Smittevernkompetanse og forsking
Det skal være tilstrekkeleg smittevernpersonell med kompetanse til å gjennomføre forsvarleg smittevern og ivareta lovpålagte oppgåver. Smittevernpersonell skal vere fagleg oppdatert. Alt personell i helseføretaka skal ha nødvendig kompetanse i smittevern. Kunnskapsgrunnlaget for smittevernarbeidet skal aukast gjennom å styrke forskinga innan smittevern i regionen.
Det er dokumentert at eit effektivt infeksjonsførebyggande arbeid er avhengig av tilstrekkeleg bemanning med personell som har kompetanse og ferdigheter i overvaking, førebygging og kontroll av helsetenesteassosierte infeksjonar.
I smittevernforskrifta § 2-3 er det slått fast at leiinga ved helseinstitusjonane «skal sørge for at det er tilsett tilstrekkelig smittevernpersonell, herunder hygienesykepleiere og leger, og sørge for at disse får tilstrekkelig tid til å utføre sine oppgaver». Det tek lang tid å tileigne seg spesialkompetanse, derfor er langsiktig planlegging nødvendig for å rekruttere, utvikle og behalde smittevernpersonell.
Det er behov for forsking innan smittevernområdet, spesielt når det gjeld å måle effekt og kostnadseffektivitet av ulike smitteverntiltak, inkludert vaksinasjon. Det manglar intervensjonsstudiar i smittevern og kliniske studiar med integrert mikrobiologisk informasjon og implementeringsforsking.