Innovasjon i helsetenesta handlar om å utvikle og forbetre tenester gjennom nye metodar, betre organisering og smartare pasientflyt. For å møte endringar i sjukdomsbilete, demografi og teknologi, satsar Haukeland universitetssjukehus på forsking og tenesteinnovasjon. Målet er tryggare, meir effektive og berekraftige helsetenester – med pasienten i sentrum.
Sjukehuset jobbar for å skape ein sterk innovasjonskultur, der nyskaping blir ein naturleg del av kvardagen. Ein viktig del av dette er å leggje til rette for innovasjon i praksis. Gjennom HUS idéutvikling får klinikarar og tilsette moglegheit til å teste og utvikle idear frå klinikken. Dette gjer at nye og betre behandlingsmetodar kan takast i bruk raskare.
Som del i kulturbygginga for innovasjon, har sjukehuset etablert Eitri, en medisinsk inkubator der forskarar og oppstartsselskap saman kan jobbe for å utvikle nyvinningar innan helse. Eitri er et samarbeid mellom Universitetet i Bergen, Haukeland universitetssykehus og VIS.
Vi arbeidar med ulike formar for innovasjonar som spring ut av forskingsaktiviteten ved sjukehuset. Det er et nært samarbeid med VIS for å vidareutvikle og kommersialisere resultat frå forsking og nyskapande verksemd som kan ha næringsmessig potensiale. VIS tilbyr rettleiing, søknadsstøtte, nettverksbygging og tilgang til ekspertar. Dei kan også kople forskarar med potensielle partnarar frå næringsliv, akademia og offentleg sektor.
