Infeksjonsovervaking
Infeksjonsovervakinga skal styrkast og standardiserast gjennom innsamling og kvalitetssikring av relevante data, epidemiologiske analyser og rapportering av resultat. Helse Vest RHF skal bidra i regional og nasjonal overvaking av helsetenesteassosierte infeksjonar.
Registrering av helsetenesteassosierte infeksjonar og antibiotikabruk er obligatorisk for alle sjukehusa i Norge og er regulert i eiga forskrift (Norsk overvåkingssystem for antibiotikabruk og helsetjenesteassosierte infeksjoner, NOIS).
Helseføretak og sjukehus i Helse Vest overvakar infeksjonsførekomst gjennom prevalensregistrering av HAI og antibiotikabruk samt kontinuerleg registrering av postoperative sårinfeksjonar av eit utval kirurgiske inngrep gjennom Norsk overvakingssystem for antibiotikabruk og helseteneste-assosierte infeksjonar (NOIS). Ei kontinuerleg og kvalitetssikra infeksjonsovervaking skal sikre at HAI vert oppdaga tidleg slik at tiltak kan setjast inn for å avgrense omfang, og at leiinga får nødvendig oversikt.