Gruppa møtest 4 heile dagar der ein har ulike tema dei ulike gongene. Målsettinga er å gi foreldrestøtte i foreldrerolla, og på den måten førebygge at barna utviklar utfordrande åtferd.
Vi går igjennom ulike tema som alle er viktig for å førebygge utfordrande åtferd:
- Hjelpeapparatet, sikre at foreldre veit kva støtte som finst, unngå at foreldre slit seg ut.
- Strategiar for korleis foreldre kan ta vare på seg sjølv i ei krevjande omsorgsrolle.
- Overskot hos foreldre bidreg til at ein kan handtera utfordringar hos barna på ein betre måte.
- Søvn, støtte foreldre i korleis få til god søvn hos barnet.
- Kommunikasjon; støtte foreldre i korleis legge til rette for god kommunikasjon med barnet.
- Ferdigheiter; strategiar for korleis ein kan engasjera barna i leik, aktivitetar og kvardagslivsferdigheiter.
- Utfordrande åtferd; Korleis forstå, førebygge og handtere utfordrande åtferd hos barnet.
I tillegg til faglig informasjon så er det lagt vekt på at foreldre deler erfaringar og at ein saman kjem fram til gode løysingar som passar for den enkelte. Ein tenker at det er foreldre som er ekspert på sine barna, men at ein saman kan finne fram til reiskap som kan vere nyttige.