Etablering av eit nytt brukarpanel ved Voss sjukehus 

Om oss 

Voss sjukehus er eit lokalsjukehus for Voss, Vaksdal, Kvam, Ulvik og Eidfjord. Sjukehuset har akuttberedskap innan indremedisin, kirurgi, føde, gynekologi og ortopedi. Sjukehuset har medisinsk- og kirurgisk sengepost i tillegg til fødeavdeling og poliklinikkar innan medisin, kirurgi og gynekologi / føde. Sjukehuset har Operasjonsavdeling og gode støttetenester innan anestesi, intensiv og oppvakning, radiologi med CT- og MR, fysioterapiavdeling og laboratorium med blodbank.   

Voss sjukehus er ein del av Helse Bergen HF og har tett fagleg samarbeid med avdelingane ved Haukeland. 

Sjukehuset er i stadig utvikling og me ynskjer å etablera eit brukarpanel slik at me kan yte endå betre tenester til våre pasientar.  

Me ynskjer kontakt med deg som: 

• Har vore/ er pasient eller pårørande på Voss sjukehus 

• Har eit engasjement og ynskjer å vera med å vidareutvikla Voss sjukehus 

• Likar å tenke nytt og delta i diskusjonar 

Om brukarpanelet 

Brukarpanelet består av 6-8 personar som møtest 4-6 gonger i året. Panelet har også ein koordinator (tilsett ved sjukehuset) som bidreg med møteinnkalling og referatskriving. Medlemmene kan også få oppdrag utanom faste møtetidspunkt som til dømes å delta i prosjekt. Som medlem av brukarpanelet vil du ha ei viktig stemme i utforming av sjukehuset sine tenester og i forbetrings- og forskingsarbeid. Du vil få opplæring i brukarmedverknad og ta del i brukarnettverk i Helse Bergen. Deltaking i brukarpanelet blir honorert etter Helse Bergen sine gjeldande satsar og gjeld i utgangspunktet for 2 år om gongen, men kan utvidast til maks 6 år.  

Du kan lesa meir om brukarmedverknad i Helse Bergen her eller ved å gå inn på internettsida til Helse Bergen og søke brukarmedverknad. Du kan også ta kontakt med Jorun Sivertsen, kvalitetsrådgjevar på Voss sjukehus på tlf. 970 50 463 eller på e-post  
jorun.sivertsen@helse-bergen.no  

Om du synest at dette høyrest interessant ut vil me gjerne høyra frå deg. Send nokre ord om kven du er, kvifor du ynskjer å delta og kva du kan bidra med til jorun.sivertsen@helse-bergen.no. eller til Helse Bergen HF Haukeland Universitetssjukehus, Postboks 1400,  
5021 Bergen.