Nasjonal behandlingstjeneste for gammakniv

Nasjonal behandlingstjeneste for gammakniv er ein del av Nevrokirurgisk avdeling og har landsfunksjon for gammaknivsbehandling. Behandling med gammakniv gjer det mogleg å behandle pasientar med høgpresis gammastråling og kvart år behandlar vi meir enn 500 pasientar med svulstar og karmisdanningar i hjernen.

Gammaknivsbehandling er ein metode for behandling av ei rekke tilstandar i hjerna som til dømes metastaser, meningeom, karmisdannelse og vestibularisschwannom.

I stadenfor kirurgi brukar ein svært presise strålar mot behandlingsområdet. Ved hjelp av koordinatar blir strålane styrt med høg presisjon mot mål i hjerna. Strålingskjelda som er radioaktivt kobolt kan formast slik at den er nøyaktig tilpassa formen på målet utan å skade omkringliggande friskt hjernevev. Metoden gjer det enklare å behandle små område som ligg djupt inne i hjerna.