Vi tilrår at du alltid nyttar siste versjon av nettlesaren din.
logo Helse Bergen
Mann smiler

Rusmedisin Dr. Martens

Dr. Martens har ein korttidspost med 10 sengeplassar for menn og kvinner, som ligg tilbaketrekt i rolege omgjevnader i Sandviken. Vi tilbyr avrusning og tidleg stabilisering, og posten skal i utgangspunktet ta imot ØH-pasientar.

Martens korttidspost

Dr. Martens si korttidspost tilbyr eit breitt spekter av tenester for menn og kvinner som treng avrusning og stabilisering. Tilbodet inkluderer abstinensbehandling, medisinsk nedtrapping, stabilisering, miljøterapi, treningsterapi, musikkterapi, og psykologfagleg tilnærming. Vi legg stor vekt på ettervern, endringsprosessar og rusmestring for å sikre ei heilskapleg behandling.

Tvangspost

I underetasjen til  Martens korttidspost ligg tvangsposten til Rusmedisin AFR der pasientane blir innlagde utan eige samtykke etter §§ 10-2 og 10-3 i helse- og omsorgstenestelova (HOL), der andre frivillige hjelpetiltak ikkje er formålstenleg eller tilstrekkeleg.

Behandling

Behandlinga tek utgangspunkt i pasientens eigne opplevingar og problembeskrivingar. Vi fokuserer på kartlegging av omfang og symptom, bevisstgjering av problema, og å oppretthalde motivasjon for endring. Behandlingsprosessen krev betydeleg eigeninnsats frå pasienten og kan sjåast som hjelp til sjølvhjelp.

Meistring

Vi legg til rette for utforsking av nye meistringsopplevingar, slik at pasientane kan finne tilbake til eit godt daglegliv. Eit viktig fokus er også å leggje til rette for vidare meistring etter innlegginga, inkludert samarbeid med hjelpetiltak og utarbeiding av individuell plan.

Metode

Arbeidsmetodane våre inkluderer motiverande samtale, mentaliseringsbasert terapi, kognitiv atferdsterapi, individuell jobbstøtte, sosialfagleg arbeid, treningsterapi, musikkterapi og kunnskap om avhengigheit og endringsprosessar.

Fasilitetar
 
Pasientromma er store og fine, dei fleste med eigne bad og nydeleg utsikt over byfjorden. Å ha eit sunt og variert kosthald er viktig, også i behandlingskvardagen. Våre kokkar og servicemedarbeidarar bidrar kvar dag til at pasientane våre kan glede seg til både frukost, lunsj og middag.
 
Aktivitetar
 
Vi tilbyr fleire treningsaktivitetar kvar veke, enten på eige treningsrom, eller i nærområdet med vår eigen fysioterapeut. Det er også musikkterapeut på avdelinga ein dag kvar veke.
 
Ansatte
 
På Dr. Martens blir pasientane møtt av ei flott, tverrfagleg personalgruppe. Hos oss møter du erfaringskonsulent, sjukepleiar, sosionom, lege, fysioterapeut, vernepleiar, psykolog med meir. Alle er til stades for å bidra til eit heilskapleg tilbod til pasientane våre.

 

 

Martens korttidspost tilbyr avrusning og stabilisering for menn og kvinner i rolege omgjevnader i Sandviken. Med 10 sengeplassar og eit erfarent team, legg vi til rette for ein trygg og støttande behandlingsprosess.

Rusmedisin AFR  handterar saker vedrørande førebuing, innlegging i institusjon etter §§ 10-2 og 10-3 i Helse- og omsorgstenestelova (HOL). Vi koordinerar også vidare frivillig behandling eller bidreg til ein evaluering av opphaldet i lag med pasienten og kommunen.

 

Rusmedisin tvangsposten

 

 

Kontakt

Sentralbord Avdeling for rusmedisin

E-post

afr@helse-bergen.no

Slik finn du fram

Dr. Martens, Sandviken

Hatleveien 7D

Dr. Martens - Bygg 16, Hatleveien 7D, 5038 Bergen

Finn fram

Du kan bruke bussar som går på E39/motorvegen til og frå Åsane.

Dersom du reiser frå Bergen sentrum:
Gå av ved busstoppet Handelshøyskolen. Ta Øyjordsveien ved SPAR Øyjorden. Følg vegen 100 meter. Ta til høgre og følg Hatleveien 500 meter, til enden av vegen.

Dersom du kjem frå Åsane/Bergen Nord:
Gå av ved busstoppet Handelshøyskolen. Bruk gangbrua over motorvegen og følg gangstien til Øyjordsveien. Ta til høgre og følg Hatleveien 500 meter, til enden av vegen.

Besøkande kan få parkeringsbevis i resepsjonen/hovudinngangen.

Praktisk informasjon

​Vi har dessverre ingen kantine eller kiosk til besøkande på poliklinikken. Nærmaste butikk er SPAR Øyjorden. 

Alle pasientar og besøkande kan bruke gratis trådlaust internett på dei fleste områda på sjukehuset.

Gjest.ihelse.net er eit trådlaust nettverk for besøkande, pasientar og tilsette. Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).​
  3. Trykk "Godta" når du har lest og forstått vilkåra.

Innlogginga skjer automatisk på einingar etter første pålogging, så lenge kontoen er aktiv. Det skal bare være nødvendig å logge seg på éin gong per eining per 31 dagar. 

 
Trøbbel med å kople til trådlaust internett?
Sjukehuset har dessverre dårleg nettverk nokre stader. Du kan derfor ha problem med å få logga deg på nettverket. Vi beklagar dette, og jobbar med å utbetre dette.
 
Har du ein nyare mobiltelefon, og problem med å kople det til trådlaust gjestenett på sjukehuset? Det kan skuldast nettverksinnstillingane på telefonen din.