Vi tilrår at du alltid nyttar siste versjon av nettlesaren din.
logo Helse Bergen

Undersøking

Allergiutredning hos lungespesialist, voksne

Allergi er hyppig førekommande i befolkninga og viser seg å auke i førekomst. Ein kan ha allergirelaterte symptom frå øvre og nedre luftvegar, mage og tarm eller frå hud. Fastlegen vil ofte kunne greie ut og behandle allergi, men nokre gonger er det behov for at fastlegen tilviser til spesialisthelsetenesta for utgreiing og/eller behandling.

Astma er ein kronisk betennelses- eller irritasjonstilstand i luftvegane. Ein blir særleg følsam i luftvegane, og dette kan føre til gjentatte episodar med hoste, tettleik i brystet, tung pust eller surkling, særleg om natta eller tidleg om morgonen. Mellom episodar med forverring kan pusten vere normal. Nokre gonger kan astma komme av eller bli forverra av allergi. Når fastlegen har mistanke om astma eller det er behov for ytterlegare utgreiing eller behandling, kan du bli tilvist til astmautgreiing i spesialisthelsetenesta. Når det er mistanke om at allergi er ei medverkande årsak, kan du bli tilvist til ei kombinert allergi- og lungevurdering.

Før

Når du skal til allergiutgreiing, må du ta med liste over dei faste medisinane dine. Avhengig av kva undersøkingar som skal gjerast, vil det kunne vere aktuelt med førebuingar heime. Dette blir du informert om ved innkallinga til timen. Det kan vere at du skal stoppe med allergitablettar eller astmamedisin. Dersom det ikkje er gitt beskjed om anna, skal du ta dei medisinane som er føreskrivne.

Under

Du vil få time hos ein allergikompetent lege som i tillegg er spesialutdanna i lungemedisin. I forbindelse med timen kan du vere sett opp til éi eller fleire undersøkingar hos sjukepleiar. Å stille diagnosen astma kan vere utfordrande då det ikkje finst ein type test som sikkert slår fast om ein har astma eller ei. Utgreiinga inneber derfor ofte fleire testar. Dette kan vere undersøkingar som allergitest, spirometri (lungefunksjonstest), og lungeprovokasjonstest.
 
Utgreiingstida kan vare frå 30 minutt til 2 timar, avhengig av kva undersøkingar som skal gjerast. I denne tida inngår samtale, generell undersøking, spesialundersøkingar og gjennomgang av prøveresultat. Legen vil snakke med deg og undersøke deg i samsvar med problemstillinga.

Etter

Vidare forløp avheng av konklusjonen ved utgreiinga. Dersom ein påviser astma, kan det bli nødvendig med inhalasjonsmedisinar. Det kan vere behov for ytterlegare kontrolltime for vidare utgreiing, og det kan bli sett i gang eit behandlingsprogram. Du kan også få vidare oppfølging hos fastlegen din, eller det kan vere vi ikkje finn grunnlag for mistanke om allergi som årsak til plagene dine. Ved allergisk astma som blir verre i pollensesongen til tross for god symptomdempande behandling, kan allergenspesifikk immunterapi – også kalla allergivaksinasjon – vere ein del av behandlinga.

Kontakt

Konrad Birkhaugs hus Yrkesmedisinsk avdeling

Kontakt Yrkesmedisinsk avdeling

Oppmøtestad

Arbeidsmedisinsk poliklinikk ved Yrkesmedisinsk avdeling, Haukeland universitetssjukehus
Konrad Birkhaugs hus, 2. etasje.

Telefon 55 97 38 75

Konrad Birkhaugs hus

Jonas Lies vei 79

5021 Bergen

Finn fram

Transport

​Fleire rutebussar går forbi Haukeland. I tillegg finst direkte arbeidsruter mellom bydelane og sjukehuset.
 
​​​​​​På nettsidene til Skyss.no finn du bussruter med oversikt over stoppestader og tider
 
  • Line 5 og 6 har avgang frå Festplassen
  • Line 12 har avgang frå Bystasjonen
  • Line 16E har avgang frå Xhibition i Småstrandgaten
​Busstoppa rundt Haukeland:

  • Ulriksdal for besøkande til Ulriksdal helsepark og Glasblokkene (line 5, 6, 16E)
  • Haukeland sjukehus Nord for besøkande til Glasblokkene, Kvinneklinikken, Augebygget og Haukeland hotell (line 5, 6, 12 og 16E)
  • Haukeland sjukehus Sør for besøkande til Sentralblokka og andre bygg på Haukelandsområdet (line 5, 6, 12 og 16E)
  • Ibsensgate - arbeidsruter

​Nærmaste stoppestad til Haukeland er bybanestoppet Haukeland sjukehus. Banen stoppar nord for Sentralblokka, like ved Glasblokkene, på Haukelandsområdet. Det tar om lag 5 minutt å gå frå stoppet til sjukehuset. 

Sjå rutetabellar og oversikt over stoppestader på Skyss.no

Sjekk nettsida til Flybussen for meir informasjon om ruter og prisar

 

Parkeringsanlegget på Haukeland er delt inn i ulike område på og i nærleiken av sjukehuset. Vi har dessverre ikkje nok plassar til alle som ønsker å parkere på sjukehuset.
​​​​​​​​Av omsyn til dei som må bruke bil, oppmoder vi derfor dei som kan, til å bruke offent​leg transport​. Det er også mogleg å parkere på Bystasjonen og ta buss/bane det siste stykket opp til Haukeland​. 

​For dei som av ulike årsakar må bruke bil, er det parkeringsplassar på ulike områder på og i nærleiken av sjukehuset.

