Hei, du må oppdatere nettleseren din for å kunne besøke oss.
Fødetilbodet i Glasblokkene
Kvinneklinikken held no til i dei nye bygga Glasblokkene. Fødeavdelinga med alle seksjonar held til i Blokk 5, medan Gynekologisk avdeling held til i Blokk 6. Kvinneklinikken er no kome tett på Barne- og Ungdomsklinikken som og held til i Glasblokkene.
Foto: Beth Reistad
Glasblokkene 5-8 med inngangsparti
Organisering Fødeavdelinga held til i Blokk 5, blokka som ligg nærast Sentralblokka. Fødeavdelinga har tre seksjonar fordelt på fire etasjar. Føde A/B, Føde C og Føde D Storken er kombinerte einingar som både ivaretar fødslar og barseltida.
Fødeavdelinga er organisert rundt pasienten, med tilpassa og individuell omsorg basert på risikonivå, behov og eigne ønske for fødselen. Fleirlingfødslar og andre risikofødslar vil skje nær operasjonsområde og Nyføddavdelinga i U2, medan fødslane elles vil fordele seg på Føde C og Føde D Storken lokalisert i 3. og 4.etasje. Barseltida etter fødslane i U2 blir vanlegvis tilbragt på seksjonen sine barselrom i 2.etasje.
Heile Fødeavdelinga er innreia med tanke på å halde fødslar så naturleg som mogleg. Det er lagt til rette for ulike tilbod om smertelindring, mellom anna med badekar på dei fleste føderomma. Det er og tilbod om lystgass på romma til Føde A i U2.
Foto: Beth Reistad
Alle føderomma på Føde C og Føde D Storken har badekar for smertelindring og fødsel Barseltida Med plass til partnar/ledsager både på fødestovene og familieromma er det tilrettelagt for familiebasert omsorg på alle nivå både under fødsel og opphaldet på barsel. Liggetida etter fødsel er individuell og blir tilpassa behovet til barselkvinna og det nyfødde barnet. Liggetida kan forlengast grunna til dømes ammeproblem, gulsott eller komplikasjonar hos mor og er ikkje spesifikt knytt til om det er den fødande sitt første eller andre barn.
Fødeavdelinga sikrar at både mor og barn er klare til å skrivast ut før heimreise. Vi veit at barselkvinner ikkje nødvendigvis må liggje i ei sjukehusseng for å få god støtte eller trygg oppfølging etter fødselen. Mange av kvinnene kjenner seg friske og ønsker å reise heim. Andre barselkvinner treng eit lengre opphald på KK, og dette vert vurdert i kvart enkelt tilfelle. Det er seng til ledsager på alle romma
KK har eit omfattande og godt samarbeid med omkringliggande kommunar med system for barseloppfølging lokalt. Det gjer at ein del kvinner og nyfødde vil kunne reise heim tidlegare, om dei ønsker det, og få ammehjelp, vektkontroll og nyføddscreening utført på heimstaden sin.
Barselkvinner som treng spesialisthelsetenester også i tida etter at dei er utskrivne frå sjukehuset, får sjølvsagt tilbod om oppfølging hos oss. Vi har mellom anna tilbod til kvinner på riftpoliklinikken på KK. Enkelte nyfødde barn kan også få oppfølging heime gjennom Avansert heimesjukehus.
Barselomsorga skjer i samarbeid mellom sjukehus og kommunehelseteneste.
