Radiologisk avdeling, Kysthospitalet

CT av nyrer og urinvegar, Kysthospitalet

CT er ei røntgenundersøking der vi tar tverrsnittbilete av aktuelle område i kroppen.

Ventetider

Ventetider på Velg behandlingssted (Helsenorge)

Innleiing

CT-undersøking er nyttig for å:

undersøke blødningar, aneurismer (utposninger på blodkar), hjernesvulstar og hjerneskader
oppdage svulstar og andre prosesser i heile kroppen
vurdere om kreftbehandling verkar
avklare infeksjonar og betennelsestilstandar
vurdere organskadar etter skader (traumer)
vurdere tilstandar i muskel og skjelett
ta vevsprøve (biopsi)

CT-undersøking av nyrer/urinvegar omfattar også undersøking av nyrebekken, urinleiarar og urinblære.

CT-undersøkinga blir gjort med tilførsel av kontrast i blodåra, for å få betre biletinformasjon.

Ved spørsmål om nyrestein er det ikkje nødvendig å setje kontrast.

Tilvising og vurdering

Tilvising frå lege på sjukehuset eller primærhelsetenesta.

Helsepersonell

Sjekkliste for tilvisning - Fastlege eller anna helseteneste som tilviser til utgreiing

Helsepersonell

Fastlege eller anna helseteneste som tilviser til utgreiing

Tilvisinga må innehalde informasjon om

kreatinin/eGFR for undersøkingar som krev kontrastmiddel. Skriv inn dato for prøvetaking. eGFR må rekvirerast primært ved prøvetaking. Det er ikkje nok å rekvirere kreatinin.
det er akutt hjelp, eller om pasienten skal innkallast til time. Vi treng å vite kva som er avtalt med pasienten.
hastegrad
pasienten er gravid
pasienten har behov for tolk, og kva språk pasienten snakkar. Tolken kan ikkje vere gravid.
pasienten sin mobilitet.
tidligare reaksjoner på kontrastmiddel ved undersøkingar som krev intravenøs kontrast.

Kliniske opplysningar i tilvisinga må innehalde:

Om pasienten: Kort om det aktuelle: Årsak til at pasienten blir tilvist, symptom, tidlegare sjukdomar og risikofaktorar.
Funn og fakta: Kort om viktige, aktuelle funn ved undersøkinga, aktuelle blodprøver, tidlegare radiologiske undersøkingar.
Klinisk problemstilling: Tentativ diagnose, kva er mistenkt, kva ønsker du å få undersøkt.

Dette har betydning for val av CT-protokoll og at bileta dekker det de spør etter.

Før

Nokre CT-undersøkingar kan innebere førebuingar som blodprøvetaking eller faste/tarmtømming. Forberedelsene varierer ut fra hva som skal undersøkes. Informasjon om hvordan du skal forberede deg til undersøkelsen vil du få i innkallingsbrev eller ved avdelingen når timen blir avtalt. Gje beskjed til legen som tilviser deg dersom du har forhøya stoffskifte, eller om du tidlegare har hatt reaksjoner på intravenøs kontrast, som har krevd behandling.

CT blir vanlegvis ikkje brukt ved graviditet. Er du gravid må du kontakte tilvisande lege og opplyse om dette i god tid før undersøkinga. 

Ved enkelte undersøkingar av nyre og urinvegar skal du ikkje tømme urinblæra den siste halvtimen før undersøkinga.

Amming

Overgang av kontrastmiddel til morsmelk er minimal, og du kan ta CT selv om du ammer.

Førebuing på sjukehuset

Metallgjenstandar som knappar, glidelås, belte og liknande må takast vekk frå området som skal undersøkast. Dette for å sikre best mogleg kvalitet i bileta.

CT med intravenøs kontrastvæske

I nokre tilfelle må vi setje kontrast i blodårene, men dette er avhengig av kva ein skal sjå etter på bileta.

Dersom du skal ha kontrast i åra, får du eit plastrør (kanyle) lagt inn i ei blodåre. Du vil på førehand bli spurt om du har hatt reaksjonar på kontrastmiddel tidlegare, og enkelte andre risikofaktorar.

Under

Korleis undersøkinga blir utført vil variere ut fra kva som skal undersøkast. 

Som regel tar undersøkinga mellom 10 - 30 minutt. Sjølve bilettakinga tek berre nokre få minutt.

Under undersøkinga ligg du på ein motorisert benk, som forflyttar deg gjennom den korte opninga av CT-maskina. Når bileta blir tatt beveger benken på seg. Det er heilt avgjerande for biletkvaliteten at du ligg i ro under heile undersøkinga. Ved nokre undersøkingar blir du bedt om å halde pusten i nokre sekund når bileta blir tatt. Dette for å unngå unødige bevegelsar i lunge- og mageregionen. Undersøkinga er smertefri.

