Terapibassenget
Terapibassenget held til i underetasjen på Gamle Hovudbygg. Bassenget har tilbod til inneliggande og polikliniske pasientar i form av trening individuelt og i grupper, som ledd i spesialisert behandling. Tilbod om basseng som behandlingstiltak skjer i regi av Fysioterapiavdelinga og i samarbeid med aktuelle kliniske avdelingar.
Telefon til Terapibassenget: 55 97 50 28
Terapibassenget (7,0 x 12,5 meter) og boblebad held ein temperatur på minimum 34 grader.
Terapibassenget gjev eit tilbod til inneliggande og polikliniske pasientar der bassengtrening er ein del av spesialisert behandling og oppfølging. Bergen kommune disponerer tida mellom 09:30 og 13:30 mandag til fredag, til pasientgrupper kommunen sjølv har prioritert.
Pasientar kan delta i gruppetrening med fysioterapeut som instruktør, eller i meir individuelt tilpassa behandling i basseng/ eigentrening. Poliklinisk drift er nært knytta til kliniske avdelingar på sjukehuset, og er ikkje eit ope tilbod. Tilvising frå lege er naudsynt. Denne vert vurdert opp mot gjeldande kriterier for spesialisert helsehjelp.
Samarbeid
Tilsette i Terapibassenget samarbeider med fysioterapeutar, legar og pleiepersonell knytta til dei avdelingane som nyttar seg av bassenget.
Det er også eit tett samarbeid med Bergen kommune, særleg via aktivitetskoordinatorane som koordinerer bruk av bassenget på kommunen sine vegne. I tillegg har Terapibassenget eit tett samarbeid med Teknisk avdeling, med ekstern ekspertise på bassengdrift ved Aico AS.
Leigetakarar på ettermiddags- og kveldstid
Terapibassenget vert leigd ut til ulike pasientforeningar og organisasjonar. Dei må sjølve sørge for instruktør og badevakt.
For meir informasjon om leige av Terapibassenget og tilgjengelege tider for dette, kontakt seksjonsleiar Liv Marit Mørkve Holst, E-post: liv.marit.moerkve.holst@helse-bergen.no
Per i dag er desse leigetakarar:
- Bekhterevforeningen Bergen og omegn
- Bergen Revmatikerforening
- Fibromylagi forbundet
- FKS- Foreningen for kroniske smertepasientar avd. Bergen og omegn
- LKB Hordaland- Landsforeningen for kvinner med bekkenløsning
Andre basseng i Bergen og omegn
For informasjon om svømmehallar og opningstider i Bergen kommune, sjå gjerne denne lenka: Bergen kommune - Åpningstider svømmehaller
Her er også ei oversikt over andre basseng i Bergensområdet:
- ADO arena: www.adoarena.no
- Askøy terapibad: Telefon 56 15 27 10, Askøy terapibad | Askøyhallene KF (askoy.kommune.no)
- Osbadet: Telefon 56 57 61 20 , www.osbadet.no
- Straume terapibasseng: https://www.oygarden.kommune.no/tjenester/helse-omsorg-og-velferd/fysio-og-ergoterapi/terapibasseng/
- Vannkanten: Telefon 55 50 77 99 , www.vannkanten.no
For meir utfyllande informasjon om fasilitetar og prisar, kontakt bassenga direkte.
Maŋemus ođastuvvon 2024-09-19