 

Reiseutgifter
Som regel gjennomfører du reisa di på eiga hand og søker om å få dekt reiseutgiftene i etterkant.
Les meir om å få dekt ei pasientreise

Planlegging
I utgangspunktet vel du sjølv kva transportmiddel du reiser med til behandling.
Les meir om planlegging av pasientreisa di

Rettar/Rettane dine
Hovedregelen er at pasientreiser bli dekt med ein standardsats per kilometer. Ved behov kan også nødvendige tilleggsutgifter bli dekt.
Les meir om rettane dine ved pasientreiser

Tilrettelagt transport
Helseekspressen
Avdeling for pasientreiser i Helse Bergen ​

Praktisk informasjon

Frivillige på Haukeland er her for å gjere pasientar og pårørande sitt møte med sjukehuset betre. Alle i frivilligheitstenesta er kledd i raude vestar og har fått kursing om rolla. 


Dei frivillige kan vise veg, vente saman med pasientar, bli med på luftetur i parken eller nærområde - og mykje meir. 

Meir informasjon på helse-bergen.no/frivillig

Kontaktinformasjon: 

​Vi ønskjer at du som pasient, pårørande eller besøkande skal føle deg trygg og få god informasjon hos oss. Her finn du praktisk informasjon om korleis du skal komme deg hit, daglege rutinar, mattilbod, parkering og andre servicetilbod ved sjukehuset.

Her har me samla mykje praktisk informasjon.

Om du ikkje finn svar på det du lurer på, oppmodar vi deg til å ta kontakt med personalet.

​Vi vil at du som pasient og dine næraste skal få god informasjon, hjelp og rettleiing til å leve best mogleg med sjukdommen, skaden eller tilstanden din.

Les meir om rettar, val og moglegheiter

Fleire og fleire avdelingar på sjukehuset får nå ny digital løysing for korleis du som pasient registrerer deg og betalar. Denne avdelinga har nå tatt i bruk denne nye løysinga. 

Du registrerer at du er komen til sjukehuset enten via tekstmeldinga du får frå oss eller på ein sjølvbeteningsautomat. Om du skal ta blodprøve kan du også registrere dette sjølv i dei avdelingane kor det er utplassert automater. Du kan framleis få hjelp i resepsjonen om du ønskjer det.


Skal du betale etter timen vil du få ei tekstmelding med betalingsinformasjon. Du kan velje å betale med Vipps eller få tilsendt faktura, gebyrfritt/utan ekstra kostnader for deg. Du kan òg betale med kort på ein sjølvbeteningsautomat eller i resepsjonen.

Les meir om innsjekk og betaling​

Alle pasientar og besøkande kan bruke gratis trådlaust internett på dei fleste områda på sjukehuset.

Gjest.ihelse.net er eit trådlaust nettverk for besøkande, pasientar og tilsette. Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).​
  3. Trykk "Godta" når du har lest og forstått vilkåra.

Innlogginga skjer automatisk på einingar etter første pålogging, så lenge kontoen er aktiv. Det skal bare være nødvendig å logge seg på éin gong per eining per 31 dagar. 

 
Trøbbel med å kople til trådlaust internett?
Sjukehuset har dessverre dårleg nettverk nokre stader. Du kan derfor ha problem med å få logga deg på nettverket. Vi beklagar dette, og jobbar med å utbetre dette.
 
Har du ein nyare mobiltelefon, og problem med å kople det til trådlaust gjestenett på sjukehuset? Det kan skuldast nettverksinnstillingane på telefonen din. 

I foajeen i Sentralblokka på Haukeland finn du eit apotekutsal for publikum. Dei gjer klar resepten din medan du ventar der.

Apotekutsalet har eit variert varetilbod, og fører dei legemidla sjukehuset nyttar i behandlinga. Dei skaffar også legemiddel som ikkje er marknadsførte i Noreg eller som må produserast spesielt. I tillegg har dei hudpleie- og hygieneartiklar og ernæringsprodukt, samt andre apotekvarer og sjukepleieartiklar.

Dei ansatte ved apoteket gir deg informasjon, råd og rettleiing om legemiddel og legemiddelbruk og kan tilby samtale/rettleiing mellom personale og pasient på eit uforstyrra samtalerom. Dei tilbyr og opplæring i blodsukkermåling og bruk av inhalasjonspreparat.

Apoteket tar også i mot gamle legemiddel til destruksjon.​

Du kan betale med Vipps på apoteket. Du kan derfor mellom anna betale på førehand når du skal hente bestilte medisinar.

Opningstider
Måndag-fredag kl. 08.30-18.00, laurdag kl. 09.00-13.00

Telefon 55 97 53 44
Telefaks 55 29 07 40
bergen@apotekene-vest.no

For meir informasjon - sjå nettsida til Sjukehusapoteka Vest

Som inneliggande pasient vil du få matservering på avdelinga du ligg på. I tillegg kan du og besøkande kjøpe alt frå dagens middag til smårettar, bakevarer og kioskvarer på sjukehuset. I nærmiljøet finst også fleire daglegvarebutikkar.

Les meir om mattilbodet ved sjukehuset

Pasientbiblioteket på Haukeland er til for pasientar og pårørande. Her er utlån av bøker, både tekst- og lydbøker, filmar, musikk og tidsskrift. Biblioteket har også mange aviser til utlån, mellom anna alle lokalavisene i distriktet.
For dei som ikkje kan komme seg til biblioteket, har vi et tilbod med boktraller med eit utval frå biblioteket som blir trilla rundt til avdelingane.

Pasientbiblioteket finn du i foajeen i Sentralblokka på Haukeland. Kom innom for ein prat, lån ei bok eller slå deg ned i salongen med ei avis.