Vi tilrår at du alltid nyttar siste versjon av nettlesaren din.

Vridd testikkel – testistorsjon hos barn og unge

Testistorsjon er ei vriding (torkvert) av sædleiaren og karstrukturane til testikkelen. Førekjem hyppigast hos gutar i alderen 10–25 år, men kan førekomme hos gutar i alle aldrar. Tilstanden kan komme etter leik eller sportsleg aktivitet. Ta omgåande kontakt med lege eller legevakt ved symptom på vridd testikkel. Ein akutt operasjon kan vere nødvendig for å bevare testikkelen.

Symptom

Vridinga gir akutt og sterke smerter i pungen på den aktuelle sida, eventuelt med utstråling av smerter oppover lysken og nedre del av magen. Smertene er konstante og som regel følgde av kvalme, brekkingar og etter kvart hevelse i pungen. Årsaka til smertene er avklemming av blodtilførselen til testikkelen.

Tilvising og vurdering

Du blir tilvist for innlegging på sjukehus via fastlege eller legevakt som akutthjelp.

Utgreiing

Undersøking

Grada av vriding er avgjerande for skaden det medfører. Det er derfor viktig å få behandling raskt. Det blir i nokre tilfelle tekne ultralyd for å sikre korrekt diagnose, men dette er ikkje påkravd før operasjon. Operasjonsindikasjon blir vanlegvis stilt ut frå symptom og kliniske funn. Ved tvil om diagnosen blir gjerne tilrådd å operere for å sjå om testistorsjon ligg føre.

Operasjon

Operasjon må utførast innan 6 timar for å unngå varig skade på testikkelen. Operasjonen blir utført i narkose. Du må derfor vere fastande.

Narkose til barn

Behandling

Sjølve operasjonen

I narkose blir huda opna i pungen med eit lite snitt. Testikkelen detorkveres (blir rotert tilbake) og testikkelen blir sydd fast til innsida på pungen for å redusere risiko for ny torsjon seinare. For å unngå testistorsjon på motsett testikkel, blir den sydd fast under same operasjon.

For somme har grada av vridinga vore stor og gått føre seg over for lang tid. Celler og vev i testikkelen er då døde (nekrotisert). Testikkelen blir fjerna.

Såret blir sydd med sting som forsvinn av seg sjølv og blir dekt med gjennomsiktig plaster (tegaderm).

Hygiene

Les meir om stell av operasjonssåra:

Oppfølging

Smertestillande

Det er vanleg å ha noko smerter etter denne operasjonen. Vårt råd er å ta paracetamol, eventuelt ibuprofen, til faste tider operasjonsdagen og neste dag. Deretter ved behov. Følg tilvising som legen har gitt.

Aktivitet

Du skal ikkje drive fysisk aktivitet i 2–3 veker etter operasjonen. Dette gjeld gym, fysisk aktivitet utanom skuletida, inkludert symjing. De får med stadfesting til skulen om gymfritak. Små barn regulerer sin eigen aktivitet, dei kan leike og bevege seg fritt etter operasjonen.

Kontroll

Det er vanlegvis ikkje nødvendig med kontroll. For deg som har fått fjerna testikkelen, kan du få tilbod om protese seinare.

Ver merksam

Kontakt sjukehuset dersom du får nokre av desse plagene:

  • bløding frå såra
  • væsking frå såra
  • aukande hevelse, raudheit eller smerte frå såra
  • sjukdomskjensle
  • feber

Kontakt

Glasblokkene Barnekirurgen

Kontakt Barnekirurgen

Oppmøtestad

Vi held til i blokk 6, 3 etasje i Glasblokkene ved Haukeland universitetssjukehus.  

Alle pasientar som skal leggast inn på Barnekirurgen blir tatt imot i kirurgisk mottak for barn i blokk 6, etasje U1 i Glasblokkene. 


Barn og unge som blir innlagt kan vere knytt til ulike kirurgiske spesialitetar. Har du spørsmål om kommande innlegging eller poliklinikk kan du kontakte sentralbordet på telefon 55 97 50 00 og be om å bli sett over til: 

  • Øyre-nase-hals poliklinikk eller innleggingskontor  
  • Kirurgisk poliklinikk eller innleggingskontor  
  • Plastikkirurgisk poliklinikk eller innleggingskontor  
  • Kjevekirurgisk poliklinikk eller innleggingskontor  
  • Ortopedisk poliklinikk eller innleggingskontor   
Flyfoto av Glasblokkene

Glasblokkene

Haukelandsbakken 1

5021 Bergen

Finn fram

Transport

​Fleire rutebussar går forbi Haukeland. I tillegg finst direkte arbeidsruter mellom bydelane og sjukehuset.
 
​​​​​​På nettsidene til Skyss.no finn du bussruter med oversikt over stoppestader og tider
 
  • Line 5 og 6 har avgang frå Festplassen
  • Line 12 har avgang frå Bystasjonen
  • Line 16E har avgang frå Xhibition i Småstrandgaten
​Busstoppa rundt Haukeland:

  • Ulriksdal for besøkande til Ulriksdal helsepark og Glasblokkene (line 5, 6, 16E)
  • Haukeland sjukehus Nord for besøkande til Glasblokkene, Kvinneklinikken, Augebygget og Haukeland hotell (line 5, 6, 12 og 16E)
  • Haukeland sjukehus Sør for besøkande til Sentralblokka og andre bygg på Haukelandsområdet (line 5, 6, 12 og 16E)
  • Ibsensgate - arbeidsruter

​Nærmaste stoppestad til Haukeland er bybanestoppet Haukeland sjukehus. Banen stoppar nord for Sentralblokka, like ved Glasblokkene, på Haukelandsområdet. Det tar om lag 5 minutt å gå frå stoppet til sjukehuset. 