Personalet går ut av undersøkingsrommet når bileta blir tatt. Dei kan sjå deg gjennom eit vindauge, og høyre deg gjennom ein mikrofon i maskina.

CT med intravenøs kontrastvæske

Når kontrasten passerer gjennom organa i kroppen, blir det tatt bilete i serie av dei ulike organa. Når kontrastvæska blir gitt er det vanleg å få ei varmekjensle i kroppen, men denne kjensla forsvinn etter kort tid.

Etter

Ved CT-undersøking der kontrast er gitt intravenøst, ber vi deg vente på avdelinga i 30 minutt etter at kontrasten blei sett inn. Vi tar ut venekanylen etter ventetida.

Resultat av undersøkinga

Bileta blir granska av ein røntgenlege (overlege) som lagar ein skriftleg rapport av kva bileta viser. Rapporten blir sendt legen som tilviste deg. Bileta og rapporten blir lagra i datasystemet vårt. 

Ver merksam

Normalt sett er det ingen risikoforhold forbundet med denne undersøkelsen. CT-undersøkelsen innebærer røntgenstråler og undersøkelsene skal være tilpasset slik at stråledosen er så lav som mulig.

CT med kontrast

I svært sjeldne tilfelle kan enkelte få eit kløande utslett på kroppen opptil ei veke etter å ha fått kontrast. Kjøp i så tilfelle reseptfri allergimedisin, evt. kontakt fastlege.

Røntgenkontrast gir svært sjeldan alvorlege allergiliknande reaksjonar.  

Kontaktinformasjon

Bil

Om du kjem med bil frå Bergen:

Følg E39 mot Halhjem/Stavanger til du kjem til avkøyrsel 64.
Ta andre avkøyrsel i rundkøyringa og følg vegen i ca 4 km til du ser sjukehusskiltet.

Om du kjem med bil frå Halhjem:

Følg E39 mot Bergen.
Ta avkøyrsel 64, ta andre avkøyrsel i første rundkøyringa og første avkøyrsel i neste rundkøyring - og følg vegen ca. 4 km til du ser sjukehusskiltet.

Buss

Buss frå Bergen:

Rute 600 til Tøsdalsskiftet og derfra rute 602/607 Hagavik.

Buss frå Bergen lufthavn Flesland:

Bybanen til Lagunen terminal og deretter bussrute 600 til Tøsdalsskiftet, og så rute 602/607 til Hagavik.

Buss frå Halhjem:

Rute 600 til Tøsdalsskifet og derfra rute 602/607 til Hagavik.

Det er ca 500 meter å gå frå busstoppet ned til sjukehuset.

Praktisk informasjon

Informasjon om prøvesvar

Vi svarer ikkje på førespurnader som gjeld resultat av radiologiske undersøkingar. Desse skal tilvisande lege gå gjennom, med tanke på vidare medisinsk behandling. Du finn prøvesvaret under pasientjournal på helsenorge.no.

Informasjonsbrev til pasientar

Brev til pasientar fra HUS til KiH

Kantine

Kantine finst i 1. etasje. Den er open kl. 10‐15 alle kvardagar.

Mobiltelefon

Mobiltelefon er tillat på heile sjukehuset, men vi ønsker at den står på lydlaus når du er på Oppvakningsavdelinga.

Oppmøte

Meld deg i resepsjonen i 1. etasje når du kjem, og gå deretter opp til venterommet i 2. etasje.

Parkering Kysthospitalet

Det er gratis parkering på området til Kysthospitalet i Hagevik.

Trådlaust internett

Alle pasientar og besøkande kan bruke gratis trådlaust internett på dei fleste områda på sjukehuset.

Gjest.ihelse.net er eit trådlaust nettverk for besøkande, pasientar og tilsette. Slik koblar du deg til gjestenettet vårt:

Koble deg til det trådlause gjestenettet (gjest.ihelse.net)
Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).
Trykk "Godta" når du har lest og forstått vilkåra.

Innlogginga skjer automatisk på einingar etter første pålogging, så lenge kontoen er aktiv. Det skal bare være nødvendig å logge seg på éin gong per eining per 31 dagar.

Trøbbel med å kople til trådlaust internett?

Sjukehuset har dessverre dårleg nettverk nokre stader. Du kan derfor ha problem med å få logga deg på nettverket. Vi beklagar dette, og jobbar med å utbetre dette.

Har du ein nyare mobiltelefon, og problem med å kople det til trådlaust gjestenett på sjukehuset? Det kan skuldast nettverksinnstillingane på telefonen din. Les meir om kva du kan gjere her