Ungdomsrommet i Glasblokkene

Ungdomsrommet i Glasblokkene er for deg som er ung og på sjukehus. Rommet er meint som ein stad der du kan kople av frå behandling og det er fritt for helsepersonell. Hit kan du ta med deg venner, eller gå åleine. Det er opp til deg.
To jenter i sofa. Foto
På tide å chille?

Ungdomsrommet er laga for at unge skal ha ein eigen plass å slappe av, sjå på TV, spele playstation eller spel på pc. På ungdomsrommet er det ein romsleg sofa med masse puter, arbeidsbord med stolar, og fleire sittekrokar. I vindaugskarmane er det sittebenkar og ei fantastisk utsikt over Bergen.

Stad

Ungdomsrommet i Glasblokkene er i blokk 4, etasje 3, i same korridor som sjukehusskolen, og har romnummer 3434.  

Du treng nøkkelkort 

Alle ungdommar ved Haukeland universitetssjukehus kan bruke Ungdomsrommet i Glasblokkene. Rommet er låst med kortlesar. Spør personalet på avdelinga der du er om nøkkelkort. På nøkkelkortet er ei lita forklaring på korleis du finn fram. Det er også mogleg å be personalet på avdelinga om å kontakte Haukeland sine frivillige, som kan følge deg til Ungdomsrommet i Glasblokkene.

To av medlemmene i Ungdomsrådet har vore med og innreia Ungdomsrommet i Glasblokkene og bidratt til at det har blitt ein triveleg plass å vere. Personalet ved Barne- og ungdomsklinikken har tilsyn med rommet. Ungdommane som bruker rommet har sjølve ansvar for å rydde etter seg.

Vi håper du vil trivast på Ungdomsrommet i Glasblokkene.

Fann du det du leita etter?
Tilbakemeldinga vil ikkje bli svart på. Ikkje send personleg informasjon, for eksempel epost, telefonnummer eller personnummer.