Vi tilrår at du alltid nyttar siste versjon av nettlesaren din.
Kontrollkommisjonane i Helse Bergen sitt opptaksområde
Kontrollkommisjonane er uavhengige organ som har som oppgåve å ta vare på rettstryggleiken til pasientane.
Kontrollkommisjonen behandlar klager på vedtak etter psykisk helsevernlova. Dei skal også føre nødvendig kontroll med pasientane si velferd. Kontrollkommisjonen har faste besøk / møte på dei psykiatriske institusjonane.
Alle institusjonar, distriktspsykiatriske senter og poliklinikkar i det psykiske helsevernet er tilknytt ein kontrollkommisjon.
Kva kan du klage på?
Som pasient eller nærmaste pårørande kan du klage på vedtak om:
Tvungen observasjon eller tvunge psykisk helsevern (tvangsinnlegging)
Vidareføring eller opphøyr av tvunge psykisk helsevern
Tvangsvedtak under gjennomføring av psykisk helsevern
Unntak: Klage på tvangsbehandling blir behandla av Helseavdelinga hos Fylkesmannen.
Dine rettar
Ingen kan haldast under tvunge psykisk helsevern dersom vilkåra for dette i lova om psykisk helsevern ikkje er til stades.
Den som har fatta vedtaket, skal fortløpande vurdere om vilkåra er oppfylte, og i motsett fall treffe vedtak om opphøyr (utskriving). Du eller dine nærmaste kan når som helst be om at tvunge psykisk helsevern stansar.
Du kan klage direkte per telefon, brev eller når kommisjonen er til stades ved institusjonen. Helsepersonell skal ved behov hjelpe til med å skrive ei klage og vidareformidle den.
