Rusmedisin Poliklinikk Engenhuset

Poliklinikken som tidlegare lå i Kanalvegen 5 er no flytta til Håkonsgaten 1. Poliklinikk Engenhuset tilbyr utredning og behandling til menneske med rus- og avhengigheitsproblem, og til deira pårørande. Vi er til saman 40 tilsette med ulik fagbakgrunn, deriblant psykologar, legar, sjukepleiarar, vernepleiarar, sosionomar, musikkterapeut og merkantile. Alle behandlarar hos oss jobbar tverrfagleg for å gi best mogleg hjelp til våre pasientar. For dei fleiste pasientar og pårørande vil behandlinga finne stad i poliklinikken.

 

 Behandling kan til dømes bestå av samtaleterapi, gruppebehandling, sosialfagleg oppfølging (til dømes samarbeid med NAV eller andre tenester) eller musikkterapi, for å nemne noko.

Vi har også jobbspesialistar som kan hjelpe den som ønskjer å kome seg ut i arbeidslivet. Enkelte av våre pasientar har i perioder behov for andre typer hjelp enn det poliklinikken kan tilby, til dømes innlegging i døgneining eller ambulant oppfølging. Ansvarleg behandlar på poliklinikken vil då hjelpe med å vurdere slike behov og eventuelt ordne slike tenester for den som treng det. 

 

Vi jobbar ut ifrå ulike terapiretningar avhengig av tilstand og behov, der kognitiv atferdsterapi, mentaliseringsbasert terapi, motiverande intervju, spillavhengigheit, musikkterapi og «Jobb Først» er sentrale metoder for behandling og oppfølging hos oss.