Ungdomsrommet i Glasblokkene

Ungdomsrommet i Glasblokkene er for deg som er ung og på sjukehus. Rommet er meint som ein stad der du kan kople av frå behandling og det er fritt for helsepersonell. Hit kan du ta med deg venner, eller gå åleine. Det er opp til deg.
To jenter i sofa. Foto
På tide å chille?

Ungdomsrommet er laga for at unge skal ha ein eigen plass å slappe av, sjå på TV, spele playstation eller spel på pc. På ungdomsrommet er det ein romsleg sofa med masse puter, arbeidsbord med stolar, og fleire sittekrokar. I vindaugskarmane er det sittebenkar og ei fantastisk utsikt over Bergen.

Kvar og når?

Grunna ombygging er Ungdomsrommet midlertidig flytta til Allrommet på sjukehusskulen. Allrommet finn du i  Glasblokkene er i blokk 4, etasje 3, i same korridor som sjukehusskolen, og har romnummer 3407.  

Rommet er sett av til deg som er ungdom på sjukehus i tidsrommet 16.30-21.30 måndag til fredag, og 08.00 til 21.30 laurdag og søndag.

Du treng nøkkelkort 

Alle ungdommar ved Haukeland universitetssjukehus kan bruke Ungdomsrommet i Glasblokkene. Rommet er låst med kortlesar. Du kan låne nøkkelkort i hovudresepsjonen i Sentralblokka eller i resepsjonen i 1.etg i Marie Joys Hus. Det er også mogleg å be personalet på avdelinga om å kontakte Haukeland sine frivillige, som kan følge deg til Ungdomsrommet i Glasblokkene.

Personalet ved Barne- og ungdomsklinikken har tilsyn med rommet. Ungdommane som bruker rommet har sjølve ansvar for å rydde etter seg.

Hugs god handhygiene og desinfeksjon av utstyr etter bruk!

Vi håper du vil trivast på Ungdomsrommet i Glasblokkene.

Fann du det du leita etter?