Jobb Først er eit samarbeid mellom Avdeling for rusmedisin, NAV og Fretex. Jobbspesialistar er tilsett for å gi arbeidsretta oppfølging. Dei har hovudkontor i Avdeling for rusmedisin sine poliklinikker og er tilknytta dei ulike behandlingsteama.
Jobb først er eit tilbod til deg som ønskjer eit ordinært lønna arbeid og som er knytt til ein av seksjonane eller teama nemnt ovanfor.
Individuell jobbstøtte i Vestland (IPS) er ei kunnskapsbasert tilnærming som i hovudsak blir tilboden menneske med moderate til alvorslege psykiske lidingar og/eller rusproblem som ønskjer hjelp til å skaffa og behalde vanleg, lønt arbeid.
Individuell jobbstøtte er oversett frå Individual Placement and Support (IPS) og byggjer på ideen om at alle som vil jobbe, kan jobbe viss dei får tilpassa støtte, riktig type jobb og arbeidsmiljø.
NAPHA er eit nasjonalt kompetansesenter, som jobbar for å styrkja lokale psykisk helse- og rustenester for vaksne. Dei deler praksiserfaringar frå fagutøvarar, brukarar og pårørande samt forskingsbasert kunnskap. NAPHA bidreg også til å utvikla og implementera helsepolitiske satsingar, retningslinjer og rettleiarar.
