Transpersonars møte med helsevesenet
Regionalt senter for kjønnsinkongruens (RSKI Vest) ved Barne- og ungdomsklinikken ved Haukeland universitetssjukehus har no vore ope i snart eitt år og har allereie fått over 100 tilvisingar.
- Vi har dette året tatt imot mange pasientar opp til 18 år og vi har delt kunnskap både i Helse Vest og utanfor sjukehusa. Vi ønsker stadig å nå endå fleire, for å bidra til å gjere transpersonars møte med helsevesenet til eit godt møte, seier leiar Anne-Jorunn Langeland.
I løpet av eit knapt år har senteret allereie fått over 100 tilvisingar.
- Vi har også hatt gleda av å arrangere landets første lærings- og meistringskurs for ungdom med kjønnsinkongruens, i november 2024. Vi fekk veldig gode tilbakemeldingar på kurset og skal ha nytt kurs 6. og 7. mars, fortel Langeland.
Her kan du lese meir om kurset: Kjønnsinkongruens - Helse Bergen HF
Framover vil senteret ha eitt kurs i semesteret for ungdommar 14-17 år og deira føresette.
RSKI Vest har fem medarbeidarar: Anne-Jorunn Langeland, leiar, Mee Ra Lee, psykologspesialist i 50 % stilling, Erik Silgjerd, lege i 20 % stilling, Sofie Waage-Pettersen, merkantil i 10% stilling, Monica Blanco – koordinator og psykiatrisk sjukepleiar 100 % stilling (vikar for Runa Kongsvik som er i permisjon til medio desember).
Senteret ønsker å dele informasjon som er til nytte for alle og denne gongen har psykolog Mar Dokken skrive om transpersonars møte med helsevesenet og behovet for inkludering. Mar jobbar ved RSKI sør-aust. Tidlegare var hen med i det Regionale kompetansenettverket i Helse vest.
Transpersoner i møte med helsevesenet_faginnlegg.pdf
Har du spørsmål?
Kontakt rski-vest@helse-bergen.no