Organisasjon
Prosjekteigar og vertsinstitusjon for senteret er Haukeland Univsersitetssjukehus, men senterets arbeid – både økonomisk og forskingsmessig – er likt fordelt mellom Haukeland og Universitetet i Bergen (UiB). På sjukehuset er senteret knytta til Klinikk for nevrologi og nevrokirurgi, medan ved universitetet er det knytta til Klinisk institutt 1 ved Det medisinske fakultet. Ytterligare samarbeidspartnarar er Haraldsplass Diakonale Sjukehus i Bergen og Lawson Health Research Institute (Lawson) i Ontario, Canada.
Leiing
Senteret blir leia av professor Kjell-Morten Myhr (senterdirektør og ansvarleg for multippel sklerose) og professor Charalampos Tzoulis (visedirektør for senteret og ansvarleg for nevrodegenerative sjukdommar).
Styre
Senteret har et styre der alle partnarar er representerte.
- Per Bakke (styreleiar), dekan ved Det medisinske fakultet ved UiB
- Eivind Hansen, direktør for Haukeland Universitetssjukehus (HUS)
- Torhild Næss Vedeler, direktør for nevrologisk klinikk ved HUS
- Helge Ræder, visedekan for innovasjon på Det medisinske fakultet ved UiB
- Kjerstin Fyllingen, direktør for Haraldsplass Diakonale Sjukehus
- Linda Haugland, leiar av brukarrådet ved HUS
- Reidun Tjønn Rinde, medlem av brukarrådet ved HUS
- Lise Johnsen, MS-forbundet samt leiar av brukarrådet ved Neuro-SysMed
- Trine Lise Corneliussen, Parkinsons-forbundte samt medlem av brukarrådet ved Neuro-SysMed
Styret møtast annakvart år og skal tilretteleggje for samarbeid mellom mellom konsortia, gje råd om overordna strategiar og bistå senterleiinga med administrative utfordringar. Styret ser til at senteret følgjer det planlagte arbeidet som er spesifisert i avtalen med Norges forskningsråd og at dette skjer innanfor avtalt budsjett og tidsplan.
Andre råd
Senteret blir også støtta av et vitskapeleg råd, som gjev vitskapeleg rådgjeving og tilbakemeldingar, og eit brukarråd. Les meir om desse i eigne kapittel.
Samarbeid mellom nodane
Det meste av arbeidet er fysisk lokalisert ved Haukeland medisinske campus (HUS, UiB, Haraldsplass). Neuro-SysMed sine forskarar arbeider på tvers av avdelingar og institusjonar og kan bruke ressursane og fasilitetane både på sine eigne avdelingar og på Neuro-SysMed-laboratoriet. Neuro-SysMed-laboratoriet, administrasjonen, dei fleste kontora og det meste av det kliniske arbeidet er lokalisert ved nevrologisk klinikk, HUS. I tillegg er ressursar som bildediagnostikk, biobank, stamcellefasilitetar, kjernefasilitetar ved Det medisinske fakultet, inkludert dyrefasilitetar, og biostatistikarar, blant anna, tilgjengeleg for Neuro-SysMed ved alle dei tre institusjonane i Bergen. Denne tette samlokaliseringa er positiv for tett interaksjon mellom forskingsgruppene, for å jobbe mot felles prosjekt og mål. Kvar forskingsgruppe har vekentlege møter og inviterer ofte medlemer frå andre grupper til å delta i vitskapelege diskusjonar, ofte knyttet til dei ulike forskingsnodane.
Vi køyrer også vår månadlege seminarserie, og eit større symposium arrangert i september med alle Neuro-SysMed-medlemene og inviterte internasjonale foredragshaldarar. Desse aktivitetane er viktige møtepunkt for vitskapelege diskusjonar og samarbeid for alle sentermedlemer, studentar og interesserte samarbeidspartnarar.
Lawson Health Research Institute er involvert i forskinga knytta til Parkinsons sjukdom og samarbeider med dei andre partnarane på det feltet. Det er gjennomført jevnlege digitale møter med forskarane på Lawson.