Kansellerte fly/flystreik er ikkje gyldig grunn til fråvær.
Leiarar oppmodast om å finne gode løysingar saman med tilsette som er ramma av kansellerte fly.
Praktiske løysingar:
- Ta i bruk feriedagar eller gi permisjon utan løn.
- Bytte vakt med kollegaer.
- Den tilsette og leiar kan avtale at tapt arbeidstid arbeidast inn igjen i etterkant.
Plikt til å varsle leiar om forseinkinga
Tilsette som ikkje kan møte på arbeid som avtalt, på grunn av stansen i flytrafikken, må snarast ta kontakt med si leiar og informere om forseinkinga.
Tilsette som er på tenestereise
Tilsette som på grunn av streiken ikkje kan møte på arbeid når dei er på tenestereise knytt til ordinært arbeid i Helse Bergen, vil få løn som normalt.
Dei vil ikkje måtte bruke av sine ferie- eller avspaseringsdagar. I den grad reiseforsikringa til den tilsette ikkje dekker utgifter til opphald og diett vil Helse Bergen også dekke dette innanfor dei ordinære satsane for opphald i statens reiseregulativ.
Situasjonen for flytrafikken gir ikkje grunnlag for å motsetje seg å avvikle ferie.