00 
  • Vi kan kontaktas på telefon 55 97 39 62 mellom kl. 08.00 og 14.00.  
  • Det er lurt å kome før kl. 11, sidan vi ofte har stor pågang 
  • For generell informasjon om opningstider og ventetid kan du ringe oss.

Prøvesvar får du på telefon 55 97 39 60 mandag, tirsdag og torsdag mellom kl 09.00 og 14.30.

​​​Du kan komme direkte til oss utan tilvisning frå annan lege dersom du:​

  • har mistanke om at du kan vere smitta med seksuelt overførbar sjukdom
  • ønskjer å bli undersøkt for seksuelt overførbar sjukdom
  • ønskjer informasjon om seksuelt overførbar sjukdom

A​lle pasientar må vise gyldig ID før dei får kome til hos oss.

​Du skal kontakte din eigen fastlege ved:

  • ​​Ønskje om prevensjonsrettleiing
  • Spørsmål om graviditet/abort
  • Rutinemessig celleprøve
  • Hudproblem som ikkje er betinga i seksuelt overførbar sjukdom
  • HIV-test eller liknande til visumsøknad

​Utgreiing og behandling vil vere avhengig av god kommunikasjon og kartlegging av grundig sjukdomshistorikk. Derfor ber vi deg gi beskjed om du har behov for tolk under pasientsamtalane og undersøkingane så tidleg som mogleg. Dette gjeld om du til dømes har hørsels- eller synshemming, eller om du har eit anna morsmål og snakkar lite norsk.

Les meir om tolketenester og dine rettar som pasient

Alle pasientar og besøkande kan bruke gratis trådlaust internett på dei fleste områda på sjukehuset.

Gjest.ihelse.net er eit trådlaust nettverk for besøkande, pasientar og tilsette. Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).​
  3. Trykk "Godta" når du har lest og forstått vilkåra.

Innlogginga skjer automatisk på einingar etter første pålogging, så lenge kontoen er aktiv. Det skal bare være nødvendig å logge seg på éin gong per eining per 31 dagar. 

 
Trøbbel med å kople til trådlaust internett?
Sjukehuset har dessverre dårleg nettverk nokre stader. Du kan derfor ha problem med å få logga deg på nettverket. Vi beklagar dette, og jobbar med å utbetre dette.
 
Har du ein nyare mobiltelefon, og problem med å kople det til trådlaust gjestenett på sjukehuset? Det kan skuldast nettverksinnstillingane på telefonen din. 

​Ventetid
Hos oss må du regne med å vente alt frå 15 minutt til 4 timar.

Kor tid og korleis får du svar på prøven?
Alle som har vore på poliklinikken og testa seg vil bli kontakta per telefon dersom sjukdom blir påvist.