Innovasjon ved Haukeland universitetssjukehus

Sjukehuset treng innovasjon for å møte utfordringane i samfunnet. Endringar i sjukdomsbilde og demografi, utviklinga av nye behandlingsmetodar og medisinsk teknologi, aukande kostnadar, samt fokus på pasientsikkerheit og kvalitet, gjer at helse- og omsorgstenesta må utviklast og forbetrast kontinuerleg. Utviklinga av kunnskap og teknologi gjer det mogeleg å at helsetenestene vert berekraftige og kan dekke pasientane sine behov.

Forsking og innovasjon er viktig for alle kliniske fagområde ved sjukehuset. Vår forsking og innovasjon skal vere klinisk retta og vere med på å gje pasientane ei trygg og framifrå helseteneste. Helse Bergen arbeider systematisk med innovasjon i verksemda. For å komme forventningar og utfordringar i møte må Haukeland Universitetssjukehus finne fram til nye, verksame arbeidsmetodar og bruke kompetansen rett. 

Sjukehuset vil særleg satse på tenesteinnovasjon, som skal gje nye og forbetra tenester gjennom ny metodikk, prosess og arbeidsform. Dette kan vere innovasjonar som bidreg til å byggje opp helsetenestene for framtida. Haukeland universitetssjukehus er ein viktig forskings- og utviklingsaktør, og samarbeidet med andre helseføretak, med universitets- og høgskulesektoren og med næringslivet er viktig for at ny kunnskap skal kome til nytte i helsetenesta.

Haukeland universitetssjukehus har laga ein delplan med tiltak for arbeidet med forsking og innovasjon i perioden 2023-2026. Delplanen byggjer på sjukehuset sin Utviklingsplan mot 2035. Sjukehuset skal være leiande i pasientbehandling, medisinsk utvikling, forsking og utdanning. Delplanen vart vedteke i 2023 og gjeld ut 2026.

Du kan lese delplanen her: Delplan for forsking og innovasjon 2023-2026 - Helse Bergen HF (helse-bergen.no) ​​

Sjukehuset arbeider med å etablere ein god kultur for innovasjon, for at innovasjon skal vere ein naturleg del av arbeidet vårt. Som del i denne kulturbygginga, har sjukehuset etablert Eitri – ein medisinsk inkubator, der forskarar og oppstartsselskap saman kan jobbe for å utvikle nyvinningar innan helse.  

Les meir her: https://www.eitrilab.no/

I arbeidet vårt med innovasjon på sjukehuset utviklar vi infrastruktur og ulike metodar for gjennomføring av innovasjonsprosjekt og -idear, og har mellom anna driftsansvaret for idemottaket.no. Me er ein del av føretaket sin stabsfunksjon og har både ei strategisk og operativ rolle. 

Støtte til videreutvikling og kommersialisering av ideer frå forskingsaktivteten ved sjukehuset: VIS kan bistå med veiledning, søknadsstøtte, nettverksbygging og andre ressurser for å videreutvikle ideer frå sjukehuset. 

Tilgang til ekspertise: VIS har et bredt nettverk av eksperter innen ulike fagområder som kan gi råd og støtte 

Muligheter for samarbeid: VIS kan koble forskararar  med potensielle partnere fra næringsliv, akademia og det offentlige for å skape nye muligheter for samarbeid og innovasjon.

Ta gjerne kontakt med Forsking og innovasjon ved Haukeland universitetssjukehus meir informasjon: innovasjon@helse-bergen.no» 

​Har du ein idé?

Kontakt Idémottaket