Sjå rutetabellar og oversikt over stoppestader på Skyss.no

Sjekk nettsida til Flybussen for meir informasjon om ruter og prisar

 

Det er to HC-parkeringsplassar ved Glasblokkene. ​På grunn av byggearbeid er det elles begrensa med parkeringsplassar.

Besøkande parkerer på parkeringsdekket i Sentralblokka. Her er det også fleire HC-parkeringsplassar.

Meir informasjon om parkering på Haukeland universitetssjukehus 

Ein kan gå mellom Sentralblokka og Glasblokkene innandørs via tunnelsystemet.

Praktisk informasjon

I Glasblokkene 5-8 er det ein hovudresepsjon i 1. etasje som betener alle pasientar, pårørande og besøkande til Glasblokkene. Hovudresepsjonen er betent alle dagar frå kl. 07.00 - 21.00. Helg og heilagdager er resepsjonen betent frå 07.30 - 21.00. Her kan du få hjelp til innsjekk, å finne fram, bestille tolk, transport og mykje meir.

I tillegg til hovudresepsjonen er det ein ekspedisjon i tilknyting til mottaket i U1. Denne har ope alle kvardagar kl. 07.00 - 22.30, og frå 08.00 til 22.30 i helg/heilagdagar

Resepsjonen i blokk 1-4 er gjort om til base for vektarar frå hospitaldrift, og er bemanna med vektar 24/7. Her er vektar tilgjengeleg for pasientar og besøkande for enklare førespurnadar og spørsmål.

I innkallingsbrevet ditt står det kor du skal møte på sjukehuset. Dei aller fleste får også ein SMS for ankomstregistrering same dag som timen er. Du kan velge å velge å sjekke inn via SMS på mobilen, eller på sjølvbetjeningsautomat i Glasblokkene.

Dei pasientene som treng eller ønsker det, får hjelp hjelp i resepsjonen.

Når pasienten har sjekka inn, enten via mobil eller på automat, får du SMS med referansekode som viser kva ven​​tesone de tilhører. Du vil alltid få ein SMS for innkalling til rom/sted.

Når timen er over og oppgjøret tatt, får pasientene mulighet til å betale egenandel mm. via Vipps, eller å få tilsendt regning i posten eller nettbanken. 

 

I foajeen i Sentralblokka på Haukeland finn du eit apotekutsal for publikum. Dei gjer klar resepten din medan du ventar der.

Apotekutsalet har eit variert varetilbod, og fører dei legemidla sjukehuset nyttar i behandlinga. Dei skaffar også legemiddel som ikkje er marknadsførte i Noreg eller som må produserast spesielt. I tillegg har dei hudpleie- og hygieneartiklar og ernæringsprodukt, samt andre apotekvarer og sjukepleieartiklar.

Dei ansatte ved apoteket gir deg informasjon, råd og rettleiing om legemiddel og legemiddelbruk og kan tilby samtale/rettleiing mellom personale og pasient på eit uforstyrra samtalerom. Dei tilbyr og opplæring i blodsukkermåling og bruk av inhalasjonspreparat.

Apoteket tar også i mot gamle legemiddel til destruksjon.​

Du kan betale med Vipps på apoteket. Du kan derfor mellom anna betale på førehand når du skal hente bestilte medisinar.

Opningstider
Måndag-fredag kl. 08.30-18.00, laurdag kl. 09.00-13.00

Telefon 55 97 53 44
Telefaks 55 29 07 40
bergen@apotekene-vest.no

For meir informasjon - sjå nettsida til Sjukehusapoteka Vest

Du treng ikkje å sitte utanfor behandlingsrommet å vente. Både vaksne og barn kan vente både ute og inne. I inngangsetasjen er det leikerom, lounge, kafé og fleire opphaldsareal. Det er også eit stort leikerom til venstre for den store trappa i U1.  


Ventesonene nær behandlingromma er godt merka. Du vil få SMS om å gå til ventesona når det nærmar seg timen.  

Når du skal på besøk eller følgje ein pasient på sjukehuset, må du gjere deg kjent med gjeldande rutinar.

​Les meir om besøkstider og -reglar på sjukehuset​

Pasientbiblioteket på Haukeland er til for pasientar og pårørande. Her er utlån av bøker, både tekst- og lydbøker, filmar, musikk og tidsskrift. Biblioteket har også mange aviser til utlån, mellom anna alle lokalavisene i distriktet.
For dei som ikkje kan komme seg til biblioteket, har vi et tilbod med boktraller med eit utval frå biblioteket som blir trilla rundt til avdelingane.

Pasientbiblioteket finn du i foajeen i Sentralblokka på Haukeland. Kom innom for ein prat, lån ei bok eller slå deg ned i salongen med ei avis.